Biblia Todo Logo
Bib sou entènèt

- Piblisite -




Hagai 2:7 - Nobonob Baibel

7 Da heppi, wanppan wan oh uɗalkkulag. Ag uɗalppeg, appan danab ah ahilag en okkai aon uɗin, da laulppa meppeg, da heppi, dahil binag amahlak oppiaawak ele am lag imu ambekku.” Yawe Nukka Ɠagattag Oh Ele Nug anam awa atte.

Gade chapit la Kopi




Hagai 2:7
36 Referans Kwoze  

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.


Yawenu binag amahlak oppiaawak ele am bud amuppa naɗinab amahle, Yawenu mettid lag ooppa amu, amahlaknab dayom. Anam dayom amunu, mana mettak danab ag ahilag uɗat hekkulagnu elele iitta.


Juda nug hanhan kingnu qakun aɗa daakku. Ao, Juda buɗub laa ag hanhan king daan oiglag. Ag anam daappeg ukkebeb, dimppa laa nug kingnu qakun mamegnab nug uɗia aweb batakku. Nug uɗieb amu, wan laalappan oh ag nuhig nai dim lamidkkulag.


Goya, aa Nug mattieheh, deɗ aɗit ukke, dimppa deɗ ewamppa aa Nug Kayaknu mettid lag ooppa dayeye anidpiɗ. Nug Juda dilag ippunittak danab oolagppa dayeye, ag nai mattiegeg doya, Nug eɗua oɗ madette daappig.


Aria, Josep wau ele gopiɗ, deɗ amuppa Kayak Ouɗi Nug he, Simeon nug aha ukka, Kayaknu mettid lag ooppa no, anig mameg ele aa nid nakok Jesus omalya, ɗo atte bia hekkulahnu tepiɗ.


Amu kekeɗ ag Juda wan heppeg nauhkku. Ge, ag heppeg, Juda wan am nauhkku. Da heppi, Juda wan am anam nauhak dayeb ukkeb, laa nug genab king daakkunu daatte, nug uɗieb, da wan amu nug medakkul.” Yawe Nug anam atte.


Kedar danab ag ahilkad sipsip, meeme ele manan Yawe mettaknu aon uɗiglag. Ao, Nebaiot danab ag sipsip dawai amunu aon uɗiglag. Ag aon uɗiglag amu, Yawe Nug amunu atte. “Ag aon uɗippeg, ag main meɗappeg, da oolppa ena, elele dookkul. Ag amu heppeg, da heppi, danab amu ag dahil mettid lag binag amahlak oppiaawak ele, ag appan bala bia daaglag,” awa atte.


amu da heppi, na buɗunppa wan ohppan danab ag itittak ena aoglag. Aɗinu? Na nai dahil dim lamidme.’ Yawe Nug anam awa atte,” awa aum.


Am Kayak Nug anukka iitta aɗi ag geha Nai Ena aona, ag oolagppa genab dooppeg, ahilagnu Nug, “Genab tutukku hak danab,” akkunu doya he, nai amunu nuhig naippa yaak daatte. Nug anam doyom amunu, Nug anukka Abraham amegppa Nai Ena mehuqa, inam aum. “Wanppan wan ohppan danab ah ag nahip-ppa itittak ena aoglag,” awa aum.


Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.


Nug anam heehe, danab ah oh ag buttuanab ahan, ag nai dooglagnu Kayaknu mettid lakka uɗittappig.


Nug anam hewowa amu Nug deɗ oh Kayaknu mettid lag ooppa noa, danab ah Kayak nai ippuanattom. Nug anam heehe amu, mana mettak danab okkai amu ɗo mehuqak danab am danab ah gumattak ikki ele ag ahan, Nug qeppeg mauhkkunu ib madippig.


O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,


Lombig Yawenu mettid lagppa ambeum amunu, mana mettak danab ag ahilag uɗat hekkulagnu elele iitta. Aɗinu? Yawenu binag amahlak oppiaawak ele am Kayaknu mettid lag, amuppa ambak dayom.


Am deɗ laa Jesus Nug Kayaknu mettid lag ooppa danab ah nai ippuanattatta, Nug Nai Ena amelagppa mehuqeqe, mana mettak danab okkai amu ɗo mehuqak danab am Juda dilag ikki danab ele ag Jesus gumidna gona,


Amu da heppi, na ah ele gamalahppa hanhan kekeɗ daakku. Ele amu, ah buɗub, amu na buɗun ele gamagppa kekeɗ daakku. Amu ah buɗub laa aha, na ikkin tappeb toɗeb, na danab amu baeg bittub heppe hinqekku,” awa aum.


Ag Kristen, ag amu dabmettaglagnu diig amu, Kayak Nug attemnab daatte, nuhigppa aɗi kobol keeke ambak daatte ele amu, amu oh Jesus Kristus nuhigppa aakku dayeye, Nug ele am danab daatte.


Genab, binag amahlak oppiaawak ele nuhig ihinig wan imuppa daakkunu, Nug danab ah ag nuhignu ebehilag oh bodoetta le mette ele padal ii memananu ehanadtte.


Haen Yawe Nug wanppanu keeke oh eheɗ hahaɗkkulagnu aha heeb, danab ah ag Yawenu oppoɗi bak tonadmanu, Yawe Nug dagom onig ɠagattag okkai naɗi ele, ag nuhig ɠagattag amu aqadmanu, ag oolna gona, men oɗeppa nokkulag. Ao, ag wan oɗeppa gokkulag.


Juda danab ah, ag amelag human, laih laih neekkeg! Ahilkad laa ag qagmena, ag gukkuadna uɗiglag. Ag bekkalkad umanabnu uɗiglag. Laa ag aɗelkad eppelagppa mawadna uɗiglag.


Da hei, ad elabnab amu na qe, oqotti o, wanppan wan oh ag doon ottaippig. Da hei, danab ag mauhna, moɗppa niiegeg, ad amu na qa, appa no, ag ele daappig. Da anam hei, ad amu na qe, ad laa oh Iden appa daappig, ad amuam Lebanon wanppa enanagnab appa daappig ele, ad amuam ag diɗilkad matu leppa noeg daappig, ag gemu mauhak moɗppa niitteb amu, ag oolag meum.


Da keeke haknu yag-nab-bak doyeye, da oppoɗil ele aab aɗu bia beeb, da heppi, mim naɗi okkai Israel wanppa nekku.


Yawe Nug da amelppa anam a, danab melemel meum amu, nug omaiɗa, aɗ Kayaknu mettid lag talilitta daatte laih yawalti uɗitteppanu, appan odppa wana omaiɗa, Kayaknu mettid lag noobppa ukkom. Nug omaiɗa ukke, da neekki ukke, Yawenu binag amahlak oppiaawak ele Nug laugppa ambe antten, da laippun gatel qaun oin, gomelen, iɗul wanppa memi.


Da dahil lagnu ena dookkulnu, danab ah ag da binal mekkulagnu amu, ag ahan, qaukoppa tena, ad appanu aon uɗin, dahil mettid lag heig!” awa atte.


Amu mana mettak danab ag lag Oo Gun Ele amu uun, dimittim beeg, pahanab bud Yawenu mettid lag ooppa noa ambeum.


Swiv nou:

Piblisite


Piblisite