Habakuk 3:3 - Nobonob Baibel

³ Kayak, Nug Temannu uɗiom. Ao, Kayak Oppiaawak Ele, Nug qauko Parannu uɗiom. Sila. Nug uɗie, Nug nuhig binag amahlak oppiaawak ele am hab ohppa miag dayom. Ao, wanppan danab ah oh ag Nug onig humappig.

Habakuk 3:3 Referans Kwoze

Duteronomi 33:2

Nug aum. “Yawe Nug Sinai qaukoppanu neum. Nug danab ah nuhikkud ehanadkkunu Seir appa amahlak mattom. Yawe binag amahlak oppiaawak ele am Paran qaukoppan amahala dayom. Ban danab nuhikkud tausen tausen gane ag anam nug ele daaegeg, aab dittiak amu heqo naɗiap-ppa dayom.

Obadaia 1:9

Teman am Edomnu aab okkai, amu appan ban danab ag eheɗ nau baɗaglag. Danab oh Edom wanppa daatteb amu, kekeɗ ag aqappeg mauhkkulag.” Yawe Nug anam awa atte.

Amos 1:12

Edom danab ag anam heppig amunu, da heppi, Edom dilag aab Teman aab eweb; Bosranu aab aɗ ɠagattagnab ele, aab amu ele ewatteb, iitta mekkulag.” Yawe Nug anam atte.

Sam 4:4

Na Yawenu ebehin oh bodoetta le meeb, na aib hipunin heme. Ao, na niiak abenppa toettan niinna, na amu oh dabmette! Sila.

Jeremaia 49:7

Edomnu amu, Yawe Nukka Ɠagattag Oh Ele, Nug inam atte. “Teman appa amu, danab laa nug doyak dabmak ena ele iittate? Appa laa nug eheɗ bemanu dabmak awa dabmak amu dim lamittak kobol dim lamitta, okkai danab ulum nai ena iite medatte? Teman danab ah dilag doyak dabmak ena ele am iitta meumte?

Aisaia 6:3

Amu engel-serep amu ag oh anen anen, ag laa anen anen ag agakka nug amegppa ag inam aon enana daappig. “Yawe Nukka Ɠagattag Oh Ele, Nug oppiaawak, Nug oppiaawak, Nug oppiaawak. Yawe Nukka Ɠagattag Oh Ele, Nug oppiaawak ele. Nuhig binag amahlak oppiaawak ele am wan oh elele mettom daatte,” aon enan daappig.

Sam 68:17

Kayak Nug bannu karis huanaknab ele; bannu karis amuam ebqaknu elele iitta. Naɗi Nug bannu karis amu oh Sinai qaukoppanu diie, ele uɗin, Nug nuhig mettid lag ooppa noum.

Duteronomi 5:24

Ag uɗina appig. “Antte! Yawe, ihinig Kayak, Nug binag amahlak oppiaawak nuhig, Nug dagom onig ɠagattag ele, Nug amu ele ig ippunikkom; ig Nug baag aab dittiak ooppanabnu doomut. Gemu ig anidmut, Kayak Nug danab amelagppa nai mattiom me, ig ina bau daattem.

Genesis 21:21

Nug atu taɗak onig Paran amuppa dayeye, nug anig Isip ah laa awa mettom.

Aisaia 64:3

Tumai aɗi na nena, keeke laala, danab nug amu antta, nug ebehi oh bodoetta le mette ele, na keeke amu, ig na anam hekkutnu dab-ii-memut ele amu, na amu heme. Na amu heme, qauko aakku huanak uɗalppig.

Sam 48:10

O Kayak, na am binan okkai ele amunu, danab ah wan atu ohppan ag na binan metteb. Nahip hak am genab, tutukku aakkuib.

Sam 9:20

O Yawe, na heppe, wan imuppan wan ohppan danab ah ag eheɗ nau baɗaglagnu oɗ medattem! Ao, na heppe, ag am danab aakkuib daatteb dooglagnu unuqidttem. Sila.

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Sam 3:4

Da Yawenu huana gaai, Nug nuhig qaukoppanu, qauko amuam nuhignu tituanak daatte amu, appanu Nug da oɗelppa awom. Sila.

Sam 3:2

Kuɗumnab ag dahilnu, “Kayak Nug ii ehanidma!” aon atteb. Sila.

1 Samuel 25:1

⌊Saul nug Dawit uuitta, nug eɗua nuhig aben daatteppa ukkom. Nug ukka dayeye⌋ amu, Samuel mauhom. Nug mauhe, Israel huu oh ag uɗin, qagmena gaanna, Rama aabppa nug laug guguittak boumppig. Ag boumeg, amu dimppa Dawit, nug danab nug ele daatteb ele, ag ahan, Juda wan laih ⌊yau uɗitteppanu⌋ gona, atu taɗak laa onig Paran, appa daappig.

Namba 10:12

Aria, lombig amu aha dayom amunu, Israel danab ah ag Sinai atu taɗakppanu ahan, aben abenppa gona oiyegeg ukke, Yawe Nug he, lombig atu taɗak onig Paran, appa eɗua na dayeye, ag appa daappig.

Eksodas 20:18

Amu haen danab ah ag hakkaɗ qeeqe, trampet ele heehe doonna, ag amemɗi awa ukka uɗieye, qaukoppa kahug naɗi ahe dayom ele anidna amu, ag eheɗ baɗan, beɗulag hahaɗeɗe, ag eɗun bittumttum gona, nakok uma daanna,

Sam 113:4

Yawe Nug wanppan wan anen anen ohppan danab ah eɗadtte. Keeke hab attan tette amu, keeke amuam keeke okkai, amge Yawenu binag amahlak oppiaawak ele, amuam amu eɗittak daatte.

Sam 148:13

Amu oh ag Yawe binag meig. Aɗinu? Nug keeke oh eɗadtte; Nug onig okkai ele attannab daatte. Nuhig ɠagattag okkai naɗi ele am ɠagattag okkai naɗi ele wanppanu, habppanu ele eɗidtte.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.

1 King 11:18

Ag tatam Midian wanppa gonana, ag appanu ahan, Parannu atu taɗakppa goppig. Gona, Paran appa danab laa diieg, ag oh Isip wanppa goppig. Ag Isip tena, Isip dilag king Paro anidkkulagnu gumidna goppig. Antteg, Paro nug lag laa Hadat mettowa, wan laih nakok laa ele mette gumeeme, king nug ee ele mettom.

Esekiel 43:2

Nug omaiɗa uɗie, da kaɗag uɗitteppanu neekki ukke, da Israel dilag Kayaknu binag amahlak oppiaawak ele appanu uɗieye anidmi. Amu da Kayak baag ele doomi, amu le okkai ui huana otte, amubia. Amu nuhig binag amahlak oppiaawak ele huana amahale, wan oh amahla auta autanab awom.

Habakuk 2:14

Aɗinu? Le yuppa ambak daatte, amubia wan atu ohppan danab ah ag Yawenu binag amahlak oppiaawak ele anidna dooglag.