Hagai 1:1 - Nobonob Baibel1 Darius nug Persia dilag king dayaya, nuhig king dayaknu maɗ aɗitppa, kalam ebqak eblaih laippu ele, kalam amunu deɗ digmakppa Yawe Nug nuhig nai propet Hagai mettom. Nai nug mettom amu, nai amuam Juda dilag gawana Serubabel, nug Sealtiel bekka, amu Jehosadak bekka Josua ele dilah. Josua nug am mana mettak ikki danab dayom. Gade chapit la |
Hagai 1:1
41 Referans Kwoze
Ag anam hena, heeg ukke ukke, maɗ ag eɗun, Kayak laug, Jerusalem appa dayomppa, ag appa uɗippig, maɗ amu male, maɗ amu dimugppa, maɗ amunu kalam aɗitppa, Sealtiel bekka Serubabel, Josadak bekka Jesua, aa lailti ele, amuam Lewi buɗubppan mana mettak danab, Lewi buɗubppan mana mettak danab iitta, amu danab oh ag Babilon appa diia ukka laih me dayak danab ah daappig, ag appanu eɗun, Jerusalem uɗippig amu, ag oh ahan, Yawe laug digmena buuppig. Ag amu henana, ag Lewi buɗub, ag maɗ 20 ele, o maɗ 20 eɗittak, ag uɗat amu guman daaglagnu tituanadppig.
Yawe Nug anam aum amunu, Sealtiel Bekka Serubabel, Jehosadak bekka Josua, nug mana mettak ikki danab, aa, amu Juda danab ah oh ag oɗo yaak danab ah daatteb amu, ag oh, ag Yawe, ahilag Kayak, ag Nug aum, propet Hagai oɗeppa aoppig am dim lamidppig. Yawe, ahilag Kayak, Nug he, Hagai nug nai mattiom amunu, ag doon, ag heppig. Danab ah ag Yawenu ebehilag oh bodoetta le meum.
Anam amunu, Yawe Nug he, Sealtiel bekka Serubabel, nug Juda dilag gawana, Jehosadak bekka Josua, nug mana mettak ikki danab, aa, Juda danab ah oh ag oɗo yaak danab ah daatteb, ag ele, ag oh yagbak doon, ag lag amu hekkulagnu ahappig. Ag ahan uɗin, Yawe Nukka Ɠagattag Oh Ele, ahilag Kayak, ag Nug laug eɗun bappaidna heppig.
Ag anam heppig amunu, Juda dilag ikki danab ag Kayaknu mettid lag heegeg, propet danab Hagai, propet laa Ido buɗub Sekaraia ele, aa naippa ɠagattag aqaeheh, ag lag amu heppig. Ag Kayak, Israel dilag Kayak, ag nuhig haknunab anak, amu Persia dilag king Sairus, Darius, Artekserksis ele, ahilag ɗo maknu anak, ag ele appig bia, ag Kayaknu mettid lag buun malappig.
Esra nug nai amu ebqeeqe, danab, ah, nid daappig ele amu, ⌊ag ɗo nai doon, elele ii heppig anidna,⌋ ag oh gaappig. Ag gaappig amunu, Juda dilag gawana Nehemaia, mana mettak danab Esra, nug ele yaak danab amu, aria Lewi buɗubppan mana mettak danab iitta, ag danab ah nai amunu meu tutukku ippunadppig, ag ele, ag oh appig. “Imuam deɗ Yawe, ahilag Kayak, Nug amunu, nuhignu tituanak daatte anidtte. Ag aib mahippig, aib gaappig,” aon appig.
Amu King Artekserksis nug Persia dilag king dayaya, nuhig king dayaknu maɗ 20ppa nug da Juda dilag gawana daakkulnu otiɗom. Nug maɗ amuppa otiɗe daaiyi ukke ukke, nuhig king dayaknu maɗ 32ppa da uɗat amu batami. Da maɗ 12 Juda dilag gawana aakku daami. Amu kingnu ɗo daatte bia, haen amuppa, da deɗ anen anen aɗi ee meɗaglagnu ɗo atte bia aokkulnu elele daami, amge da maɗ 12 amu ohppa da, da awalad amalad ele, ig oh ahilagppanu keeke nakok laa anam ii aomut. Iitta.
ag ahan, Serubabel, amu Israelnu baelkadppan danab okkai ele gumadna wana, ag appig. “Ig ag hetteb bia, ig ahilag Kayak noobppa dup nota, Nug binag mettem. Ig Asiria dilag king Esarhadon he, ig uɗit daamut, haen amuppa ig doɗ mait, Nug mettagnignu digmeta heut uɗie, gemu ele hettem amunu, ag appeg, ig ag ehanadpput, ig oh Yawe laug imu buugnig,” aon appig.
Amu Jeroboam nug king ii beum haenppa, haen amuppa kekeɗ ag Israel dilag wan laala aoppig. Amge Jeroboam nug gemu ban haaha, wan amu oh eɗua awom; amuam laih yawalti uɗitteppanu Lebo Hamatnu digma ukka, laih yau uɗitteppanu Mauhaknu Le, amuppa batak. Jeroboam nug anam haaha, nug Yawe, Israel dilag Kayak, Nug nuhig maɗi nid Amitai bekka, propet Jona oɗeppa nai aum amu, nug elele mettom. Jona nug am Gatheper aabppan danab laa.
Anam amu ⌊haen ukke⌋, propet danab Hagai, propet laa Ido buɗub Sekaraia amu, aa Kayak, Israel dilag Kayak, Nug Juda danab ah oh, laa Jerusalemnu, laa Juda wanppa laih laihnu amu, Nug ag oh ahilag gumattak daatte amu, aa Nug oɗeppa nai aoya, Nug onigppa Juda danab ah oh amelagppa propet nai mattiya, ⌊ag Kayaknu mettid lag buuglagnu⌋ apiɗ.
Amu haen amuppa Tatenai, nug Persianu prowins Yupretis lenu qaban uɗitteppanu gawana dayom. Nug anam daye, nug, Setar Bosenai ele, ahilti ehanittak laala ele ag Juda heppig doon, ag ahan gona, Juda danab Kayaknu mettid lagnu uɗat heppig ele oɗ mattan appig. “Aun aum amunu ag Kayaknu mettid lag imu eɗun bappaidna henan daatteb?” aon oɗ madappig.
Amu mana mettak danab ag laihnu ah diippig ele, ag appeg, ah amu gokkulagnu, “Yo,” ana, ag eheɗ heppig, ag beɗulagppa aab ele amunu, ag eheɗ haknu ofa hekkulagnu ag anen anen sipsip dawai ele aon uɗin main, Kayak medappig ele, ag onilag am iikku. Josadak bekka Jesua, nug awakkud, amakkud ele buɗulkadppanu am Masea, Elieser, Jarib, Gedalaia ele.
Haen ag doɗ amelag gaɗuak ele manadna, da meɗatteb amu, amuppa ag nau iite hetteb? Haen ag doɗ ag ebehi kaliak ele, o laa oɗe mak ele akkan dona, manan meɗatteb amu, amuppa ele ag nau iite hetteb? Ag keeke anam ahilag gawana mettan antteg! Nug keeke amunu oo ena dookkute? Nug ag ena heppig doya ehanadkkute?” Yawe Nukka Ɠagattag Oh Ele Nug anam atte.
Piblisite