Habakuk 1:6 - Nobonob Baibel

⁶ Na ootppa genab ii doomnanu diig am, antte! Da heppi, Babilon danab ag ahan, ⌊ag Juda, ag bu mattaglag⌋. Babilon daup ag am ban danab, ag oo doyak ii doon nau hetteb. Ag aɗi hekkulagnu ahilag dabmakppa bette, ag ahan hetteb. Ag wan atu ohppa paha wana, eɗadna, ahilkad lag, wan keeke, ag aon, ahilag daakkunu aɗatteb.

Habakuk 1:6 Referans Kwoze

2 King 24:2

Haen amuppa Yawe Nug danab ag ban hena, danab aqadna, ahilkad keeke aotteb amu, Nug danab amu Babilonnu, Aramnu, Moapnu, amu Amonnu ele, ag Jehoiakim ele ban hena, Juda wan heppeg nauhkkunu maatte goppig. Yawe Nug nuhikkud maɗi nid propet oɗelagppa mehuqom amu, am anamnab beum.

Jeremaia 5:15

Amu Yawe Nug inam ele atte. “O Israel danab ah, da wan umanunabnu daup ag banelag uɗiglagnu hettem. Wan amuppan danab ah ag memetalkad anukkanab wan amu aoppig daatteb. Huu amu ag aguppaib daatteb; ii iitta metteb. Ag Israel, ag danab amu dilag nai ii dootteb. Ao, ag ahilag mattiak am, ag oolag ii maidtte.

Jeremaia 25:9

da heppi, Babilon dilag king Nebukatnesar, dahil maɗi nid, nug nuhikkud daup ele, aria, laa oh ag wan imunu laih yawalti uɗitteppanu daatteb ele, ag Nebukatnesar nuhikkud daup ele oh banelag uɗiglag,’ awa atte. Amu Nug atte. ‘Da heppi, ag uɗin, ag wan imu aoglagnu, ag ippan danab ah, wan laala wan imu talilittak daatteb ele amu, ag ele oh ban hekkulag. Da heppi, wan imu, amu wan laala wan imu talilittak daatteb ele, ag dahilnuib, dahil pelemppa daaglag. Ag anam daappeg, wan laappan danab ah ag anidna, ameg iɗuak doon, ahilagnu, “Keeke hamunab,” dooppeg, wan imu, wan amu oh am hanhan padal mak anamib daaglag.

Aisaia 23:13

⌊O Ponisia danab ah, ag Yawe Nug aɗi bekkunu maittak aotte ele amu, keeke amu bette anidkkulagnu⌋ ag neegna, Babilon dilag wan antteg! Appa danab ah qainqainib oitteb. ⌊Aɗinu? Yawe dabmeum bia⌋ Asiria ag ahan heeg, Kaldia wan am nauhakib daatte. Am ai nau, doɗ nau ele dilag aben aakku daatte. Asiria ag Kaldia dilag aab laala aɗ ele, ag aab amu eɗadkkulagnu ag aɗ dimittim lag attan ta ukkak hattana, appanu eɗadppig. Asiria anam heeg ukke, ag Kaldia dilag king laug, danab okkai laulkad ena ena ele, ag lag amu ohppanu keeke oh akkan goppig. Ag wan amu aakku heeg nauhom daatte.

Jeremaia 21:4

‘Yawe, Israel dilag Kayak, Nug atte. “Ag Juda, ag gemu Babilon ele ban hetteb. Ag aab okkaippa daatteb. Babilon ag aab dimittim ag oo mattan aqadkkulagnu maadna daatteb. Ag Israel ag ban hekkulagnu lat, lat doɗo, ban haknu keeke laala ele eppelagppa daatteb, amge da heppi, ⌊Babilon dilag daup ag keeke amu ag eppelagppanu aɗualadna,⌋ ag amuppa ag Juda aqaglag. Amu da heppi, Babilon dilag daup ag aab okkai imu ooppa uɗiglag.

Jeremaia 4:8

Anam bekku amunu, ag lamen heɗiag ele takkanna, ag mahia, gayak okkai ele heig! Aɗinu? Ihinig hipunin haknu amu, Yawenu oo nauhak huanaknab aakku daatte. Ii iitta meum,” awe ami.

Jeremaia 4:6

Ag laa ag ib epponaknu at ib daugppa, o qauko igippa metteb ele, ag danab ah ag Sion ukkak ib anidkkulagnu at amu qappeg! Ag Juda danab ah ⌊Sion nakok guguittak daatteb,⌋ ag paha aab ahilag anen anenppanu, ag ena daaglagnu, ⌊ag aab amuppa⌋ paha oolna ukkeg!” Yawe Nug da anam akkulnu amelppa aum. Yawe Nug anam da amelppa ana malowa, Nug nai tuɗitta aum. “Juda danab ah, ag amu hekkulag diig am inam. Da hei, laa yawalti uɗitteppanu nug eheɗ hadakkunu uɗitte. Nug keeke kuɗum loppaɗeb nauhkkulag ⌊amunu ag padal mena autna aomnanu, ag anam ooleg⌋!” Yawe Nug anam da amelppa aum.

2 Stori 36:17

Ag eheɗ anam heegeg, Yawe Nug he, Babilon dilag king, nuhikkud daup ele ag Juda banelag uɗin, ag Juda dilag nid bau Yawenu mettid lag ooppa qep elabppa aqaeg mauhppig. King nug auntai laanu oo gai-iitta doya oo metta ehanittak kobol ii doyom. Iitta! Nid bautai, o ah bautai, o danab kaino, o danab kainonab, nug ag oh dilagnu oo gai-iitta doya oo metta ehanittak kobol dim lamidkkunu ii dabmeum. Yawe he, ag ohnab Nebukatnesar eppegppa daappig.

2 Stori 36:6

Jehoiakim nug king dayeye, Babilon wanppanu King Nebukatnesar nug nuhikkud daup ele ag banelag uɗin, Jehoiakim, Juda dilag daup ele aqaglagnu ban hena, ag Jehoiakim aɗan, ag aon, Babilon gokkulagnu eppeg baeg ele qakkaknu keeke brasppa hak, ag nug amuppa qagappig

Jeremaia 4:11

Amu uug amu beebeb, Yawe Nug Jerusalem danab ah, Juda danab ah ele amelagppa inam akku. “Danab, nuhikkud daup ele uɗitteb amu, ag am ulah gakkaɗaknab atu taɗakppanu dahilad danab ah daattebppa uɗitte bia uɗitteb, amge ulah amuam danab ah ahilag uɗat hekkulagnu ehanadkkunu ii uɗitte.

Jeremaia 8:10

Ag dahil nai geɗidna, ii dim lamidtteb amunu, da heppi, kekeɗ ag uɗin eɗadna, danab laa ag ahilag wan, ah ele diippeg, ahilkad daaglag. Aɗinu da anam hekkul? Juda danab ah oh, danab onig iitta, danab onig okkai ele, ag oh baubau awaknu hik aqeeqe oitteb. Ao, propet danab, mana mettak danab ele ag hambuppuak kobol dim lamidtteb.

Jeremaia 13:20

Amu ag Juda danab okkai, Jerusalem daatteb, ag amelag human, neegppeg ukkeb, aun aɗi yawalti uɗitteppanu uɗitteb anatteg! Ag danab okkai, ag sipsip gumak danab sipsip nuhig gumadtte bia ag Juda danab ah gumadkkulagnu tituanak daatteb, amge ag Juda dilag okkai, ag ahilkad danab ah gemu adeppa daatteb? Ao, ag akka ag dada nai mattinna, “Ihinkad danab ah am kuɗumnab, ɠagattag ele,” appig, amge gemu danab ah amu ag adeppa daatteb?

Jeremaia 21:7

Yawe Nug anam atte, amge Nug Sedekaianu imu ele atte. ‘Da amu hewoya, da Juda dilag king Sedekaia, nuhikkud ehanittak anuqak danab, amu Juda danab ah ele aab okkai ooppa daan, oɗe nau danab kuɗum aqe mauhttebppa, qep elabppa, enugppa ele ii mauhkkulag amu, da amu oh diie, Babilon dilag king Nebukatnesar, nuhikkud daup ag aqappeg mauhkkulagnu hetteb ele amu, da amu eppelagppa maadkkul. Da amu heppi, Babilon dilag king nug ahilagnu oo gai-iitta doya oo matta ehanittak kobol nakok laa iinab ii hema. Iitta. Nug qep elabppa kuɗum aqadkku,’ awa atte.

Esekiel 16:40

Na anam daappe, laa ag na ele niippig ag heppeg, danab qagmen, hakib hetteb, danab amu ag uɗin, ag menppa oidppeg mauhppe, ag qep elabppa na beɗun otaɗppeg, naunau nekku.

Esekiel 21:31

Da ahilagnu oppoɗi bak eheɗ nau doottem amu, da bu eheɗ madakkul. Ao, da ool eheɗ nauhom, diig amuppa da eheɗ nau hadakkul. Da heppi, danab nau, ag laa guittak mattaglagnu oolag hette ele amu, ag uɗin aɗualadkkulag. Danab amu ag danab, keeke ele heppeg nauhkkulagnu doon autna aotteb.

Esekiel 28:7

da heppi, wan laihnu danab ag uɗin, na ele ban hekkulag. Wanppan wan amunu daup amu, ag am oo doyak ii doyaya nau hak danab; ag kobol amu hekkulagnu laa oh eɗattak. Kekeɗ amu ag uɗin, ahilag qep elabppa nahip keeke ena ena ele, na nahip doyak dabmak ena eleppa aome amu, ag amu heppeg nauhkkulag. Ao, ag banppa nahip keeke enanagnab yaappeg, nauhak daaglag.

Esekiel 31:12

wanppan wan laa, ag am oo doyak ii doyaya nau hak danab, ag kobol amu hekkulagnu laa oh eɗattak amu, huu amu ag ad amu oeg qiia, na qa niieye, uun goppig. Ad amuam elabnab amunu, nug ebekkud qaukoppa, oolnu noakppa ele nena qena niippig. Ge, ebekkud am oolnu noakppa aoɗadna daappig. Wanppan wan oh ag ad amu waappa, nug logoppa daappig amu, ag ad amu uun, laih goppig, ad amu logoppa ii daappig.

2 King 24:1

Haen Jehoiakim nug Juda dilag king dayeye, haen amuppa Babilon wanppanu King Nebukatnesar nug nuhikkud ban danab ele ag uɗin, Juda ele ban heppig. Ag ban hena, nug Juda eɗatta he, Jehoiakim nug waappa dayom. Amge maɗ ewam dimppa amu, Jehoiakim nug Nebukatnesar waappa dayebeb, gumakkunu dabmak eɗue, nug Nebukatnesar waappa daakkunu uua, nug nuhig nai tappe neum.

Jeremaia 30:5

Yawe Nug inam atte. “Danab laa ag danab ah baɗan eegeg dootteb. Baɗak eheɗ nau daatte, maɗoɗ ii daatte.

Joel 2:3

Amu tap-lokus amu ag ukkaegeg, aab ewak keeke ewe, iitta mette, amubia aɗi keeke ag gokkulagppa daatte, ag keeke amu heeg, keeke aab ewak bia daatteb. Ao, ag gotteb baelagppa amu, aab ewa dittia huan attannab taata, keeke ewe iitta mette, amubia daatte. Tap-lokus ag gonana, wan ag gokkulagppa daatte, amuam wan atu enanag, dad Iden bia, amge tap amu gotteb baelagppa, keeke laa ii daatte; atu taɗaknab bia. Keeke laa ii uueg daatte; iitta.