Habakuk 1:4 - Nobonob Baibel

⁴ Laa ⌊ag ɠagattag ele⌋ ag amu hetteb amunu, ɗo ahilagnu aɗi haknu atte amu, laa nug amu ii hette. Nai doya mala hettoɗia epeɗia elele mettak kobol na qeum daye, laa amuppa ehanittak laa ii aotte. Diig amunu nau hak danab ag genab tutukku hak danab eheɗ hattana, babaittaknu ib heeg, keldoak daatte amunu, genab tutukku hak danab ag qakkak daan, keeke laa hekkulagnu elele iitta bia daatteb. Ao, nau hak danab ag anam hetteb amunu, nai doya mala hettoɗia epeɗia elele mettak kobol ii daye, kobol kaliak ele daatte.” Da na amenppa anam awe attem.

Habakuk 1:4 Referans Kwoze

Sam 119:126

O Yawe, na keeke laa hekkutnu haen aakku doum daatte. Danab ah ag nahip ɗo loppaɗtteb.

Job 21:7

⌊Amuam⌋ aɗinu nau hak danab ag kaino mena, bau daan oitteb? Ao, aɗinu ag ɠagattag tuɗidna aon, anam daan oitteb?

Jeremaia 12:1

⌊Da Jeremaia, da Yawe inam unuqidmi.⌋ “O Yawe, haen oh da nai laa, na nai amunu diig appe dookkulnu na amenppa attem amu, na kobol tutukkuppaib mehuqe doottem, amge gemu da na nai doya mala hettoɗia epeɗia elele mettak kobol nahipnu oɗ medakkulnu hettem. Am inam. Nau hak danab ag ena daanna, enub kuɗum aotteb. Da amunu diig ii doottem. Ge, danab ag nahipnu oolagppa genab ii dootteb, na ii dim lamidtteb ele, ag uug laa ii doon, elelenab daatteb. Da amunu diig ii doottem.

Esekiel 9:9

Da anam ai, Nug nob ma, da amelppa aum. “Israel wanppan danab ah, Juda wanppan danab ah ele ag hipunin okkainab heppig daatteb. Juda wan ohppa layag duug wak kobol am ambak daatte. Ge, aab okkai imuppa nai doya mala hettoɗia epeɗia elele mettak ii dim lamittak kobol am ambak aakku daatte. Amunu diig am, Israel ag atteb. ‘Yawe Nug wan imu uua, ippa ii daatte. Ig hettem amu, Nug ii anidtte,’ aon atteb.

Amos 5:12

Aɗinu? Da ahilag tappe naknu ebqak okkai amu, da doottem. Ao, da ahilag hipunin, ag am eheɗ nau amu, da amu ele doottem. Amuam ag genab tutukku hak danab ele kekeɗ madatteb. Ao, ag lokkumakppa eheɗ haknu ehanittak aotteb. Ge, ag ele hettoɗiakppa daɗek danab dilagnu nai doya mala hettoɗia epeɗia elele mettak kobol ii dim lamidtteb.

Hosea 10:4

Israel ag nai hamu hamu maditteb. Ag nai ɠagattag qettan, ag dim lamidkkulagnu ii dabmenan, nai amu atteb. Ag nug tituanna nai qakkak ⌊ele dim lamidkkulagnu ii dabmenan⌋ hetteb. Diig amunu hettoɗiakppa lailkad naippa yaalattak huanak, uud tiig mua nau ele dad okkai wan buuakppa betteb bia betteb.

Aisaia 5:20

Danab ah aun aɗi, ag nau hak kobolnu, “Am kobol ena,” atteb, ag kobol enanu, “Amuam nau hak kobol,” aon atteb, ag gatatunu, “amahlak,” atteb, amahlaknu amu ag, “gatatu,” atteb, ag keeke oɗenig mua qette ele amu, ag amunu, “Ubuhi ena ele,” atteb, keeke ubuhi ena ele amu, ag amunu, “Am mua ele,” atteb, ahilagnu amu gadonnab gadon. ⌊Ag padal mekkulag.⌋

Duteronomi 16:19

Epeɗiak danab ag heppeg, nai doya mala hettoɗia epeɗia elele mettak kobol am kaliak aib dayom. Ag hettoɗiakppa laanu hamu ena hettana, laanu hamu, eheɗ aib heppig. Ag lokkumakppa eheɗ haknu ehanittak aib aoppig. Aɗinu? Kobol anam, amuam he, danab doyak dabmak ena ele dilag dabmak he kaboliattette, genab tutukku hak danab dilag nai ele he kaliak daatte.

Eksodas 23:6

Daɗek danab laa nug hettoɗiakppa dayebeb, ag nai doya mala hettoɗia epeɗia elele mettak kobol dim lamidna heig! Ag nug am daɗek doon, ib amu dim lamidkkulagnu aib uuppig!

Eksodas 23:2

Danab kuɗum ag kobol eheɗ hekkulagnu dayeb amu, ag laa ag ahilag kobol amu aib dim lamidppig! Aria, haen danab kuɗum ag hettoɗiakppa ahan, nai doya mala hettoɗia epeɗia elele mettaknu kobol heppeg na qekkunu nai kuɗum madippeg amu, ag laa, ag amu dilag nai am aib dim lamidppig! ⌊Iitta. Ag nai tutukku aakkuib mattieg!⌋

Rom 3:31

Amunu ig ooppa genab doyak amuppatai ɗo qeut neumte? Iittanab! Ig ɗo aakku qappamut daatte.

Aposel 7:59

Ag men aon, Stiven makkuɗegeg, Stiven nug unuqitta aum. “Naɗi Jesus, da ouɗil na eppenppa aokkutnu oɗ medattem,” awa aum.

Aposel 7:52

Amu propet aun laa dayom, ag mamelkad aɗi ag nug eheɗ iite hedappig? Laa iitta. Anukka propet ag Genab Tutukku Hak Danab uɗikkunu nai amu mehuqegeg, ag mamelkad aɗi ag ag aqatteg mauhppig. Aria, Genab Tutukku Hak Danab Nug uɗie, ag gemu daatteb amu, ag Nug aon, kekeɗ eppelagppa mena heeg, Nug mauhom.

Mak 7:9

Jesus Nug anam ana amu, Nug nai baula tuɗitta aum. “Ag ahilag dabmak anukkanu dim lamidkkulagnu, Kayaknu ɗo tabappeg nekkunu doon autna aotteb.

Sam 94:3

O Yawe, nau hak danab ag eheɗ hena, gamag ahak huananab dootteb; amu haen gane laa ele ukkebeb, am anam daakku? Ge, haen gane laa ele ukkebeb, ag anam hekkulag?

Sam 59:4

Da ahilagnu aɗitai eheɗ laa ii hemi, amge ag da iuppeg mauhkkulnu bappaidtteb. O Yawe, na ahan, da ehaniɗkkutnu oɗ medattem! Na ag dahilppa aɗi hekkulagnu hetteb amu antte!

Sam 59:2

Na heppe da laa ag nau hetteb ele eppelagppa ii daapanu oɗ medattem. Ao, laa ag gamag ahak doon, danab aqadtteb ele, na da ehaniɗppe, dahilppa anam hemananu unuqidttem.

Amos 5:7

Ag laa ag nai doya mala hettoɗia epeɗia elele mettak kobol aon kabolin heeg, uud ad tiig mua ele bette. Ao, ag genab tutukku hak kobol aon buɗieg, wanppa nette; ahilagnu am gadonnab!

Jeremaia 26:8

Jeremaia nug keeke oh Yawe nug akkununab aum danab ah oh amelagppa mattia male amu, mana mettak danab, propet, amu danab ah oh ele ag oh dona, nug aɗana, “Na mauhkkutoitte,” aon appig.

Jeremaia 12:6

Na ele tiig laippu, awanad, amapad, appinamad aɗi, ag ele na dimettan, eheɗ heidkkulag. Ag laa na eheɗ heidkkulagnu hekkulag amu, ag ag oolagppa daanna, ag ele anamib hekkulag amunu, ag nahipnu deɗ laala ena mattiglag dayeb amu, na ahilagnu ootppa genab aib doome.

Sam 22:16

Kekeɗ dahil ag qai ameg laa bia, ag da taliliɗppig daatteb. Yo, nau hak danab ameg laa, ag da taliliɗna daatteb. Laion danab beɗu emale nauhtte, amubia ag da eppel, bael ele heeg nauhppig.

1 King 21:13

Meeg dayeye amu, ⌊ag⌋ danab nau aɗit ⌊aeg dooya,⌋ Nabot dayom gukkuidya goya, heɗep neya daayya, aa danab ah oh daaegeg noolagppa daayya, aa Nabot nug Kayak, amu king ele aa eheɗ laa awaknu anak waappa daaglahnu aum apiɗ. Ayaya, Nabot beɗuppa yaapiɗ. Amu danab ah nai amu doon, ag ahan, Nabot aɗan, aon aab okkai dimittim gona, menppa makkuɗeg mauhom.

Sam 22:12

Dahil kekeɗ ag da makau dawai kuɗum danab talilidna daatteb bia heppig daatteb. Yo, ag wan onig Basannu makau dawai ban paha paha hetteb danab talilidna daatteb bia taliliɗppig daatteb.

Aisaia 59:12

Aɗinu ig amu ii anidttem. Ig hipunin kuɗumnab hetat oitut, na, Yawe, na hipunin amu oh anadttem. Ao, danab hettoɗiakppa layag eheɗ heumnu atte amu, ihinig hipunin ag ihinignu na amenppa anam bia hetteb. Eheɗ hak ihinig am laa nug he ii iitta meppig; amu ihinigppa ina daatteb. Ao, ig hipunin digdig hemut amu, ig amu aakku doottem.

Jeremaia 8:7

Stok nug oug haen uɗitte doya, nug aha, hagagɗa, laih oug haen iittappa gokkunu dootte. Ao, uppuɗil beɗulag nakok, ai swipt, amu trus ele, ag ele anam dootteb. Ai ag anam dootteb, amge dahilad danab ah ag ɗo da, Yawe, da ag dim lamidkkulagnu mattami ii dootteb.