Genesis 6:14 - Nobonob Baibel

¹⁴ Da anam hekkul amunu, na ad saiprus aona, ad amuppa na uub nahip itakkut. Uub ooppa dayak aben aben hattona, ooppa, dimittim ele na kol tar laitte!

Genesis 6:14 Referans Kwoze

1 Pita 3:20

Ouɗi amu ag am danab anukka Noanu haenppa Kayak oɗe dim ii lamitteg, Kayak Nug pahanab ahilag nob nau madakkunu ii dabmeum. Iitta. Nug oo bodoettak dayeye, Noa nug uub itom. Uub amuppa amu danab ah eblaih ewam ele ag akka ooppa nona daanna, ag danab ah nau ele ouqena, ag ele padal memananu ag leppa ehanittak aoppig.

Luk 17:27

Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, amu heegeg ukke, Noa uubppa teum. Danab ah ag anam heegeg, le hiɗ naɗi ba, danab ah amu ohnab diie padal meppig.

Matyu 24:38

Hiɗ naɗi ii beum haenppa danab ah ag ee lanana, le lanana, ewau matulak aona, ah nug mettanna, anam heegeg ukke, Noa uubppa teum.

Eksodas 2:3

Amge kalam ewam uue, haen nug nid amu lokkumeb daakkunu am elele iitta antta amu, nug kaleg laa papairusppa akkak, nug amu laa awa, nug gau hinqak ɠagattag diig aɗit awa, laittom. Laittowa, nug nid awa, kaleg ooppa ina, nug awa noa, Nil le daugppa qao ooppa me dayom.

Genesis 6:13

Antta amu, Kayak Nug Noa amegppa aum. “Danab ah ag heegeg, laa guittak nau mauhnoak mettak kobol am wanppa ambeum daatte amunu, da heppi, danab oh ag iitta mekkulag. Genab da heppi, danab oh, wan ele padal mekkulag.

Genesis 6:15

Aria, uub amunu amu, na inam ite! Elab nuhig amu 140 mita. Emaitak nuhig amu 23 mita. Attan tak nuhig amu 13.5 mita maha ele.