Hagai 2:14 - Nobonob Baibel

¹⁴ Ag anam aeg, Hagai nug aum. “Yawe Nug atte. ‘Dahil neekkakppa amu, Israel danab ah, ahilagnu anamnab aakku daatte. Ag aɗi hetteb, ag aɗi doɗ mana mettak hekkulagnu maitteb ele amu, keeke amu oh am da, Kayak, dahil neekkakppa am dubuttid tak ele daatte.

Hagai 2:14 Referans Kwoze

Taitus 1:15

Am danab ag oolag dubuttid iitta ele amu, ahilagnu keeke oh am oppiaawak ele daatte, amge danab ag dubuttid ele, ag oolagppa genab ii dootteb ele amu, ahilagnu keeke oh am oppiaawak iitta. Ahilag dabmakppa, ahilag ooppan oiyak ippunittaknu ulum eleppa dubuttid aakku teum daatte.

Prowerb 28:9

Aun nug Kayaknu ɗo dim lamidkkunu uua hette amu; Kayak Nug nuhig unuqittaknu am ooppa uuaknab dootte.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Jut 1:23

Laa ag aab aɗuppa daatteb bia daatteb amunu, ag ehanadna, qen oqaina diieg! Am laa ag eheɗ hetteb anadna, ag ahilagnu oolag gai-iitta doona oolag mattan ehanatteg! Amge amu henana, ag dabmena autna aonna, kobol alag ag hetteb ele, ag amunu lamen dubuttid ele bianab doonna, ag akka kobol nau amunu nau ninig ele doon, awaidna dayeg!

Prowerb 21:27

Nau hak danab ag doɗ manan, Kayak mettaglagnu heegeg anatta, Nug ooppa uuaknab dootte. Nug amunu uuaknab dootte amunu, genabnab genab ag ɗo hamuib dim lamidna, eheɗ hekkulagnu dabmena, mana mettak hekkulag amu, Nug amunu ooppa uuaknab okkai dootte.

Prowerb 21:4

Dada ha laa eɗittaknu dabmak awak, dada hak kobol ele; nau hak danab ag amu henana, ag aakku hipunin hetteb.

Hosea 9:4

Wan amuppa ag wain gokkaɗaknu ofa ii hemana. Am ahilag aab aɗuppan mana mettaknu amu, Kayak Nug ena ii dooma. Mana mettak amu, ag hekkulag dayeb amu, ag am laa mauhe, laa nug mauhom gaɗa aɗa, maɗappa dayaya, ee awa, huppu nakok la, ee ii laum daatte am laa dilagnu ee ii lanaknu epeɗiak aakku daatte, laa aib laum. Laa aib laum, amge laa lakku dayeb, nug Kayak ele ouqa dayaknu elele iitta daakku amu, mana mettak amu ag am danab amubia daaglag. Aun aɗi ag mana mettak amu hewona, mana mettak amuppanu ee lakkulag amu, ag Kayak ele ouqa dayaknu elele iitta. Aɗinu? Ee ahilag am ag beɗulag ehanittaknu ee aakkuib daakku. Ag aon gona, Yawenu mettid lakka appa manan, Nug mettaglagnu iinab daama.

Aisaia 66:3

Amge laa nug ⌊dahil nai ii dim lamitta,⌋ nug makau dawai mana, da meɗatte amu, nug am danab layag qe mauhtte bia daatte. Laa nug ⌊dahil nai ii dim lamitta,⌋ nug sipsip nag mana, da meɗatte amu, nug danab nug qai mana, da meɗatte bia daatte. Laa nug ⌊dahil nai ii dim lamitta,⌋ nug ee aegnu ofa da meɗatte amu, nug am danab nug bo tiig awa meɗatte bia daatte. Laa nug ⌊dahil nai ii dim lamitta,⌋ nug kalu danab ile muttuɗig enanag bette ele mana, da meɗatte amu, nug am danab kayak hambuppuak dottolag noolagppa dup noa binalag mette bia daatte. Danab amu ag ahilag dabmakib dim lamidtteb. Ag keeke eheɗ nau, ag amunu oolagppa uuaknab doolob, ag hak amunu enanagnab dootteb.