Hagai 2:6 - Nobonob Baibel

⁶ Aɗinu ag ii baɗamna? Yawe Nukka Ɠagattag Oh Ele, Nug inam ele atte. “Haen elab iitta, da hab, wan, yu, wan qaɗaiettak ele oh baula heppi uɗalkkulag.

Hagai 2:6 Referans Kwoze

Aisaia 10:25

Aɗinu ⌊ag ii baɗamna⌋? Da ag Israel, da ahilagnu oo nauhak doomi amunu, Asiria ag gemu ag anam eheɗ hadatteb, amge dahil oppoɗi bak ahilagnu daatte iitta mekkunu am haen elab ii daatte; haen tutu daatte. Haen amu maleb, dimppa da geha eɗue awe, Asiria eheɗ madakkul,” awa atte.

Aposel 2:19

Amu da heppi, habppa uɗat ɠagattagnab beppeg, wanppa dahilnu dabmettaknu kobol danab haknu elele iitta ele bekkulag. Kobol amuam inam; tiig, aab ewak, amu aab kah huanaknab tak ele daaglag.

Joel 3:16

Yawe Nug Sion appa dayaya, Nug laion huana gaatte, amubia Nug nai baag okkai ele madikku. Ao, Nug Jerusalem appa dayaya, Nug nai baag okkai ele, hakkaɗ oqotti otte, amubia nai madikku. Nug nai mattiebeb, hab, wan ele uɗalkkulah, amge Yawe Nug nuhikkud danab ah dilag padal mak eɗitteb ena dayaknu aben bia daakku. Ao, Nug nuhikkud danab ah dilag ban haknu aben ɠagattag bia daakku.

Aisaia 29:17

Amu haen elab iitta Lebanon wanppa ad kuɗum daattebppa, aben amuppa wan eɗua, dadnu wan ittag ele dayebeb, appa ee enanag baaba, meu huanak okku.

Hibru 10:37

Amuam Kayak naippa nai laa daatte amubia. Nai am inam. “Haen elab iitta, nakoknab laa ele, laa uɗikkunu daatte amu Nug uɗikku. Nug am nuhig uɗiak haen am ii eɗidma.

Esekiel 38:20

Mim naɗi anam neeb, yuppan kakai, ai hagagaɗna oitteb, atuppan doɗ, doɗ manan, doɗ laa ag oolag wan qeeqe oitteb oh ele, amu wan atu ohppa danab ah ele ag ohnab ag da noolppa daan, oolag eheɗ baɗeb, hahaɗkkulag. Qauko ag honap neppeg, bai nena qeppeg, aɗ oh loppaɗakib daaglag,” awa atte.

Jeremaia 51:33

Amu Yawe Nukka Ɠagattag Oh Ele, Israel dilag Kayak, Nug inam atte. “Danab ag ee aeg mumuɗkkulagnu ee aeg mumuɗak abenppa mumuɗak uɗat amu baelagppa ee aeg ikkilkad huan tabatteb, amubia kekeɗ ag Babilon dilagppa hekkulag. Ge, danab ag wit keeke oɗuom anidna, ag gona otaɗadna aotteb, kekeɗ ag amubia hekkulagnu haen miag doum daatte,” awa atte.

Aisaia 34:4

⌊Haen amuppa⌋ Yawe Nug heeb, habnu keeke, amuam aam kalam hoɗoppai keeke, keeke amu oh iitta mekkulag. Ao, Nug hab itoɗieb, qak daakku. Hoɗopai oh ag muɗi grep uɗulkad qaɗaiettan, nena qetteb bia nena qekkulag. Ao, ag ad fig uɗulkad qaɗaiettan, nena qetteb bia nena qekkulag.

Sam 37:10

Haen elab iitta, nau hak danab ag qettoɗkkulag; Na ag mattialadna autna aokkut, amge na ag ii anadmana, ag gona malaglag.

Revelesen 11:9

Amu deɗ ewam maha ele amu danab ah beɗulag iɗu iɗu ohppanu, huu ohppanu, nai ohppanu amu wanppan wan ohppanu ag gaɗalti neegna akkulna daaglag, amu ag auntai laa aa boumatkkulagnu aib akkulag.

Job 9:6

Kayak Nug he, wan imu uɗalala, abenppa ii daatte. Ao, Nug he, wan mawaknu keeke okkai okkai am uɗaltte.

Sam 18:7

Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Aisaia 2:19

Haen Yawe Nug wanppanu keeke oh eheɗ hahaɗkkulagnu aha heeb, danab ah ag Yawenu oppoɗi bak tonadmanu, Yawe Nug dagom onig ɠagattag okkai naɗi ele, ag nuhig ɠagattag amu aqadmanu, ag oolna gona, men oɗeppa nokkulag. Ao, ag wan oɗeppa gokkulag.

Aisaia 13:13

Amu bekkunu amu, da heppi, geha hab nug uɗalebeb, wan ele uɗalala kekuɗa, aben laappa, nuhig aben iittappa gokku.” Yawe Nug anam awa atte. Yawe Nukka Ɠagattag Oh Ele, Nug oppoɗi beebe, oo nauhak huanaknab ele bette amunu, deɗ amuppa amu oh bekku.

Jeremaia 33:14

Amu Yawe Nug atte. “Deɗ laa uɗitte amu, deɗ amuppa da aɗi nai enanag dahil ɠagattag qetten, Israel danab ah, amu Juda danab ah ele amelagppa ami amu, deɗ amuppa da heppi, meu okku.

Esekiel 38:19

Da keeke haknu yag-nab-bak doyeye, da oppoɗil ele aab aɗu bia beeb, da heppi, mim naɗi okkai Israel wanppa nekku.