Hagai 2:22 - Nobonob Baibel

²² Da heppi, king laala dilag sia king nena qena, nauhak daaglag. Da heppi, wanppan ɗo maɗoɗ laala dilag ɠagattag am iitta mekku. Da heppi, bannu karis, danab lamidtteb ele ag nena qeppeg, hos, ban danab hos attan oitteb ele ag ele nena qekkulag. Amuam danab amu lailkad eppelagppa bekku.

Hagai 2:22 Referans Kwoze

Maika 5:10

⌊Israel ag oɗo yaak danab ah daatteb amu, ag anam hekkulag, amge tatam ahilagnu⌋ amu, Yawe Nug atte. “Deɗ amuppa amu, da ahilkad hos banppanu amu, da heppi mauhkkulag, Ao, da bannu karis ele heppi nauhna autna aoglag.

Ikki Danab 7:22

Haen 300 Israel danab ag ahilkad trampet iwaleg amu, Yawe he, ban danab haen tutu dayaknu aab kalak ooppan, ag akka akka qep elabppa nug qeppig. Laa ag ii aqappig ele amu, ag oolna goppig. Ag oolna, Betsita, Serera guguittak appa goppig. Appanu amu, ag Abel Mehola tomppa goppig. Abel Mehola amu Tabat guguittak daatte.

Matyu 24:7

Wan laa ag wan laa ele nug qekkulag. Ɗo maɗoɗ laa ag ɗo maɗoɗ laa ele nug qekkulag. Aben laalappa amu enug haen okkai nebeppeg, mim ele nekkulag.

Sekaraia 10:11

Da ehanadppi, ag danab nug yu naɗi, duban huanak ele mataɗa gokkunu hette, amubia dayebeb uug eɗadkkulag Ao, da heppi, yu duban am iitta mekkulag, Nil le ele qaɗaiedakku. Da heppi, Asiria danab, ag am dada danab amu, ag uɗalag nekku. Ao, da heppi, Isip nauhkku.

Sekaraia 4:6

Da ai, nug aum. “Nai imuam Yawe Nukka Ɠagattag Oh Ele Nug na Serubabelnu na amenppa atte. Da na uɗat hekkutnu ool hette amu, na uɗat amu danab dilag ɠagattagppa, o danab ebehilagppa ii hemana. Iitta. Dahil Ouɗi Nug ɠagattag metteb, na hekkut,” awa aum.

Sepanaia 3:8

Jerusalem danab ah ag anam heegeg uɗie, gemu ele hetteb amunu, Yawe Nug atte. “Ag danab ah ⌊ag akka onilag qeeg ne oitteb amu,⌋ ag da amel meig! Ao, ⌊haen elab iitta amu,⌋ da ahen, da danab eheɗ hetteb amu ippuanatten, bu madakkul amunu, ag da amel meig! Aɗinu? Da matu inam dabmein, aakku hekkulnu daattem. Da heppi, wanppan wan ohnu danab ah qagmeppeg, da bu eheɗ madette, dahil oo nauhak huanaknab, dahil oppoɗi bak ameg kokoɗ eppak ele da amu ele doyen, bu amu madakkul. Ge, da Yawe, da oo nauhak laa, oo nauhak amuam dahil dooi laa aomanuppa bette, oo nauhak amu be, da haen amuppa oo nauhak amuppa heppi, wanppan wan oh ag nauhna autnanab aoglag.

Maika 5:15

Amu wanppan wan laa oh dilag danab ah ag dahil nai ii dim lamittegeg uɗie, gemu ele dim ii lamidtteb amu, da oo nauhak, oppoɗi bak ele doyen, da ag eheɗ heppignu nob tutukku madakkul,” awa atte.

Esekiel 39:20

Balal dahilppa ag hos teppu, laa nug qaɗeppa dayom teppu ele lakkulag. Ag ban danab ɠagattag, ban danab digdig teppulag ele lakkulag. Ag labeppeg, oolag aɗa autanab aokku.’ ” Naɗi Yawe Nug anam atte.

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

Daniel 8:25

Nug hambuppuak kobolppa keeke haknu doya auta autanab awa, kobol amuppa nug nuhig uɗat haaha, laa kuɗum ag amu ii dabmetteb ele eɗadkku. Nug nukka, nuhignu, “Da am danab enanag, laa oh eɗattak,” dabmaama oikku. Laa ag akka, ag ahilagnu, “Ig maɗoɗ ele iikku daattem,” abeppeg, nug heeb nauhkkulag. Nug Kayak, Nug laa oh eɗadtte amu, nug Nug ele ban hekkulahnu hekku. Nug keeke okkai amu oh hekku, amge laa, danab iitta, laa nug heeb nauhkku.

Sam 76:6

O Jakopnu Kayak, haen na haknunab ae amu, kekeɗ ihinkad dilag hos ag mauhatteg, ahilkad bannu karis ulum aɗak danab, ag ele mauhppig.

Revelesen 11:15

Aria, engel ebqak 7 nug trampet nuhig iwale amu hab aab appa da laa baalag okkaippa inam aeg doomi. “Wan ohppan gumak uɗat aakku eɗua, ihinig Naɗi, amu laa Nug danab ah dilag Padal ii maknu ehanittak daakkunu tituanom, am Kristus, Nug ele eppelahppa daatte. Naɗi Nug hanhan uɗat amu hekku,” aon appig.

Sekaraia 14:3

Kekeɗ ag amu hekkulag, amge Yawe Nug aha ukkeb, nug wan amu, ahilkad daup ele ban hekkulag; Nug bannu deɗppa banppa dayaya, ban hette, Nug anam bia ag ele ban hekkulag.

Sekaraia 9:10

Yawe Nug inam atte. “Da geha heppi, ban haknu karis ag baula Israel appa ii daamna. Ao, da heppi, hos banppanu ag Jerusalem appa baula ii daamna. Ge, da geha ban haknu lat heppi qiiadkkulag. Amu king ahilag Nug geha heeb, wanppan wan ohppa ag ban kobol uuna, ag maɗoɗ ele daappeg, ahilag king nug geha danab ah wan atu ohppanu gumadkku. Yo, Nug geha le naɗi Yupretis appanu digma ukka, wan batakppa ele gumadkku.

Maika 5:8

Jakop buɗub ooppan oɗo yaak danab amu, ag wanppan wan ohppa daaglag. Ao, ag danab digdig oolagppa daan oiglag. Ag anam daan, ag laion atuppan doɗ dakkuɗ oolagppa daatte, ag amubia daaglag. Ao, ag laion bau sipsip oolagppa daatte, ag amubia daaglag. Laion bau anam amu, nug oiyaya, sipsip aqaaqa, guittak okkai madatta gotte, am aun laa nug sipsip amu ehanadkkunu elele? Laa iitta.

Esekiel 21:27

Amu kekeɗ ag Juda wan heppeg nauhkku. Ge, ag heppeg, Juda wan am nauhkku. Da heppi, Juda wan am anam nauhak dayeb ukkeb, laa nug genab king daakkunu daatte, nug uɗieb, da wan amu nug medakkul.” Yawe Nug anam atte.

Aisaia 60:12

Amunu diig am wan laappan danab huu atten ag, ag Juda waappa daanna, ehanadkkulagnu uuglag dayeb amu, da Yawe, da heppi, ag padal mena, iitta mekkulag.

Aisaia 19:2

Yawe Nug inam atte. “Da heppi, geha Isip ag akka akka nug qekkulag; awag amag ag geha akka akka nug qekkulag, lailkad ele akka akka nug qebeppeg, aab okkai laa ag aab okkai laa ele nug qebeppeg, amu wan obatak laa, ag wan obatak laa ele nug qekkulag.

Aisaia 9:19

Am Yawe Nukka Ɠagattag Oh Ele, Nug oppoɗi beeb, Israel danab ah eheɗ anam madakku. Atu ewa, keeke oh ewa iitta mette, amubia Nug heeb, wan danab ele nauhkkulag. Danab ah ag aab ewaknu aab bia daaglag. Haen amuppa laa nug awag, o amag laa ii ehanidma. Iitta!

2 Stori 20:22

Danab amu ag digmena ahi ettanna, ag Yawe ele binag meegeg, Yawe Nug he, daup laa ag banelag Juda wanppa uɗippig, ag am Amon danab, Moap danab, Edom danab ele amu, ag oolagppa ban ahe, ag akka akka nug qenana mauhadppig.

1 Samuel 14:16

ag oolegeg, Saulnu daup ag kekeɗ maadkkulagnu, Benyamin wanppa aab onig Gibea, aab amu guguittak daappig, ag Pilistia dilag daup oolegeg anadna,

Eksodas 15:19

Yawe Nug he, Le Kokoɗ gamagppa ib laa qaɗaiettak daye, Israel ag gona, laih teppig, amge Paronu daup ag bannu karis attan daan, ban heppig, daup ag hos attan daan, ban heppig ele, ag Israel dim lamadppig amu, ag ukkaegeg, yu eɗua doa, ag oh tonattom amunu,

Eksodas 14:28

Yawe Nug anam he, yu eɗua pana na, Paronu ban daup ag bannu karis attan daan, ban heppig, daup ag hos attan daan, ban heppig ele, daup oh ag Israel dim lamadna yu gamagppa nona ukkaegeg tonattom. Laippu laa ii dayom; oh mauhppig!

Eksodas 14:17

Amu da Isip ag dim lamadna, le gamagppa gokkulagnu, da ag dabib madette dahil uɗat heppi geha Isip ag ahilag dabmak ɠagattag eppeb, ag nai tappe nak naunab hena, ag Israel dim lamadna wabeppeg, am geha da Paro, aria nuhikkud daup ag baelagppa oinna, ban hetteb, daup ag bannu karis attan daan, ban hetteb, daup ag hos attan daan, ban hetteb ele, da ag oh eɗattoya, am geha da keeke hettem amuppa, da binag amahlak oppiaawak ele aokkul.

Eksodas 15:4

Nug Isip ban daup eɗatta, buɗiatte, ag bannu karis oh ele yuppa noppig. Ge! Le Kokoɗppa, appa ban daup ikki anuqak ag ele le lana mauhppig.

2 Stori 20:23

Amon dilag daup, Moap dilag daup ele ag Edom dilag daup aqaeg, iitta mekkulagnu ahan, ohnab aqappig. Ag aqan malona, ag ahan akka akka ban hena aqanna, ag ele aakku mauhppig.

Esekiel 26:16

Amu wan amuppan danab okkai ag Tairnu nai doon, haen amuppa ag sia king ahilagppanu ahan, honap nena, ag lamen enanag uɗona, ag lamen elab kobol kobol koitak ele tagatteb ele uɗaglag. Ag baɗak eheɗ nau doon, ag wanppa daanna, ag Tairnu danab ah dilag aab na qeumnu dabmak huanaknab aonna, ottaikkulag.

Esekiel 38:21

Amu Naɗi Yawe Nug atte. “Haen amuppa Gog, nuhikkud daup ele ag Israel wan tonan daaglag, am haen amuppa da heppi, Israel wan ohppa Gog, nuhikkud ele ag qep-ppa akka akka qep elabppa nug qenan nauhkkulag.

Amos 2:15

Ban danab nug lat ette ele amu, nug bittumttum gokku. Ban danab nug baegppa qaietta gotte ele amu, nug kekeɗ ii eɗadma. Ban danab hos attan ban haaha oitte ele amu, nug ele oola, bau ii daama.

Maika 7:16

Yawe Nug wanppanu wan ohppan danab hatteb, ahilag ɠagattag iitta meeb, ag Yawenu hak ɠagattag ele anidna, ag uɗa nak nau dooglag. Ag nai baula mattimnanu ag oɗelkad qamutna, ag dabmak huanak aoglag.

Sekaraia 10:5

⌊Juda⌋ ag ban danab ɠagattag, banppa ban ɠagattag hetteb bia daaglag. Ao, ag danab, ag ahilkad kekeɗ eheɗ eɗadtteb bia hekkulag. Aɗinu? Yawe Nug ag ele daatteb. Ge, ⌊Yawe ag ele daatteb, amunu⌋ ag ban ɠagattag hena, ag kekeɗ hosppa ban hetteb ele eɗadkkulag.

2 Stori 15:6

Amu Kayak Nug he, uug nau digdig wanppan wan laalappa beppig amunu, wan laa ag ahan, wan laa eɗadna, heeg nauhppig. Aab okkai laappan danab ag ahan, aab okkai laappan danab heeg nauhppig.

Maika 5:9

Laa iitta, am amubia, ag Jakop buɗub oɗo yaak danab daatteb ele, ag kekeɗ ahilag huan eɗadkkulag. Ao, ag ahilag kekeɗ hadappeg, ag padal mekkulag.

Sekaraia 12:9

Amu Yawe Nug inam awa atte. “Haen amuppa am inam daakku. Wan laala ag Jerusalem banelag uɗiglag amu, da hadappi, iitta mekkulag.