Hagai 1:6 - Nobonob Baibel

⁶ Ag keeke kuɗum ebatteb, amge ag keeke nakokib eɗun aotteb. Ag ee latteb, amge ag oolag ii aɗatte. Ag le latteb, amge ag oolag ii diditte. Ag beɗulagppa lamen metteb, amge ag oug dootteb. Ag men doɗonu uɗat hetteb, amge ag men doɗo aon, ag bek battam giɗo eleppa inatteb bia hetteb,” awa atte.

Hagai 1:6 Referans Kwoze

Hagai 1:9

Amu Yawe Nukka Ɠagattag Oh Ele Nug anam anan, Nug imu ele atte. “Ag keeke kuɗum aoglagnu dabmeppig, amge ag keeke nakokib aoppig. Ag keeke aoppig ele amu, da hei, iitta meum. Aɗinu? Ag anen anen oh ag laulkadppa ahilag uɗat hetteb, amge da laul am nauhakib daatte,” awa atte.

Hosea 4:10

Ag oh ag ee lakkulag me, ag enug aqakppaib daaglag. Ag gappai hekkulag, amge ag nid iitta daaglag. Aɗinu? Ag da, Yawe, ag da uuiɗna, kayak hambuppuak noolagppa dup nona binalag metteb. Kobol amuam ewau oolahppan laa nug ahe, laa ele gappai hettep, am amubia; amu ag Israel, ag dahilppa anam hetteb.

Hagai 2:16

Haen amuppa danab laa ukka, ee aeg mumuɗaknu 40 kilogram aokkunu dabmeum, amge 20 kilogram aakkuib awom. O danab nug grep meu tabappa, 50 lita wain aokkunu dabmeum, amge 20 lita aakkuib awom.

Hosea 8:7

Israel danab ah ag kobol nau huanak hetteb amunu, ag geha bu naunab aoglag. Amuam laa nug ulah eppalo, amge meu awak haenppa nug ulah kilibob aolo, amubia. Geha bu qak Israel danab ah dilag, amuam ee nug ena ii bema, meu ele ii oma. Meu laa ololob amu, wan laihnu danab ag akkan lalob.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Aisaia 5:10

Haen amuppa muɗi grepnu dad okkai am geha grep meulkad huanak, kuɗum ii oma amunu, geha wain nakokib aoglag. Ag ee aeg battam 10 eppaglag, am geha ee aeg meu ob, ag battam laippu inaglag,” awa aum.

Sekaraia 8:10

Haen, ag dahil lag bappaidkkulagnu ii digmeppig, haen amuppa danab laa nug uɗat ha, men doɗo aokkunu, o laa nug doɗ nuhig laa eppegppa meeb, uɗat medatta, doɗ mameg men doɗo medakkunu ib laa ii dayom. Kekeɗ kuɗum daappig amunu danab laa maɗoɗ ele oikkunu elele iitta; guittak aokkunu am miagib. Layag nug layag ele nug qak huanak ele dayom.

Sekaraia 5:4

Yawe Nukka Ɠagattag Oh Ele Nug inam atte. ‘Da heppi, eheɗ awaknu nai amu danab aun nug yabhok hette, nug laugppa ukka dayaya, danab aun nug nai hambuppuak mattia, nai amu da onilppa ɠagattag qedatte ele, nug laugppa ele ukka daakku. Eheɗ awaknu nai amuam, danab amu hetteb ele ag laulkadppa ukka dayeb, lag amuppan danab ah oh nauhppeppeg, laulkad ele nauhna autnanab aoglag. Lag ebehi, ad, men, keeke oh ele nauhakib daakku.’ Yawe Nug anam atte.” Engel nug da amelppa anam aum.

Jeremaia 44:18

Ig anukka anam hemut, amge ig amu uut, ig baula kalu danab ile muttuɗig enanag bette mait, Habnu Kuin ii mettamut, ig wain gokkaɗaknu ofa nuhignu hekkunignu wain ii gokkaɗmut, haen amuppa digma uɗie, uɗie, gemu ele ig keeke iitta ele daat, ig qep elabppa, enugppa ele mauhttem,” aon appig.

Jeremaia 14:4

Gu nakok laa ii nema amunu, wan qaɗaietta auta autanab awa, wan aoɗa makkuleb, oɗe elab daaglag. Anam daakku amunu, ee eppak danab oolagppa uug qak doon, ag ikkilag hautkkulag.

Job 20:28

Ui oawa, nug laug mawa gokku. Ge, Kayak danab ah bu mattak deɗppa Nug heeb, le ui huana oawa heeb, nug laug ii daama.

Job 20:22

Nug en okkai awa, dayeb ukkeb, uug nau nuhigppa bekku; guittak naɗinab nuhigppa tutukku bekku.

1 King 17:12

Ewa a amu, ah qab nug aum. “Yawe, nahip Kayak, Nug genab bau daatte, genab amubia, da bret iitta. Da plaua nakokib waa laappa dayeye, am olip goɗen big nakok hinaippa daatte. Geha iikku da aab hiɗig imu awe ukke, plaua amu maikkul. Geha da maippi, da bekkal ele i lawoɗa, dimppa amu ee laa iitta amunu, geha i mauhkkunih,” awa aum.

2 Samuel 21:1

Amu Dawit king dayeye, haen amuppa Israel wanppa gu ii neene, maɗ ewam anam daye, danab ah ag eenu tutu maknab daappig. Ag anam daappig amunu, Dawit nug Yawe amunu oɗ metta unuqittom. Dawit unuqitte, Yawe Nug nug amegppa aum. “Saul nug baekkudppan ele ag eheɗ hena, ag Gibeon danab ii aqadlob am aqaeg mauheg, ag tiilag, Saul nug baekkudppan ele eppelagppa daatte amunu, uug imu wan imuppa beum,” awa aum.

Lewitikas 26:26

Da geha ahilag ee heppi nauhkku amunu, geha plaua nakoknab, ah eblaih tanig ele aakkuib bret manaknu qaɗab laippuppa maiglagnu elele. Ee nagnag aakkuib daakku amunu, ag anen anen ag ee huppu nakok amuib aoglag. Ag aotteb amu, aakku lakkulag, amge ag oolag ii aɗama.

Lewitikas 26:20

Ahilag uɗat oh am hamu; ahilag wan heeb, ee meu ii oma, ad ele meu ii oma.

Nehemaia 5:2

Huu ag lailkad naippa yaaladppig ele, ag oolagppanu laa ag appig. “Ig, ig bekkankad, aɗenkad ele, ig ebqak kuɗum. Ig ee latata, bau daagnignu ig ee aeg aognigoitte,” aon appig.

Jeremaia 12:13

Danab ah ag wit aeg eppaglag, amge uud keeke qaun ele bekkulag. Ag uɗat huanak hekkulag, amge meu ena nakok laa ii aomna. Da, Yawe, da ool huana nauhtte, diig amunu Juda ag ee meu ena ii aomna.” Yawe Nug anam awa atte.

Hagai 1:5

Hagai nug nai amu ag matte, dimppa nug nai imu ele mattom. Yawe Nukka Ɠagattag Oh Ele Nug atte. “Ag ahilag haknu pehettan dabmetteg!

Hagai 1:7

Amu Yawe Nukka Ɠagattag Oh Ele Nug inam atte. “Ag ahilag hak amunu pehettan dabmetteg!

Hagai 1:10

Yawe Nukka Ɠagattag Oh Ele Nug anam anan, Nug nai tuɗitta atte. “Ag amu hetteb, diig amunu gu ii ne, dattanu ee meu ii otte.

Hagai 2:17

Ag eheɗ heppig amunu, da hei, ahilag uɗat oh nauhom; dattanu ee oɗe digdig aqom, ais doɗo ele hab waappanu ne, keeke he nauhppig, amge ag eɗun, dahilppa ii doppig. Yawe Nug anam awa atte,’ ” awa aum.

Duteronomi 28:17

Ag ad meulkad keeke, iitta ele daaglagnu, ee laa ele iitta ele daaglagnu, ag eheɗ laa awaknu anak amu waappa daaglag.

Prowerb 11:24

Danab laa amu, nug laa ehanatta, nug nuhig keeke hamu madatte, me ⌊Kayak Nug danab amu ititte,⌋ nug keeke kuɗum baula ele nuhignu aotte; amge danab laa amu, nug laa ehanattaknu kobol daatte bia ii madatte, nug nuhig keeke aɗatte, me nug eɗua, daɗeknab daatte.