Hagai 1:12 - Nobonob Baibel

¹² Yawe Nug anam aum amunu, Sealtiel Bekka Serubabel, Jehosadak bekka Josua, nug mana mettak ikki danab, aa, amu Juda danab ah oh ag oɗo yaak danab ah daatteb amu, ag oh, ag Yawe, ahilag Kayak, ag Nug aum, propet Hagai oɗeppa aoppig am dim lamidppig. Yawe, ahilag Kayak, Nug he, Hagai nug nai mattiom amunu, ag doon, ag heppig. Danab ah ag Yawenu ebehilag oh bodoetta le meum.

Hagai 1:12 Referans Kwoze

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Hagai 1:14

Anam amunu, Yawe Nug he, Sealtiel bekka Serubabel, nug Juda dilag gawana, Jehosadak bekka Josua, nug mana mettak ikki danab, aa, Juda danab ah oh ag oɗo yaak danab ah daatteb, ag ele, ag oh yagbak doon, ag lag amu hekkulagnu ahappig. Ag ahan uɗin, Yawe Nukka Ɠagattag Oh Ele, ahilag Kayak, ag Nug laug eɗun bappaidna heppig.

Esra 5:2

Aa danab ah amelagppa anam aeh, Sealtiel bekka Serubabel, Josadak bekka Jesua ele aa Kayak laug, Jerusalem appa eɗua daakkunu uɗat am ⌊baula⌋ digmepiɗ. Aa uɗat amu heeheh, Kayaknu propet aa ehanatkulahnu daapiɗ.

Prowerb 1:7

Amu Yawenu ebehi oh bodoetta le mak kobol am doyak digma awak aakku; amge danab ag Kayak dab-ii-menan ii dim lamidtteb ele ag doyak dabmak ena elenu, aria tolittak awaknu ele, ag amu dilahnu ena iinab dootteb.

Sam 112:1

Ag Yawe binag meig! Danab nug Yawenu ebehi oh bodoetta le mette, nug itittak ena awom daatte. Ao, danab amu nug Yawenu ɗo ohnu enanagnab doyaya oitte ele, amu nug itittak ena awom daatte.

Hagai 2:2

“Na Sealtiel bekka Serubabel, nug Juda dilag gawana, amu Jehosadak bekka Josua, nug mana mettak ikki danab, na aa, Juda danab ah oh ag oɗo yaak danab ah daatteb, na ag oh amelagppa anan, inam oɗ mattan a!

Hagai 1:1

Darius nug Persia dilag king dayaya, nuhig king dayaknu maɗ aɗitppa, kalam ebqak eblaih laippu ele, kalam amunu deɗ digmakppa Yawe Nug nuhig nai propet Hagai mettom. Nai nug mettom amu, nai amuam Juda dilag gawana Serubabel, nug Sealtiel bekka, amu Jehosadak bekka Josua ele dilah. Josua nug am mana mettak ikki danab dayom.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Hibru 12:28

Keeke diignab ele aakkuib daakku, amu ig ɗo maɗoɗ amuppa daattem amunu, ig Kayak amegppa, “Ena hen mekkame,” aot atu! Amu ele ig ebehinig oh nuhignu bodoetta, le ma aut auta aweb, ig Nug oo niitte bia Nug noobppa dup nota binag metu!

Kolosi 1:6

Nai Ena wan atu ohppa ukke, danab ag doonna heeg, naɗi ma amu kobol ena, doyak digdig ena ele danab kuɗum ag aakku aon hetteb. Anamib aakku ahilagppa digmeum, deɗ amuppa Nai Ena amu nug he, ag aon, ag Kayaknu ehanittak okkai hamu megatte ele diig genab doon, ag kobol ena, dabmak ena ele aɗan oitteb.

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Duteronomi 31:12

Ag danab, ah, nid naunau, wan laihnu danab ag uɗin, ag oolagppa ahilkad aab ooppa daatteb amu, ag danab ah amu oh ag Yawenu nai doon dim lamidkkulagnu, ag Yawe, ahilag Kayak, ag nuhignu ebehilag oh bodoetta le mekkunu, ag danab onilagppa eppeg uɗin qagmeig!

Genesis 22:12

Abraham anam a amu, engel nug amegppa aum. “Na nid aib yaappe mauhom. Na keeke eheɗ laa ele nuhigppa aib heme. Aɗinu? Na nid nahip laippunab genab meɗame amunu, da geha iikku na da, Kayak, na dahilnu ebehin oh bodoetta le mette amu, da doottem,” awa aum.

Duteronomi 31:13

Nid ahilkad ag ɗo imu ii dooppig ele amu, ag Yawenu ɗo doon, ag Yawe, ahilag Kayak, ag nuhignu ebehilag oh bodoetta le mekkunu amu, ag anam heig! Ag Jodan mataɗna, wan aon daaglagnu daatte, ag wan amuppa daanna, anamib hanhan hekkulag,” awa aum.

Esra 10:18

Amu mana mettak danab ag laihnu ah diippig ele, ag appeg, ah amu gokkulagnu, “Yo,” ana, ag eheɗ heppig, ag beɗulagppa aab ele amunu, ag eheɗ haknu ofa hekkulagnu ag anen anen sipsip dawai ele aon uɗin main, Kayak medappig ele, ag onilag am iikku. Josadak bekka Jesua, nug awakkud, amakkud ele buɗulkadppanu am Masea, Elieser, Jarib, Gedalaia ele.

Aisaia 1:19

Ag ⌊dahil nai dim lamidkkulagnu⌋ oolag heeb, da aakkuib oɗel dim lamidkkulag amu, geha ag wanppa ahilag dayak ena ele daanna, ee ena ena dad ahilagppanu aon lanana daaglag.