Habakuk 1:8 - Nobonob Baibel

⁸ Ag ban hekkulagnu oiyegeg, ahilkad hos am paha paha, doɗ onig lepad paha oitte, ag amu eɗittak, paha paha oitteb. Ao, ban danab ahilkad ag wulp tueb me, doɗ laa aqaglagnu huana henan oitteb, ag danab dilagppa kobol amu eɗittak, huanaknab henan oitteb. Babilon ban danab hos attan daan, ban hetteb ele, ag hos attan paha paha, qaiettan banppa gotteb. Ao ag umanunab uɗitteb. Ag kaub doɗ beɗak laa teppu lakkunu na uɗitte, ag amubia hetteb.

Habakuk 1:8 Referans Kwoze

Jeremaia 4:13

Antteg! Danab amu, nuhikkud daup ele ag ulah lombig ye, paha paha laih gotte bia uɗitteb. Nuhig bannu karis ag kilibob huana gotte bia uɗitteb. Nuhig hos ag ai igel paha paha hagagaɗa gotte, ag amubia oitteb. Anam amunu, Juda danab ah ag anidna, ag, ‘O gadonnab gadon, ig eheɗ aognig! Gadonnab gadon. Aɗinu? Ig aakku padal mekkunig!’ akkulag.

Sepanaia 3:3

Israel dilag ehanittak anuqak danab amu, ag danab ah dilagnu laion doɗ laa qa lakkunu oiyaya gaatte, amubia ag danab ah dilagppa hetteb. Ao, Israel ag ahilkad okkai danab ag doɗ wulp, ag tueb meeb, ag doɗ laa anidna, qena lalobnu oitteb bia hetteb. Doɗ laion, o doɗ wulp ag aɗi doɗ laa tueb qena lae neppig, butti buttua huppu nakok laa ii daatte, amubia hetteb.

Hosea 8:1

Yawe Nug atte. “Dahilad danab ah ag uug uɗitte dooglagnu na trampet na ottinppa me! Ai igel laa doɗ laa aokkunu notte bia, kekeɗ ag da, Yawe, ag dahilad danab ah aqaglagnu ban haknu uɗitteb. Danab ah dahilad ag nug tituana nai qakkak nai da ag mattami tippalna; dahil ɗo tappaeg neum. Diig amunu amu, kekeɗ ag uɗitteb.

Esekiel 17:3

na imu a! Naɗi Yawe Nug inam atte. ‘Ai igel laa, ai amuam ai okkai, nug dayom. Nug haug am ɠagattag ele, haug uɗig, bitobppan uɗig ele am elab elab; uɗig laa am elele, teppu ele daya, am ele kaala iɗu iɗu dayom. Ai igel naɗi amu nug daya, Lebanon wanppa uɗia, nug ad sida laa gogppanabnu eppeg aɗa,

Jeremaia 5:6

Danab ah imu oh ag anam hetteb. Ag Yawe oɗe huana tappaeg nette. Ao, ag haen kuɗum tuɗidna, Yawe dimettona kayak hambuppuak laala dim lamadtteb. Anam amunu, kekeɗ ag laion laa atuppanu uɗia, doɗ, o danab qe mauhtte bia heppeg nauhkkulag. Doɗ wulp, nug atu taɗak appanu uɗia, doɗ, o danab qe mauhtte bia kekeɗ ag heppeg, danab ah imu ag nauhkkulag. Doɗ laa onig lepad, pusi okkai amu, nug aab guguittak dayaya, aun laa aab dimittim uɗikku amu, doɗ amu nug aha, danab amu aɗa he, nug beɗu huppu naunau na niitte, amubia kekeɗ ag heppeg, danab ah imu ag nauhkkulag.

Duteronomi 28:49

Yawe Nug wanppan wan laanu danab, ag am atu umanabnu amu, Nug ag diia uɗikku. Danab amu ag ai igel, doɗ nakok laa aokkunu notte amubia hekkulag. Am ag danab amu nailag madippeg doon, oolag ii maidkku.

Luk 17:37

Jesus Nug anam a, ag amu doona, ag appig. “Naɗi amuam geha adeppa bekku?” Ag anam aeg am Jesus Nug amelagppa aum. “Mauhak gaɗalag niitteb, aben amuppa kaub ag uɗin appa qagmetteb,” awa aum.

Matyu 24:28

Mauhak gaɗalag niitteb, aben amuppa kaub ag uɗin appa qagmetteb.

Esekiel 17:12

“Na Juda danab ah, ag am nai tappe nak danab ah amu, na ag amelagppa inam appe doyeg! ‘Ag nai amunu meu doottebte?’ aon oɗ matte! Na amu awona, na inam ele appe doyeg! ‘Nai amunu meu am inam. Babilon dilag king nug Jerusalem ukka, Juda dilag king, anuqak danab ele eppelag hippala, diia Babilon uɗiom.

Gayak Nai 4:19

Ihinig kekeɗ ag eheɗ lamigppig; ag ai igel huan hagagaɗa gotte, ag amubia lamigppig; ag qaukoppa ele aɗaigkkulagnu lamigna; ag atu taɗakppa meigna daappig.

Job 9:26

Dahil bau dayak haen am uub papairusppa hak, paha paha uug iitta doa gotte, amubia hette; am ai igel nug doɗ aokkunu haug aɗe te, kekaɗa wanppa nette, amubia dahil bau dayak haen am paha iitta mette.

Aisaia 11:14

Israel huu, amu Juda huu ele ag geha buɗub laa aam nodeppa daatteb, ag am Pilistia danab, ag ag eɗadkkulag. Amu ag buɗub laa aam bedeppa daatteb, ag ag ele eɗadna, ahilkad keeke aoglag. Israel huu, Juda huu ele, ag Edom huu, Moap huu ele eɗadna, ag Amon ele eɗadkkulag. Eɗadppeg amu, Amon ag Israel huu, Juda huu ele waalagppa daaglag.

Jeremaia 48:40

Amu Yawe Nug inam atte. “Moap, ag antteg! Ai igel doɗ aokkunu noa ukka, eɗua tette, amubia kekeɗ ahilagppa uɗiglag.

Jeremaia 50:42

Daup amu ag lat, ban ele aɗaglag. Ag laa guittak mettaglagnu uug laa ii doomna. Ag laa dilagnu oo gai-iitta doya oo matta ehanittaknu kobol nakok laa dim ii lamidmana. Ag hos attan daanna oippeppeg, oqotti ahilag am yu heehe, oqotti otte amubia. O Babilon danab ah, ag ag ele ban hena aqaglagnu ag huu men uɗiglagnu bappaidkkulag.

Esekiel 26:11

Nuhikkud hos ag huan oina, baelagppa aabnu ib oh tappaladppeppeg, daup ag danab ah qep elabppa aqappeg mauhkkulag. Ag anam aqanna, ag heppeg, biidod ɠagattag ele wanppa nena qekkulag.

Nahum 2:5

Kekeɗ dilag okkai nug nuhikkud daup ena ena onilagppa eeb dokkulag; ag ban hekkulagnu paha paha gonana, taataɗ qettaglag. Ag taataɗ qettan, eɗun ahan, ag qaiettan, aabnu aɗppa gokkulag; appa, ag aɗ dimittimnu guppiɗ naɗi okkai bappaidkkulag.