Hagai 1:8 - Nobonob Baibel

⁸ Da dahil lagnu ena dookkulnu, danab ah ag da binal mekkulagnu amu, ag ahan, qaukoppa tena, ad appanu aon uɗin, dahil mettid lag heig!” awa atte.

Hagai 1:8 Referans Kwoze

Esra 3:7

Persia dilag king Sairus nug Israel buɗub ag Lebanon wanppa ad sida aon, Yawenu mettid lagnu uɗat mettaglagnu aum amunu, Israel ag Taia danab, Saidon danab ele ag ad oadna, ad amu aon, yuppa mena, aon Jopa uɗiglagnu, Israel buɗub ag ee aeg, wain, olip goɗen ele Lebanon danab Tair aabppa, Saidon aabppa ele daappig amu, ag ag madappig. Ag mattan, ag danab menppa uɗat haknu dooppig, lag hak danab ele ag uɗat amu hekkulagnu men doɗo madappig.

2 Stori 7:16

Da, da onil hanhan aguppa daakkunu, da mettid lag imu dahilnu tituana meɗak daakkunu aakku hemi. Danab nug baekkudppa ele laulagppa daatteb, danab nug lag amu dabmedette, aguppa daakkunu oo huana hette, amubia da lag imunu hanhan dookkul.

Hagai 2:7

Da heppi, wanppan wan oh uɗalkkulag. Ag uɗalppeg, appan danab ah ahilag en okkai aon uɗin, da laulppa meppeg, da heppi, dahil binag amahlak oppiaawak ele am lag imu ambekku.” Yawe Nukka Ɠagattag Oh Ele Nug anam awa atte.

1 King 9:3

Am Yawe Nug Solomon amegppa inam aum. “Da nahip unuqittak, oot ohppa oɗ meɗak ele na da amelppa ame amu, da doomi. Am da na mettid lag imu, na buume amu, da lag amu dahilnu tituana meɗak daakkunu aakku hemi. Haen oh da onil aguppa daakku. Danab nug baekkudppa ele laulagppa daatteb, danab nug lag amu dabmedette, aguppa daakkunu oo huana hette, amubia da lag imunu hanhan dookkul.

Eksodas 29:43

da aben amuppa, da Israel danab ele qagmekkunig. Binag amahlak oppiaawak ele dahil aguppa daakku amunu, aben amuam dahilnu tituana mettak anam daakku. Am aben hamu iitta.

Hagai 2:9

Gemun lag imunu binag amahlak oppiaawak ele am anukka lag dayomnu binag amahlak oppiaawak ele eɗidkku. Anam daakku amu, da heppi, aben imuppa maɗoɗ daakku.” Yawe Nukka Ɠagattag Oh Ele Nug anam atte.

Aisaia 66:11

Nid yuɗ nug oo gamag ahakppa anignu huh latte, amubia Juda danab ah ag en kuɗum aoppeg, ag ele oh en kuɗum amunu elele dooglag. Ao, Juda danab ah ag en kuɗum awona, ag en naɗi okkai amuppanu ag enanagnab dooglag.

Aisaia 60:13

Danab ag Lebanon binag aon uɗin, ag mattaglag. Amuam ad pain, ad fir, ad saiprus ele. Ag ad amu dahil lag neekkak enanag daakkunu aon uɗiglag. Ag aon uɗin, dahil lag, da aguppa daattem ele amu, da heppi, laa ag ad amuppa heppeg, dahil mettid lag am neekkaknu enanag daakku.

Aisaia 60:7

Kedar danab ag ahilkad sipsip, meeme ele manan Yawe mettaknu aon uɗiglag. Ao, Nebaiot danab ag sipsip dawai amunu aon uɗiglag. Ag aon uɗiglag amu, Yawe Nug amunu atte. “Ag aon uɗippeg, ag main meɗappeg, da oolppa ena, elele dookkul. Ag amu heppeg, da heppi, danab amu ag dahil mettid lag binag amahlak oppiaawak ele, ag appan bala bia daaglag,” awa atte.

Esra 6:4

Ag lag amu buuglagnu amu, ag men okkai okkai akkan, ukku duqona, amu qaɗeppa men okkai maattona, amu qaɗeppa baula maadna, amu qaɗeppa baula maattona, aria men amu qaɗeppa ag ad okkai mekkulag. Lag amu haknu men doɗo amu da, king, dahil enppa men doɗo aon mattan hekkulag.

1 King 6:1

Solomon nug king ba, Israel gume ukke, maɗ waɗeleppa, kalam ebqak aɗit, ag kalam amu onig Siv atteb, kalam amuppa amu, Solomon nug digma, Yawenu mettid lag buuom. Israel ag Isip uun uɗieg, maɗ 480 uue, Solomon nug Yawenu mettid lag digma buuom.

Hagai 1:7

Amu Yawe Nukka Ɠagattag Oh Ele Nug inam atte. “Ag ahilag hak amunu pehettan dabmetteg!

1 Stori 22:19

Anam amunu, gemu ag Yawe, ahilag Kayak, ag meulag ohppa Nug anidna dim lamidkkulagnu Nug mattieg! Ag Yawenu Tituanak Nainu Kunup kontrak inak ele aon uɗin, Nug laugppa mekkulagnu, ag keeke laala Kayaknu tituanak daatteb, ag amu ele aon, Nug laugppa mekkulagnu amu, ag ahan, Yawe Kayaknu mettid lag digmeig! Ag lag hekkulag amu, lag amuam Yawenu, Nug onig aguppa daakku,” awa aum.