Hagai 2:23 - Nobonob Baibel

²³ Amge deɗ amuppa da na, na Serubabel, na Sealtiel bekka na, da na ehanidppi, na ena daakkut. Da heppi, na dahil doyaknu at ringppa daatte bia daan, ena daakkut. Aɗinu? Da na dahil daakkutnu tituanidmi.” Yawe Nukka Ɠagattag Oh Ele Nug anam awa atte.

Hagai 2:23 Referans Kwoze

Aisaia 43:10

Amu Yawe Nug ele atte. “Ag Juda danab ah, ag am da aɗi aɗi hei anidppig amu, ag laa amelagppa amunu mattiglagnu danab ah dahilad daatteb. Laa ele amu, ag am dahil maɗi nid daatteb. Da ag dahil maɗi nid daaglagnu tituanadmi. Ag da dooiɗkkulagnu, ag dahilnu oolagppa genab dooglagnu, ag da am Yawe, ag amunu diignu doyak tutukku aɗaglagnu ele da anam tituanadmi. Da haen oh daami. Kayak laa dayeye, dimppa da ii uɗimi. Iitta! Da haen oh daami. Da malappi, kayak laa ii daama. Iitta! Da haen oh daakkul. Da dakka, da Yawe daattem.

Aisaia 42:1

Yawe atte. “Antteg! Imuam dahil maɗi nid; da nug haen oh elele daakkunu ɠagattag medattem. Ao, imu amu, da nug tituanmi; da nuhignu enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Jeremaia 22:24

Amu Yawe Nug atte. “Jehoiakim bekka Jehoiakin, na Juda dilag king, da Yawe, da na amenppa attem. Da genab bau daattem, genab amubia na dahil doyaknu at ringppa daatte da eppelppa daalom amu, da ring amu uɗidlom. Na am tuɗidna ii daalom.

Solomonnu Ahi 8:6

Amu nahip doyaknu at stemp-ppa daatte, keeke amuam na momonppa aihak daatte amu, da anambia daakkulnu ool daatte. Ao, nahip doyaknu at stemp-ppa daatte, keeke amuam na eppenppa qakkak daatte amu, da anambia daakkulnu ool daatte. Aɗinu? Oo mauhak am keeke ɠagattagnab. Ao, laanu oo hak huanak am keeke uug naunab ele eɗidkkunu elele. Oo mauhak am aab ewak bia; am aab ewa auta autanab aotte bia.

1 Pita 2:4

Naɗi Jesus Nug am men laa bauklel daatte bia daatte. Nug men anuqak bia anam daatte; danab ah ag Nug uuppig, amge Kayak Nug nukka tituana, nuhignu am enanag dootte. Nug anam daatte, amu ag nuhigppa uɗiegeg,

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Matyu 12:18

Nai amuam inam. “Imuam dahil maɗi nid, da Nug tituanmi. Da nuhignu ool mauhtte, nuhignu ele enanagnab doottem. Da dahil Ouɗi Nug medappi, dahil maɗi nid nug danab ah oh nai doya mala hettoɗia epeɗia elele mettak kobol ippunadkku.

Aisaia 49:16

Antteg! Da ag onilkad da eppelppa yen malai daatteb. Da Juda danab ah, danab nug Jerusalemnu aɗ guguittak dayaya, hanhan andatta dabmette, amubia da ahilagnu hanhan dabmettem.

Sam 65:5

O Kayak, na am ihinig padal mematanu ehanittak daattem. Haen na nahip uɗat hettem amu, na kobol genab tutukkuib dim lamidna heehe, danab ag uɗat amu anidna, ag ebehilag oh bodoetta le mette. Nahip uɗat am anam aakku amunu, haen na unuqittak ihinig nob mettem amu, na uɗat anam aakku hettem. Amu danab ah wan ohppanu, miagnu, amu umanu ele ag nahipnu oolagppa genab dootteb