Habakuk 1:5 - Nobonob Baibel

⁵ ⌊Nai amunu amu, Yawe Nug eɗua, nob ma, inam aum.⌋ “Na wanppan wan oolagppa neegna anidna, dabmak huanaknab awe! Aɗinu? Nahip haenppa da keeke laa, danab laa nug na amenppa anam bia ab doolom amu, na ootppa genab ii doolom, amge da hekkul.

Habakuk 1:5 Referans Kwoze

Gayak Nai 4:12

Wan imuppan wan laa oh dilag king, danab ah ele, ag kekeɗ ag Jerusalem ⌊eɗadna, aab amu aoglagnu⌋ ooppa nokkulagnu elele daaglagnu oolagppa genab ii dooppig.

Aisaia 29:14

Ag anam hetteb amunu, da baula kobol okkai okkai, danab hekkunu elele iitta, da kobol amu heppi, danab ah imu ag ottaikkulag. Da anam heppi, danab doyak, dabmak ena ele, ahilag doyak, dabmak ena ele amuam iitta mekku. Ao, da heppi, danab ag doyak okkai ele, ahilag doyak okkai am iitta mekku, baula ii daama.” Yawe Nug anam atte.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Aisaia 29:9

Ag ⌊Juda, ag⌋ dabmak iitta ele oinna, ag dabmak kuɗumnab aotteb! Ag heeg, amelag gaɗue oitteb! Ag kaaka aqe oitteb, amge ag le ɠagattag lappig amunu, ag anam ii hetteb! Ag oinna, nena qena, ahan eɗun nena qetteb, amge ag le ɠagattag lappig amunu, ag anam ii hetteb!

Sepanaia 1:2

Yawe Nug inam atte. “Da heppi, aɗitai keeke laa wan qaɗeppa ii daama.

Daniel 9:12

Na Moses oɗeppa ig, ihinkad danab okkai ele ig hipunin hekkunig dayeb, ig bu okkainab aognig ame amu, na he, nai amu meu o, ig nauhta autta aomut. Uug naunab Jerusalem beum amu, deɗ laa wan atu ohppa uug amubia aab o wan laappa ii beum. Iitta. Jerusalem bu okkainab awom.

Duteronomi 4:27

Yawe Nug lamatteb, ag matatun gona, wanppan wan laala oolagppa daan mauhkkulag; laib laib aakkuib ag bau daaglag.

Habakuk 3:2

O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.