Hagai 2:5 - Nobonob Baibel

⁵ Amu Yawe Nukka Ɠagattag Oh Ele Nug inam ele atte. “Ag Isip wan uun ahappig, haen amuppa da amu hekkulnu nug tituana nai qakkak hemi amunu, da aakku hettem. Da ag ele daattem. Ag aib baɗappig,” awa atte.

Hagai 2:5 Referans Kwoze

Eksodas 34:10

Moses nug anam a, aria Yawe Nug Moses amegppa aum. “Gemu amu, da heppi, da ag Israel ele ig gemu nug tituanta nai qakkagnig hettem. Nahipad danab ah noolagppa da geha uɗat ɠagattagnab, da anukka danab ah huu laa ohppa ii hemi ele amu, da ag noolagppa amu hekkul. Da amu hekkul amunu, danab ah laa, ag ag Israel, ag oolagppa daaglag ele amu, danab ah amu ag geha da, Yawe, ag da ag Israel, da ag ehanadkkulnu keeke okkai okkai digdig, danab amu antta, ebehi oh bodoetta le mette, da uɗat amu hekkul amu, ag geha amu anidkkulag.

Nehemaia 9:20

Na nahip Ouɗi, Nug Ouɗi enaib, Nug ag ulum madakkunu ag mattame. Ag ee lakkulagnu amu, na maana mattana, ag le baalag diieye, na le ele mattame.

Aisaia 41:13

Keeke anam daakkunu diig am, da am Yawe, da ahilag Kayak daattem. Da ag eppelag naɗiap aɗe ehanadttem. Da ag amelagppa ‘Ag aib baɗappig, da ag ehanadkkul,’ attem.

Sekaraia 8:13

O Juda danab ah, Israel danab ah ele, wan laappan danab ag, ag laa nug eheɗ laa awaknu anak waappa daakkunu anana, ag, Juda danab ah, Israel danab ah ele ag eheɗ nau aoppig, amubia na ele eheɗ nau am awe! appig. Ag anam appig, amge da ag Juda danab ah, Israel danab ah ele ehanadppi, ag padal ii mena, enanag daappeg, wan laappan danab ag akka akka nug amegppa nai mattina, Juda danab ah, Israel danab ah ele ag itittak enanag aoppig bia, na ele amu awe! aon akkulag. Anam bekku amunu, ag ɠagattag dayeg! Ag aib baɗappig, Ag ahan, Kayaknu mettid lag babaitteg!” Yawe Nug anam atte.

Sekaraia 8:15

amubia gemu Juda danab ah, laala Jerusalemnu, laa am Juda wanppa laih laihnu, da ag itittak ena madakkulnu dabmak aoi ɠagattag eppom amu, da amunu ele dabmak dahil ii eɗupa. Anam amunu, ag Juda danab ah, ag aib baɗappig,” awa atte.

Aposel 27:24

nug aum. ‘Pol na aib baɗame! Na am gona, Sisarnu hettoɗiakppa nug noobppa hippaidkkut. Am doye! Danab oh na ele uubppa daatteb amu, Kayak Nug unuqittak nahip doyom amunu, geha ag ele ii mauhmana,’ awa aum. Nug anam awa, da amelppa aum

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.

Matyu 28:5

Am engel nug ah aɗit amelahppa aum. “A aib baɗapiɗ! Da doottem, aa Jesus, ad emaitakppa atulppig amu, aa Nug madittep.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Nehemaia 9:30

Ig mamenkad aɗi ag anam heegeg, maɗ kuɗum na oot bodoette, bu ii mattame. Ag oolag eɗueb, na dim lamidkkulagnu haen mattame. Nahip Ouɗi Nug propet danab ehanatte, na propet danab amu oɗelagppa danab amu daulag batame. Na anam heme, amge ag dab-ii-medappig amunu, na hee, ag kekeɗ ag taliliadna daappig ele eppelagppa daappig.

2 Stori 20:17

Ag gona, appa anadkkulag, amge ag ban laa ii hemana. Iitta. Ag gona, ag ban helob bia ban hak abenppa hippaidna, ɠagattag daappeg, Yawe Nug ehanatteb, ag nuhig ehanittak anidkkulag. O Juda dilag daup, ag laa Jerusalemnu, ag laa Juda wanppa laih laihnu amu, ag aib baɗappig. Ag ahilag dabmak am qe nak aib dayom. Ag butti gona, ban hekkulagnu bia kekeɗ neekkatteg, Yawe Nug ag ele daaglag!” awa aum.

Josua 8:1

Aakku Yawe Nug Josua amegppa aum. “Na aib baɗame. Nahip dabmak ele qe nak aib dayom. Na ban daup oh diippe, ag gona, Ai ele ban heig! Da king Ainu, nuhig danab ah, nuhig aab okkai, amu nuhig wan ele oh na mettami daatte.

Eksodas 34:8

Yawe Nug nai amu mattia male, Moses nug pahanab gateg qaun o, gomela, iɗu wanppa ma, Yawe binag meum.

Eksodas 19:4

‘Da Isip appa keeke oh ehanatte hei, ag anidppig. Amu ai igel anig nug nakkud yuɗ, nug haugppa mawadtte, amubia da ag mawatte omalatte, aben imuppa, dahilppa uɗimi amu, ag amu oh ele aakku anidppig

Eksodas 19:6

Ag anam hekkulag dayeb amu, ag geha dahilnu danab ah tituanak oppiaawak ele daanna, dahil mana mettak danab ele daan, ag dahilnu daaglag.’ Na Israel danab ah amelagppa anam appe dooglag.” Yawe Nug nai amu Moses amegppa aum.

Eksodas 24:3

⌊Amge Yawe Nug nai amu Moses amegppa ii aum haenppa amu, haen amuppa⌋ Moses nug noa, nug danab ah nai oh Yawe mattiom, amu ɗo oh ele mattom, nug amu oh ele ag amelagppa aum. Nug anam a amu, danab ah oh ag nai amu doon, ag oh oɗelag ooho, ag appig, “Ig geha Yawe Nug keeke oh hekkunignu aumbia amu, ig anamib hekkunig,” aon appig.

Eksodas 24:8

Ag anam aeg amu, Moses nug tiig tappiɗ laalappa dayom amu diia, danab ah qaɗelagppa tauɗe ugekke, nug aum. “Yawe Nug nai amu oh matta, amu geha Nug ag ele nai amu atte bia, Nug ag ele nug tituanna nai qagatteb. Aria, tiig imu amu, am nug tituana nai qakkak nai amu ɠagattag qedatte,” awa aum.

Josua 1:9

Doye! Daib haknunab nai imu na iite mettami? Na ɠagattag daan, ootppa ɠagattag doye! Da, Yawe, nahip Kayak, da na adeppa gokkut amu, da na ele oh gokkunih amunu, na baɗak eheɗ nau aib doome. Nahip dabmak am qe nak aib dayom.” Yawe Nug anam Josua amegppa aum.

1 Samuel 12:20

Ag anam appig amge Samuel nug aum. “Ag aib baɗappig! Genab, ag eheɗ amu oh heppig, amge ag tuɗidna, Yawe aib dimedappig. Iitta. Ag meulag ohppa Nug waappa daan, Nug oɗe dim lamitteg!