Hagai 2:17 - Nobonob Baibel

¹⁷ Ag eheɗ heppig amunu, da hei, ahilag uɗat oh nauhom; dattanu ee oɗe digdig aqom, ais doɗo ele hab waappanu ne, keeke he nauhppig, amge ag eɗun, dahilppa ii doppig. Yawe Nug anam awa atte,’ ” awa aum.

Hagai 2:17 Referans Kwoze

Duteronomi 28:22

Yawe Nug geha heeb, beɗulag ebehitaknu oɗe, beɗu gakkaɗak, aria leele agittak oɗe ele ahilagppa uɗikku. Nug heeb aam huana neeb, keeke oh qaɗaiettaglag. Datta ee oɗe heeb bekku. Nug geha keeke nau amu oh tuɗid ele heeb bebeppeg ukkeb ukkeb ag mauhkkulag.

Hagai 1:11

Da hei, gu ii ne, appa dadppa, qaukoppa, ee aeg dadppa, grep dadppa, olip dadppa, keeke laa oh eppakppa, danab qaɗelagppa, makau qaɗelagppa, ag aɗi aɗi hetteb ele, amu ohppa, appa gu ii ne, keeke ena ii daatte,” awa atte.

Hagai 1:9

Amu Yawe Nukka Ɠagattag Oh Ele Nug anam anan, Nug imu ele atte. “Ag keeke kuɗum aoglagnu dabmeppig, amge ag keeke nakokib aoppig. Ag keeke aoppig ele amu, da hei, iitta meum. Aɗinu? Ag anen anen oh ag laulkadppa ahilag uɗat hetteb, amge da laul am nauhakib daatte,” awa atte.

1 King 8:37

Aria, ihinig wanppa enug haen naɗi laa bekku dayeb, o oɗe nau danab kuɗum aqe mauhtteb ele laa bekku dayeb, o dattanu ee heeb nauhkkunu oɗe nau diig laala bekku dayeb, o tap-lokus kuɗum huanak uɗin, ag ee oh lappeg, ee laa ii daakku dayeb, o kekeɗ ag uɗin, ihinkad aab atten oo mattan aqaknu maadna daaglag dayeb, o oɗe nau atten, o uug naunab mettak attem bena heppeg, ig nauhkkunig dayeb amu,

Jeremaia 5:3

Yawe Nug anam a amu, da Nug amegppa ami. “O Yawe, na danab aun aɗi ag doyak diig genabib dim lamidkkulagnu hetteb ele, na danab ah amubia mattiadttem, ⌊amge nahip danab ah ag amubia ii hetteb⌋. Na bu mattame, amge ag eheɗ heppignu oolagppa guittak ii dooppig. Na oɗoɗadme, amge ag bu mattak nahip amu ii dabmena, oolag eɗukkunu uuppig. Ag heeg, ag na oɗen dim lamidmananu dabmak ahilag ɠagattag eppom. Ag oolag eɗukkunu uun, iinab heppig,” awe ami.

Revelesen 2:21

Da nug oo eɗukkunu haen mettami, amge iitta. Nug nuhig gappai kobol ii uuom, oo ii eɗuom.

Amos 4:6

Amu Yawe Nug atte. “Da hei, ag aab okkai ohppa ee iitta daappig. Ao, aab naunau ohppa ag bret iitta daappig, amge ag eɗun, da dim lamiɗkkulagnu da gumiɗna ii uɗippig,” awa atte.

Jeremaia 3:24

Anukkanab, ig memettankad haenppanu uɗie, gemu ele kayak hambuppuak laala ag heeg, ig mamenkad dilag keeke, ihinkad keeke ele ag mattamut. Amuam keeke ig oh aognignu uɗat ɠagattag hetata aomut; ihinkad sipsip, makau ele, amu ihinkad nid danab, ihinkad nid ahin ele.

Aisaia 62:8

Yawe Nug nuhig ɠagattagppa nuhig nai ɠagattag qetta, Juda danab ah amelagppa inam aum. “Da heppi, ahilag kekeɗ ag baula uɗin, ahilag ee aeg ii lamana. Ge, da heppi, wan laihnu danab ag baula uɗin wain bau, ag amu aoglagnu uɗat okkai heppig amu, ag baula uɗin, amu ii lamana.

Aisaia 42:25

Israel ag anam heppig amunu, Yawe Nug ahilagnu oo nauhak huanaknab be, Nug he, ban nau ag wanelagppa neum. Ban amuam aab aɗu danab oh diia ewadkkunu hette bia dayom, amge ag nau amu beumnu diig ii dooppig. Ao, ban amuam aab aɗu danab ewa iitta mette bia dayom, amge ag amunu dabmak tutukku ii aoppig.

Aisaia 37:27

Appan danab ah ag ahilag ɠagattag iitta me, ag oolag uug nau qe, ag uɗalag neum. Ag am datta keeke eppak, keeke amu digma baaba, gai-iitta daatte bia daappig. Ao ag gikkiɗah aben laa wan teppu iittanabppa appa be, ulah gakkaɗak nau uɗia he, okkai ii meum haenppa bunaɗtte, ag amubia daappig.

Aisaia 9:13

Anam bekku, amge Israel danab ah ag amu anidna, amuppa oolag eɗueb, laa ag bu madakku ele gumidna iinab gomana. Ag eɗun, Yawe Nukka Ɠagattag Oh Ele, Nug anidna dim lamidkkulagnu ii mattimna.

Sam 78:46

Kayak Nug he, tap ag datta appa, ag Isip dilag ee lappig. Ao, Nug keeke oh ag ee aon lakkulagnu eppelagppa heppig ele amu, Nug he, tap-lokus ag lana malappig.

Job 36:13

Danab ag Kayaknu nuhig haknu ele uuak dootteb amu, ag oolagppa oo aeg bak ambak daatte; Kayak ag dabmak eɗuglagnu dabma, amunu qakkaladtte amu, haen amuppa ele ag amu dabmenana, Nug ag ehanadkkunu onigppa ii etteb.

2 Stori 28:22

Uug digdig amu be, King Ahas nug doyom, amge uug amu beebe, nug eɗua, Yawe dim ii lamittom. Iitta. Nug tuɗitta, Yawe ippunittomnu oo metta ii uuak kobol dim lamidkkunu uua auta autanab awa oiyom.

2 Stori 6:28

Aria, ihinig wanppa enug haen naɗi laa bekku dayeb, o oɗe nau danab kuɗum aqe mauhtteb ele laa bekku dayeb, o dattanu ee heeb nauhkkunu oɗe nau diig laala bekku dayeb, o tap-lokus kuɗum huanak uɗin, ag ee oh lappeg, ee laa ii daakku dayeb, o kekeɗ ag uɗin, ihinkad aab atten oo mattan aqaknu maadna daaglag dayeb, o oɗe nau atten, o uug naunab mettak attem bena heppeg, ig nauhkkunig dayeb amu,

Genesis 42:27

Ag gona, ibppa niiglagnu henana, ag oolagppa laippu laa nug nuhig doɗ ee medakkunu ha, bek oɗe uhuqom. Uhuqa amu, nug silwa men doɗo nuhig bek oɗeppa dayeye anttom.

Genesis 42:23

Ag akka akka anam madippig, amge haen Josep nug awakkud ele nai mattiegeg, danab laa, nug am nai eɗuak danab amu, nug gamagppa dayaya, nug Hibru nai Isip naippa eɗuom, amu nug Isip nai Hibru naippa ele eɗuom amunu, Josep awakkud ag Josep nai ahilag doyom amu, ag ii dooppig.

Genesis 42:6

Josep nug Isip wannu gawana dayeye, danab oh ag ee aeg daden mekkulagnu heppig ele, ag ee aeg Josep toppanu daden meppig amunu, haen Josep awakkud ag uɗin, ag ele Josep toppa gona, Josep noobppa gatelag qaun ona, gomelna, iɗulag wanppa meppig.

Aisaia 28:2

Laa Naɗi eppegppa daatte amu, nug wan laappan danab, nuhikkud daup ag am ɠagattag ⌊ag Asirianu⌋, amu Naɗi Nug heeb, nug nuhikkud daup ele ag uɗin, ag Samaria heppeg nauhkku. Ag ais habppanu, gu ele, aria ulah huana eheɗ ele na, keeke he nauhtte bia, geha ag pahanab bena, heppeg nauha auta autanab aokku.

Sam 128:2

Na danab anam laa daattem dayeb, Yawe Nug ana ehanitteb, na ee keeke aokkutnu eppenppa uɗat hettem ele, na amu ele daakkut. Ao, na gaman ahak doon, na elele daakkut.

Hagai 1:6

Ag keeke kuɗum ebatteb, amge ag keeke nakokib eɗun aotteb. Ag ee latteb, amge ag oolag ii aɗatte. Ag le latteb, amge ag oolag ii diditte. Ag beɗulagppa lamen metteb, amge ag oug dootteb. Ag men doɗonu uɗat hetteb, amge ag men doɗo aon, ag bek battam giɗo eleppa inatteb bia hetteb,” awa atte.

Hagai 2:16

Haen amuppa danab laa ukka, ee aeg mumuɗaknu 40 kilogram aokkunu dabmeum, amge 20 kilogram aakkuib awom. O danab nug grep meu tabappa, 50 lita wain aokkunu dabmeum, amge 20 lita aakkuib awom.

Malakai 3:11

Amu Yawe Nukka Ɠagattag Oh Ele Nug ele atte. “Ag da amibia hekkulag dayeb amu, oɗe nau, gawat nau ele, da heppi, ag ahilag dadppa ii noppeg, ag ee kuɗum ele daaglag. Da heppi, muɗi grep ii qaɗaiettamna; ag meu okkulag.