Genesis 9:22 - Nobonob Baibel

²² Anam niieye, Kanan mameg Ham, nug mameg anam peh lagppa niieye antta, nug dimittim ukka, Sem, Japet ele amelahppa aum.

Genesis 9:22 Referans Kwoze

Prowerb 30:17

Laa nug mameg awa awa qedatte; anig oɗe dim lamidkkunu, ‘Am keeke hamunab,’ dootte amu, alɗal nug ameg oolnu noakppa ya lakku. Ao, kaub ag nug beɗu lakkulag.

Galesia 6:1

O lailad, danab laa nug hipunin laa heeb, ag anidna amu ag danab ag Kayak Ouɗi ele, ag danab amu eɗun aoglagnu nai bodoettak eleppa oo babaitteg! Ag aib nuhignu guhuɗittak kobol heppig. Ag oh anen anen ahilagnu dabmeig! Satan nug ag ele eheɗ hekkulagnu oolag eeɗkkunu daatte.

1 Korint 13:6

Danab nug oo mauhak dootte ele, nug kobol eheɗnu enanagnab ii dootte. Iitta. Nug kobol doyak diig genabibppanu, nug amunuib maɗoɗppan gamag ahak dootte.

Matyu 18:15

Amu laa ele, na layap nug nahipnu eheɗ heeb amu, na goppe, aa aya daayya, nuhig eheɗ hak amu ippunidkkut. Ippunidppe, nug nahip nai dookku amu, nug na layap daakku.

Sam 70:3

Ge, na heppe, danab laa ag dahilnu awa awa qettak nai naunab maditteb ele, ag uɗa nak nau aon anidna, eheɗ ottaippeg, ag uɗa nak nau aon malappignu bittumttum gona nau anidkkulagnu ool daatte.

Sam 40:15

Ge, na heppe, danab laa ag dahilnu awa awa qettak nai naunab maditteb ele, ag uɗa nak nau aon anidna, eheɗ ottaippeg, ag uɗa nak nau aon malappignu dabmak aqakkunu ool daatte.

Genesis 10:6

Ham bekkod am Kus, Misraim, Put, Kanan ele.

Prowerb 25:9

Na, na nahip mudippan laippu ele aa ahilah nai bappaidkkulahnu hettep dayeb; aa madipiɗ ele amu, na nai aib heppe otalom.

1 Stori 1:8

Ham bekkod am Kus, Misraim, Put, Kanan ele.

Genesis 9:25

Doya amu nug aum. “Da Kanan eheɗ laa awaknu anak waappa daakku ool daatte. Amuam da nug, nug mamekkud baelkadppa dilag begbeg maɗi nid onig iitta daakkunu ool daatte,” awa aum.

Genesis 9:23

Aum amge Sem, Japet ele aa lamen gukkalahppa aɗaeh, dimulahppa dayeye, dimtim peh lag ooppa goya, mamelah tonapiɗ. Aa mamelah beɗu miag anttaknu oolah ii dayom amunu, aa dimtim goyaya, ele ii neegpiɗ.

Habakuk 2:15

Danab nug nuhikkud mudippan laippu ag beɗulag miag daappeg anidkkunu le ɠagattag huan gokkaɗe no, matte laegeg, kaaka aqe, lamen uɗatteb amu, nuhignu gadonnab gadon.