Genesis 6:12 - Nobonob Baibel

¹² Danab ah ag kobol nau uɗig wak ele henan daappig amunu, Kayak Nug neekkakka, Nug danab oh ag akka ahilag dabmak dim lamidnana, kobol nau uɗig wak eleib heegeg anttom.

Genesis 6:12 Referans Kwoze

2 Pita 2:5

Amu Kayak Nug he, Noanu haenppan danab laa ohnab iite padal meppig? Yo, Noa, nug am genab tutukku hak kobolnu mehuqak danab amu, Kayak Nug nug, amu eblaih aɗit ele laa ag akka aakkuib atognoattom; danab laa oh, ag am Kayaknu nuhig haknu ele uuak danab amu, le hiɗ naɗippa padal meppig.

Prowerb 15:3

Yawe Nug keeke oh anidtte; Nug nau hak danab, ena hak danabnu ele neekka auta aotte.

Job 33:27

Danab Kayak bu amu mettom ele amu, nug eɗua, ena daya, nug laikkud amelagppa atte. ‘Da hipunin hemi. Da aɗi kobol am tutukku doomi, amge da uuen, eheɗ hein, da nob nau awen mauhkkulnu daami, amge Kayak ehaniɗe, da ii mauhmi.

Genesis 7:1

Noa nug Kayak hekkununab aum bia ha male amu, Yawe nug Noa amegppa aum. “Da nahipnu amu, na am danab gemu daatteb oolagppa genab tutukku hak danab daattem anidttem amunu, na, na baenadppa ele, ag uub ooppa noig!

Genesis 6:8

Amge Noa nug Yawe noobppa ena dayom.

Luk 3:6

Ag anam heppeg, danab ah oh geha Kayak Nug ig eɗua awigkkunu uɗat heeb anidkkulag,’ ” awa aum.

Genesis 18:21

amunu, da noin anidkkul. Da ag hipunin naunab huanak hetteb nai doomi ele amu, nai amuam genabte o iittate. Iitta amu, da dookkul,” awa aum.

Genesis 9:12

Kayak Nug nai anam anana, Nug nai laa tuɗitta aum. “Da dahil di apinak lombigppa mettem. Amuam ag danab ahilagnu, doɗ oh dilagnu ele, nug tituana nai qakkak nai dahilnu at daatte. Nug tituana nai qakkak nai amuam hanhannu, iitta ii mema.

Genesis 7:21

amunu keeke bau wanppa oippig am mauhppig; amuam ai, doɗ aabppanu, doɗ dakkuɗ, doɗ naunau huanaknab wan qaɗeppa oitteb, amu danab ele, ag oh mauhppig.

Genesis 6:13

Antta amu, Kayak Nug Noa amegppa aum. “Danab ah ag heegeg, laa guittak nau mauhnoak mettak kobol am wanppa ambeum daatte amunu, da heppi, danab oh ag iitta mekkulag. Genab da heppi, danab oh, wan ele padal mekkulag.

Genesis 18:20

Yawe Nug anam ana amu, Nug ⌊Abraham amegppa⌋ aum. “Da Sodom, Gomora danab ah ele ag hipunin naunab, huanak hetteb, da amu daulppa doomi