Hagai 2:19 - Nobonob Baibel

¹⁹ Ag ee aeg, ee tumu keeke, iitta ele. Ag muɗi grep, ad fig, ad pomigranet, olip ad ele eppan, meu ii aoppig, amge da gemu digmein, itittak ena madakkul,” awa atte.

Hagai 2:19 Referans Kwoze

Malakai 3:10

Amu ee elele da laulppa daakkunu amu, Israel danab ah ag, ag keeke obatak eblaih tanig ele ooppanu obatak laippu amu oh aon, da laulnu ee bakkalenu maknu oo, ag oo amuppa keeke amu oh meig! Ag ma anttak meɗan, anam hekkulag dayeb amu, da hab aabppan itittak ena naɗi madakkul. Da huanaknab madappi, meppeg ambeeb, ag dabmettaglagnu aben elele iitta daakku! Ag anam hena anitteg! Da genab meu heppi beeb anidkkulag!” Yawe Nukka Ɠagattag Oh Ele Nug anam atte.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Duteronomi 15:10

Ag oolag qak iitta, hamu elelenab mattaglag. Aɗinu? Ag amu hekkulag dayeb amu, Yawe, ahilag Kayak, Nug ag aɗi hekkulag, Nug amu ohppa ag itadkku.

Genesis 26:12

Nug anam a, dimppa Aisak wan amuppa dayeye, Yawe nug itittom amunu, Aisak nug keeke laala eppa, maɗ amu ooppa nug eppomnu meu kuɗumnab awom.

Sam 133:3

Baito, qauko Hermonnu na, keeke appa daatteb oh le madatte. Baito amubia Sion guguittak qauko daatteb, amuppa ele nette. Amu maɗoɗ ele laippu dayak am baito enanag amubia. Ge, kobol amuam enaib. Jerusalem appa amu, Yawe Nug danab ah bau hanhan dayaknu itittak ena madatte.

Jeremaia 31:12

Israel danab ah ag oolag huana gamag ahakku amunu, ag Sion qaukoppa tena, ag qalan ahi ettaglag. Yo, Yawe Nug ag keeke ohnu madakku amunu, ag oolag huananab gamag ahakku. Nug ag ee aeg, wain bau, amu olip goɗen ele madakku. Nug heeb, sipsip, makau ele nalkad kuɗumnab menuadkkulag. Dad, gu ele awawa, meu huana otte, amubia ag elele daaglag.

Jeremaia 31:14

Da heppi, mana mettak danab ag ee elelenab ele daaglag. Ao, da heppi, danab ah dahilad ag elele daaglagnu ehanittak dahil aon, elelenab daaglag.” Yawe Nug anam awa atte.

Joel 1:12

Muɗi grep bunaɗppig. Ao, ad fig am mauɗna malappig. Ad pomigranet, ad pam, ad apel ele oh bunaɗppig. Ao, ad oh meu lanaknu daatteb amu, ag oh bunaɗppig. Keeke amu oh nauhna malappig amunu, uug amuppa danab dilag gamag ahak oh am iitta ma malom; ad digma bunaɗkkunu mauɗa malatte, amubia.

Joel 2:14

Amu haen imuppa ele Nug eɗua, oo gai-iitta doya oo matta ehanadkkutai. Nug eɗua itittak ena matteb, wanppa keeke ena ba, meu ob, ag ee aegnu ofa, am wain gokkaɗaknu ofa ele Yawe, ahilag Kayak, ag Nug mettaglagnu elele daan mettaglag.

Duteronomi 28:22

Yawe Nug geha heeb, beɗulag ebehitaknu oɗe, beɗu gakkaɗak, aria leele agittak oɗe ele ahilagppa uɗikku. Nug heeb aam huana neeb, keeke oh qaɗaiettaglag. Datta ee oɗe heeb bekku. Nug geha keeke nau amu oh tuɗid ele heeb bebeppeg ukkeb ukkeb ag mauhkkulag.

Job 39:12

Na doɗ amu nug nukka nug ee aeg nahip dattanu awa uɗia, na medakkunu ootppa genab dookkutte? Ao, nug nahip ee aeg awa uɗia, nahip ee aeg mumuɗaknu abenppa mekkute?

Hagai 1:11

Da hei, gu ii ne, appa dadppa, qaukoppa, ee aeg dadppa, grep dadppa, olip dadppa, keeke laa oh eppakppa, danab qaɗelagppa, makau qaɗelagppa, ag aɗi aɗi hetteb ele, amu ohppa, appa gu ii ne, keeke ena ii daatte,” awa atte.