Hagai 1:13 - Nobonob Baibel

¹³ Danab ah ag amu digmen heegeg, Yawenu nai awa ukkak danab Hagai, nug Yawenu nai imu danab ah mattom. “Yawe Nug inam atte. ‘Da ag ele daattem,’ awa atte,” awa aum.

Hagai 1:13 Referans Kwoze

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Rom 8:31

Amunu ig Kayak keeke heum ele, amu ohnu ig aɗi aot akkunig? Ig inam aot akkunig. “Kayak Nug ig ehanigtte dayeb amu, laa nug ig kekeɗ mekka eɗigkku? Iitta!” aot akkunig.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Hagai 2:4

Amge, O Serubabel, na ɠagattag daye! O Jehosadak bekka Josua, na mana mettak ikki danab daattem, na ɠagattag daye! Ag Israel wanppan danab ah, ag oh ɠagattag daan, uɗat heig! Aɗinu? Da ag ele daattem!” Yawe Nukka Ɠagattag Oh Ele, Nug anam atte.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Sam 46:11

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Matyu 18:20

Ao, danab aɗit, o ewam aakkuib ag da onilppa, aben adekkuppa qagmekkulag amu, da ele ag oolagppa daakkul,” awa aum.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Malakai 2:7

Nug amu heumnu diig am: Mana mettak danab nug doyak tutukkuib madikkunu daatte. Ao, danab ah ag mana mettak danab dilagppanu ippunittak aoglagnu daatte. Diig laa am, mana mettak danab anen anen ag am Yawe Nukka Ɠagattag Oh Elenu nai awa ukkak danab daatteb.

Jeremaia 30:11

Da ag ele daattem amunu, da ag ehanadppi, ag ena daaglag. Da heppi, ag gona, wan laalappa matatun daaglag amu, da wan amu oh hadappi, iitta mekkulagtai. Da anam hekkul oo iitta, amge da ag Jakop buɗub, da ahilagnu anam ii hepa. Da heppi, ag ii iitta memana. Da bu madakkul, amge da ahilag eheɗ hak eleleppa hein, nai doya mala hettoɗia epeɗia elele mettak kobol dim lamitten, ag toliatten, bu madakkul. Amu eɗittak ii madapa. Ag eheɗ heppig amunu, da anam hekkul. Da ahilag eheɗ haknu hamu bia doyen, bu ii madakkulnu ii hepa. Iitta. Da kobol eleleppa madakkul.” Yawe Nug anam awa atte.

Jeremaia 20:11

Ag anam atteb, amge Yawe Nug da gukkuiɗak daatte. Nug ban danab ɠagattagnab laa bia daatte. Nug amubia daatte amunu, danab ah ag da heiɗppeg nauhkkulnu hetteb, ag geha nena qeppeg, ahilag dabmak am iitta mekku. Geha ag aɗi keeke hekkulagnu dabmetteb amu, ag ii hemana amunu, geha ag uɗa nak nau guittak ele dooglag. Geha danab ah ag uɗa nak ahilagnu iinab daulag atima.

Jeremaia 15:20

Geha da aab okkainu aɗ ɠagattag, amubia da na meidkkul. Ao, da aɗ ɠagattag, brasppa hak bia meidkkul. Da na anam aakku meidppi, Israel danab ah ag nahip-ppa ban hekkulag, amge ag na ii eɗidmana. Aɗinu? Da na ele daaɗa, ehanitten heppi, laa heeb nauhmananu aakku daattem.

Sam 46:7

Yawe Nukka Ɠagattag Oh Ele, Nug ig oonigppa aakku daatte. Ao, ig Jakop buɗub daattem amu, ihinig Kayak Nug aab aɗ ɠagattagnab ele ihinig bia daatte. Sila.

2 Stori 32:8

Asiria dilag kingnu ɠagattag am danabib, amge Yawe, ihinig Kayak, Nug ig ehanigkkunu, Nug heeb, banppa ig kekeɗ eɗadkkunignu, Nug ig ele daattem,” awa aum. Juda dilag king Hesekaia nug anam a, daup ag oolag ɠagattag qak dooppig.

2 Stori 20:17

Ag gona, appa anadkkulag, amge ag ban laa ii hemana. Iitta. Ag gona, ag ban helob bia ban hak abenppa hippaidna, ɠagattag daappeg, Yawe Nug ehanatteb, ag nuhig ehanittak anidkkulag. O Juda dilag daup, ag laa Jerusalemnu, ag laa Juda wanppa laih laihnu amu, ag aib baɗappig. Ag ahilag dabmak am qe nak aib dayom. Ag butti gona, ban hekkulagnu bia kekeɗ neekkatteg, Yawe Nug ag ele daaglag!” awa aum.

Esekiel 3:17

“Danab bekka, da na Israel dilag aɗi uɗitte anittak danab daakkutnu tituanidmi amunu, da na amenppa ag nau aomnanu nai appi, na dahil nai amu ag matte!

Aisaia 44:26

Da dahil propet, ag am dahilad maɗi nid, da aɗi nai ag madattem amu, da hei, nai amu meu otte. Ao, da aɗi nai dahil propet oɗelagppa mettem amu, da hei, nai amu genab bette. Amu da Jerusalemnu attem, ‘Israel danab ah ag eɗun, aguppa daaglag.’ Ao, da Juda dilag aab, ‘Danab ag aab amu eɗun bappaladkkulag,’ attem. Ge! Kekeɗ ag Jerusalem, Juda dilag aab naunau ele heeg nauhppig amu, da aab amu ohnu attem. ‘Da heppi, ag ena, babaittak daaglag.’

2 Timoti 4:22

Naɗi Nug, amu nuhig ehanittak okkai hamu mettak ele nahip-ppa dayeɗ!

2 Korint 5:20

Ig Kristus oɗe aota, nuhig nai madittem. Kayak, Nug ig oɗenigppa ag nai madatte bia amu, ig Kristus onigppa danab oh amelagppa, ag kekeɗ kobol uuna, ag Kayak ib babaittom ele amu, ag ib amu dim lamidna, Kayak ele oolag laippu daaglagnu unuqadttem.

Aisaia 42:19

Dahil maɗi nid nug ameg gaɗuak ele. Anam amunu, laa nug ameg gaɗuak amu eɗittak daattete? Iitta! Ao, dahil maɗi danab, nai dahil awa gotte ele amu, nug am daug ituak daatte, am laa daug ituak amu eɗittak daattete? Iitta! Danab amu nug dahil danab daatte, amge nug ameg gaɗuak ele, laa nug nuhig ameg gaɗuak amu eɗittak iinab daatte. Ao, da Yawe, dahil maɗi nid ameg gaɗuak ele amu, laa nug ameg gaɗuak amu eɗittak ii daatte.

2 Stori 15:2

Nug uɗie, Asaria nug aha ukka, Asa uɗa ta, nug amegppa aum. “Asa na, Juda danab oh, Benyamin danab ele, ag oh dahil nai doyeg! Haen ag Yawe gukkuidna daatteb, Nug ele ag gukkuatta daatte. Ag Nug anidna dim lamidkkulagnu Nug madippeg, Nug heeb, ag Nug anidkkulag, amge ag Nug uuidppeg, Nug ele ag uuadkku.

Ikki Danab 2:1

Amu Yawenu engel nug Gilgalnu aha, Bokim ta, nug Israel danab ah amelagppa aum. “Da ag Isipnu diie, wan imu, da ag mamelkad aɗi madakkulnu dahil nai ɠagattag qetten ami amu, da amuppa uɗimi. Da ami. ‘Da geha ag ele nug tituana nai qakkak hemi amu, da iinab tippalpa.

1 Stori 28:20

Amu Dawit nai imu ele Solomon amegppa aum. “Na ɠagattag daan, ootppa ele ɠagattag doon, uɗat amu he! Yawe Kayak, dahil Kayak, Nug na ele daattep amunu, na aib baɗame. Na dabmak qe nak ele aib doome. Na lag amu, danab ah ag appa Yawe noobppa dup nona Nug binag mekkulagnu daakkunu, amu lag amunu keeke ele babaittak daakkunu, na lag amu heppe ukka ukka, gogppa tekkunu, Nug ii uuidma; Nug ehanidkkunu dabmak ii paɗama.