Habakuk 3:2 - Nobonob Baibel

² O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.

Habakuk 3:2 Referans Kwoze

Sam 85:6

Ig nahipad danab ah, ig nahipnu oonig gamag ahakkunu amu, na baula ɠagattag iqakkutnu oɗ medattem.

Gayak Nai 3:32

Nug danab ah bu madatte, amge Nug danab ah dilagnu oo mauhaknab okkai dootte amunu, Nug bu mattowa, Nug ele ahilagnu oo bodoetta le mekku.

Habakuk 3:16

⌊Uug ihinigppa bekku amu,⌋ da amunu daulppa doye, gamalppa uttu taub huan qutu qutu ettom. Ao, da oqotti amu doye, da eheɗ baɗen, da ottil hahaɗom. Da ebehil bodoettom. Da bael laih laih oh hahaɗpiɗ. Anam, amge na danab amu, nuhikkud daup ele eheɗ hadappe, ag nena qekkulag amunu, da deɗ amu ameg mekkul. Da tappaɗak heinne, ameg ii mepa. Iitta. Da na nahip haenppa heppe bekkunu ameg mekkul.

Pilipai 1:6

da imu am genabib genab doottem. Kayak Nug ahilagppa uɗat enanag digmeum amu, Nug uɗat amu tuɗitta heeb ukkeb ukkeb, Kristus Jesusnu deɗppa gog tekku.

Jeremaia 10:24

O Yawe, na dahil eheɗ hak anidna, da padal mepanu na nai doya mala hettoɗia epeɗia elele mettak kobol aakkuib dim lamidna, bu meɗakkutnu oɗ medattem. Na oot nauheb, bu meɗamnanu unuqidttem.

Aisaia 63:15

O Yawe, na hab attan daattem. Na daattemppa amu, aben amuam oppiaawak ele, am binag amahlak oppiaawak ele. Amu na neegppe neeb, ⌊uug nau digdig ihinigppa bette⌋ anidkkutnu oɗ medattem. Na anukka nahip ɠagattag okkai eleppa ehanigme amu, gemu na anam ehanigkkutnu yag-nab-bak anukka doome bia iitai doottem? Na anukka ihinignu kobol qinonob hak ele, oo bodoetta le mak kobol eleppa ehanigme, amge gemu na anam bia ii hettem.

Aisaia 54:8

Ag eheɗ heppig amunu, da ool huana haen tutuib nauhe, da dimatten ii ehanadmi, amge da oo mauhaknab kobol dahil alet daatte dim lamittette, da ool matten ehanadkkul.” Yawe, Nug ag laa eppelagppa dayaknu qagaiettakppanu eɗua uhuqak hette ele, Nug anam atte.

Sam 119:120

Da nahipnu ebehil oh eheɗ bodoetta le meeme, da beɗul hahaɗtte. Da nahip ɗo tippalen eheɗ heppi, na bu meɗamnanu baɗattem.

Jon 10:10

Yabhok danab nug yab awak, qe mauhak, amu keeke he nauhak, nug amunuib uɗitte, amge da uɗimi ele imu amu, da ag bau dayak enanag ambaknab madakkulnu uɗimi.

Sam 44:1

O Kayak, ig mamenkad aɗi, ag na anukkanab keeke oh na heme, ag amunu amenigppa mattieg doomut. Yo, ig nai amunu daunigppanab doomut.

Sekaraia 1:12

Yawenu engel nug nai amu doya, nug Yawenu inam unuqittom. “O Yawe Nakka Ɠagattag Oh Ele, na anukka Jerusalem danab ah dilagnu, Juda danab ah laa ele dilagnu oot nauhe uɗie uɗie, gemu ele anam doottem. Oo nauhak nahip aakku maɗ 70 iikku dayaya, ii iitta meum; amu haen gane laa ele ukkeb, na heppe, nahip oo nauhak iitta meeb, na Jerusalem danab ah, Juda danab ah laa oh dilag ele oot gai-iitta doon oot mattan ehanadkut?” awa oɗ mettom.

Jeremaia 29:10

Amu Yawe Nug inam ele atte. “Babilon nug ɠagattag maɗ 70 dayebeb, nuhig ɠagattag dayak haen amu iitta mekku amunu, haen amuppa da ag Juda, gemu Babilon wanppa diia ukka laih me dayak danab ah daatteb, da ag gumatten ukken heppi, da kobol ena ahilagppa hekkulnu nai ain qakkami am meu ob, ag eɗun ippa uɗiglag.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Sam 38:1

O Yawe, na oot nauhebeb, daul ii batamnanu unuqidttem. Ao, na oppoɗin beeb, na toliɗna, bu ii meɗamnanu oɗ medattem.

Esra 9:8

Amge gemuib, haen tutu imuppaib, na Yawe, ihinig Kayak, na ii helom bia me, na hee, ig oɗo yaak daattem ele, ig daatta, na ig nuhig mettid lag guguittak ena daagnignu ib mekkae, gemu ig danab laa waappa daattem, amge ig bau daatta, naunab nau ii daattem amunu, O ihinig Kayak, na hee, ig daagnignu elelebia doottem.

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.

Rom 10:16

Amge Juda danab dilagnu, ag ohnab Nai Ena imu ii aon dim lamidppig; laa aon dim lamidppig, laa am iitta. Propet Aisaia nug amunu inam aum. “Naɗi, aun nug ihinig nainu ooppa genab doyom?”

Daniel 9:2

maɗ amuppanab da, Daniel, da Yawenu nai propet yaappig ebqein, da Yawe Nug Jeremaia ippunitte, nug yom bia, Jerusalem am maɗ 70 nauhak dayeb, haen amu maleb, ag bappaidppeg daakkunu doomi.

Aisaia 53:1

Aun nug ihinig nainu ooppa genab doyom? Ao, aun nug Yawe Nug nuhig ɠagattag ippunitte, danab amu nug amunu tutukku dabmaama anttom?

Sam 78:38

Ag amu heppig, amge Kayak Nug ahilagnu oo gai-iitta doya oo matta ehanatta, Nug ahilag hipunin uhuqa mattom. Nug ag oh ii hatte nauhppig. Haen kuɗum Nug oo nauhak nuhig aɗom. Ao, haen kuɗum Nug ahilagnu oppoɗi bak doyom, amge Nug aɗaɗa, ag bu madakkunu dayom bia ii bu mattom.

Hibru 11:7

Noa nug Kayaknu ooppa genab doyom, amu Kayak Nug keeke laa, Noa nug deɗ laa ii anttom bekkunu nug amegppa nau aomanu nai mattie, Noa nug ebehi oh Kayaknu bodoetta le meum ele amu, nug nuhig nai amu doya, nug baekkudppa ele ena daaglagnu nug uub itom. Ooppa genab doyak nuhig amuppa amu nug danab laa oh, ag oolagppa genab ii dooppig ele, ag eheɗ heppig aakku ippuanatta, ooppa genab doyak amuppa ele nug am genab tutukku hak danab beum.

Daniel 8:17

Baag anam a, Gabriel nug da gukkuiɗa uɗie, da baɗak eheɗ nau doyen, da wanppa nein qemi. Da nein qein daaiyi, nug da amelppa aum. “Danab bekka, na imu doye! Tulegleg na anidttem imu, tulegleg imuam gog tak haennu keeke.

Hibru 12:21

Yo, Israel danab ag keeke amu anidna, oolag huana baɗom. Amu Moses nug ele aum. “Da baɗen hahaɗttem,” awa aum. Israel ag keeke amu oh gumidna wappig.

Job 42:5

Gemu da imu doottem. Tatam amu, laa ag nahipnu aegeg, da daulppaib doomi. Gemu amu, da amelppa na anidmi.

Sam 71:20

Na da uug digdig, nau ele aokkulnu aib ii ae, aakku toniɗppig, amge na da ehaniɗppe, da ena daakkul. Yo, uug okkai okkaippanu, na humiɗna awiɗppe, da eɗue ena daakkul.

Jeremaia 10:7

Na wan atu oh dilag King daattem; danab ah ohnab ag nahipnu ebehilag oh bodoetta le mekkunu daatteb. Aɗinu? Ig danab ah oh anam hekkunig am kobol pehettak, kobol tutukku ele. Laa ele, wanppan wan ohppa danab ag doyak dabmak ena ele daatteb, amge ag oolagppa, aria, ɗo maɗoɗ oh oolagppa ele, laa nug na bia laal ii daatte.

Jeremaia 46:28

Anam amunu, O Jakop buɗub, ag dahilad maɗi nid amu, ag aib baɗappig. Aɗinu? Da ag ele daattem. Da heppi, ag gona, wan laalappa matatun daaglag amu, da wan amu oh hadappi, iitta mekkulagtai. Da anam hekkul oo iitta, amge da ag Jakop buɗub, da ahilagnu anam ii hepa. Da heppi, ag ii iitta memana. Da bu madakkul, amge da ahilag eheɗ hak eleleppa hein, nai doya mala hettoɗia epeɗia elele mettak kobol dim lamitten, ag toliatten, bu madakkul. Amu eɗittak ii madapa. Ag eheɗ heppig amunu, da anam hekkul. Da ahilag eheɗ haknu hamu bia doyen, bu ii madakkulnu ii hepa. Iitta. Da kobol eleleppa madakkul.” Yawe Nug anam awa atte.

Habakuk 3:1

Nai imuam propet danab Habakuknu unuqittak; ahiettaknu.

Sam 25:6

O Yawe, anukkanu na oo mauhaknab kobol nahip, oo gai-iitta doya oo metta ehanittak kobol nahip ele hee uɗiom amunu, gemu ele na dabmenana, tuɗidna anam hekkutnu oɗ medattem.