Hagai 2:15 - Nobonob Baibel

¹⁵ Amu gemu, butti aɗi ele ag imu dabmettan autna aweg! Ag ii digmena, Yawenu mettid lag heppig amu, ag attem attem daappig dabmenan dayeg!

Hagai 2:15 Referans Kwoze

Hagai 1:5

Hagai nug nai amu ag matte, dimppa nug nai imu ele mattom. Yawe Nukka Ɠagattag Oh Ele Nug atte. “Ag ahilag haknu pehettan dabmetteg!

Hagai 1:7

Amu Yawe Nukka Ɠagattag Oh Ele Nug inam atte. “Ag ahilag hak amunu pehettan dabmetteg!

Esra 4:24

Amu Juda danab ag Jerusalem appa Kayak laug eɗua daakkunu uɗat hak uueg daye ukke, Persia dilag king laa Darius, nug king dayaya, nuhig king dayaknu, maɗ aɗitppa Juda ag uɗat amu eɗun heppig.

Esra 3:10

Amu uɗat nid ag Yawenu mettid lagnu men ukku mena malaeg, mana mettak danab ag maɗi ahilag haknu lamen ahilkad takkan, ag trampet aɗan, Lewi buɗubppan mana mettak danab iitta, ag Asap buɗubppanu, ag ahilkad simbal aɗaeg, ag oh Israel dilag king anukkanu Dawit ag hekkulagnu ippuanattom bia, ag ahilag abenppa Yawe binag mekkulagnu teppig.

Hagai 2:18

Amu Yawe Nug amu awowa, Nug tuɗitta atte. “Gemu am kalam ebqak eblaih waɗele, amu kalam imunu deɗ 24, gemu ag dahil mettid lagnu men ukku aakku hena malappig. Ag malappig amunu, ag dabmak pehettan aweg! Ao, ag gemu, butti aɗi ele pehettan dabmak aweg!

1 Korint 11:31

Ig ikka ig epeɗidta, elele anidta lakkunig dayeb amu, ig beɗunigppa aab iitta daagnig; ig Kayaknu epeɗiak waappa ii daamta.

Rom 6:21

Amu ag kobol nau heppig, ag gemu kobol amunu uɗalag nette ele amu, kobol amuppanu ag aɗi keeke ena aoppig? Kobol amuam mauhakib he bette.

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Aisaia 5:12

Ag hobul hena, hobulppa wain lanana, ag harp, laia, tambarin, amu dumuttum eleppa musik digdignu hetteb. ⌊Ag keeke amu hekkulagnu doon autna aotteb⌋, amge ag Yawe Nug aɗi keeke hette amu, ag amunu dab-ii-metteb. Ao, ag Yawe Nug eppegppa aɗi aɗi hette amu, ag amu iinab anidna dabmetteb.

Sam 107:43

Amu danab doyak dabmak ena ele ag keeke amu oh Yawe hettenu dabmetteb. Ao, ag Yawenu oo mauhaknab kobolnu ele dabmettaglag!

Hagai 2:16

Haen amuppa danab laa ukka, ee aeg mumuɗaknu 40 kilogram aokkunu dabmeum, amge 20 kilogram aakkuib awom. O danab nug grep meu tabappa, 50 lita wain aokkunu dabmeum, amge 20 lita aakkuib awom.

Sekaraia 8:10

Haen, ag dahil lag bappaidkkulagnu ii digmeppig, haen amuppa danab laa nug uɗat ha, men doɗo aokkunu, o laa nug doɗ nuhig laa eppegppa meeb, uɗat medatta, doɗ mameg men doɗo medakkunu ib laa ii dayom. Kekeɗ kuɗum daappig amunu danab laa maɗoɗ ele oikkunu elele iitta; guittak aokkunu am miagib. Layag nug layag ele nug qak huanak ele dayom.

Sekaraia 8:11

Amge gemu da Israel danab ah oɗo yaak daatteb, da anukka Israel dilagppa hemi bia amu, da gemu ahilagppa anam ii hepa.” Yawe Nukka Ɠagattag Oh Ele Nug anam awa atte.