Genesis 6:11 - Nobonob Baibel

¹¹ Noa nug anam dayeye, wanppan danab ah laa oh amu, ag Kayaknu neekkakppa kobol nau uɗig wak ele heegeg, laa guittak nau mauhnoak mettak kobol am ele wanppa ambak dayom.

Genesis 6:11 Referans Kwoze

Esekiel 8:17

Da amu anitti, Kayak Nug da amelppa aum. “Danab bekka, na kobol nau ag hetteb amu, na aakku anidme. Juda buɗub ag ippa kobol laala, da kobol amunu oolppa uuaknab doottem ele, ag amu oh hetteb. Ag hetteb amu, amuam keeke hamu iitta. Ag amu hetteb, amge amuib iitta. Ag heeg, Juda wan ohppa layag guittak nau mauhnoak mettak kobol ambak daatte. Ag heegeg, da oppoɗil bette. Ag eheɗ naunab nau hena, aon aon niɗan, amu tuɗittak okkainab hetteb.

Habakuk 2:8

Ag amu hekkulagnu diig am, na ban hena, wanppan wan kuɗumnu danab ah dilag keeke aome amunu, wan amuppanu danab ah laa ii mauhppig amu, ag ban hena, nahip keeke eɗun aoglag. Na danab ah kuɗumnab aqe mauhatteg, na hee, ahilag wan, aab keeke ele nauhak daappig amunu, ⌊ag nahip-ppa anam hekkulag⌋.

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Rom 2:13

Danab ag daulagppaib ɗo am hamu bia dootteb ele, ag amu Kayak amegppa genab tutukku hak danab ii daatteb. Iitta. Danab ag ɗo dim lamidtteb ele, danab amuib geha Kayak Nug ahilagnu, “Genab tutukku hak danab,” awa akku.

Esekiel 28:16

Tair dilag okkai, na keeke kuɗum kuɗum mee, laa uɗin daden meegeg, na en huanak aona, na laa guittak nau mauhnoak mettak danab beme; na hipunin heme. Na heme amunu, da Kayak, da lamitti, na uɗa nak nau guittak ele qauko da daattemppanu ahan gome. Ao, da hei, na, na engel okkai-kerubim keeke gumadtteb bia daame amu, da hei, na da daattemppa, men amahlak okkai ele, aab dittiak bia daatteb, na amuppa ii daame.

Aisaia 60:18

Da amu heppi, ag wanelagppa laa nug layag eheɗ ii hetama. Ao, laa nug ag oolagppa danab, o keeke laa heeb ii nauhma. Amu ii daama, kobol enaib daakku. Ag aab okkainu aɗ onig, ‘Yawe Nug ehanikke, ig padal ii memut,’ ataɗkkulag. Amu ag aɗnu od onig, ‘Ig Yawe binag metu!’ ataɗkkulag.” Yawe Nug anam atte.

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Habakuk 2:17

Lebanon appa na laa guittak nau mauhnoak mettak kobol heme, amu diig amunu na nauhkkut. Ao, appa na doɗ ge iitta hamu hamu aqadme, amu diig amunu na baɗak eheɗ nau dookkut. Aɗinu? Na danab aqatte, ag tiilag ne, na wan, aab ele hatte nauheg, danab ah appa daappig ele padal meppig.

Habakuk 1:2

Habakuk nug Kayak amegppa inam unuqittom. “O Yawe, da na ehanigkkutnu haen elab unuqittette daami, gemu ele hettem, amge na da oɗelppa ii aottem; amu haen gane laa ele ukkeb, na da oɗelppa aokkut? Da na amenppa, ‘Laa ag laa dilagppa guittak nau mauhnoak mettak kobol dim lamidna, eheɗ heigtteb,’ attem, amge na ii ehanigttem; amu haen gane laa ele ukkeb, na ig ehanigkkut?

Sam 140:11

Na heppe, danab ag laa onig nauhkkunu nai nau maditteb amu, ag ihinig wanppa ii daamnanu oɗ medattem. Na heppe, uug naunab, danab ag laa guittak nau mauhnoak madatteb ele, am ag qaɗelagppa nekkunu unuqidttem.

Sam 55:9

Naɗi, da kobol laa, laa guittak nau mauhnoak mettak, amu nug mehqak ele, da amu aab okkaippa daye anidttem. Anam amunu, na nau hak danab amu hadappe nauhkkulagnu oɗ medattem. Ao, na heppe, nau hak danab amu ag ahilag nai laippu ii daamanu unuqidttem.

Sam 11:5

Yawe Nug genab tutukku hak danab, nau hak danab ele oh epeɗiadtte. Ao, Nug laa ag lailkad guittak nau mauhnoak mattaknu oolag hette ele, Nug ahilagnu nau ninig ele dootte.

Genesis 13:13

Amu Sodom danab ag nau hak danab. Ag Yawe noobppa hipunin kuɗum, okkai ele henan oidttappig.

Genesis 10:9

Keeke laa amu, nug Yawe noobppa hikan danab okkai dayom amunu, haen amu dimppa ag danab laippu laippu dilag inam adappig. “Nug amu, nug Yawe noobppa hikan danab okkai, Nimrot bia,” aon adappig.

2 Stori 34:27

‘Na nai laa, nai amuppa uug naunab wan imuppa, wan imunu danab ah ele dilagppa bekkunu daatte doon, na uug doon, na nakka na da, Kayak, na da noolppa na onin qe ne, na nahip lamen elab pattiɗna, da noolppa amen leb neum amunu, da nahip unuqittak doomi.’ Yawe Nug anam atte.

Genesis 7:1

Noa nug Kayak hekkununab aum bia ha male amu, Yawe nug Noa amegppa aum. “Da nahipnu amu, na am danab gemu daatteb oolagppa genab tutukku hak danab daattem anidttem amunu, na, na baenadppa ele, ag uub ooppa noig!

Genesis 6:10

Amu Noa nug nid danab ewam ele; ag am Sem, Ham, Japet ele.

Eksodas 32:7

Ag amu heegeg amu, Yawe Nug Moses amegppa aum. “Na paha no! Aɗinu? Danab ah nahipad, na ag Isipnu diin uɗime ele amu, ag kobol ena iitta uɗig wak ele hena, da dimeɗappig.

Duteronomi 31:29

Aɗinu da anam hekkul. Da doottem, da mauhppi amu, ag kobol diig ena iitta, uɗig uuak ele hena, ib da ag amelagppa hekkulagnunab ami amu apiɗna gokkulag. Ag butti aɗi nau anam hebeppeg, diig amunu Yawe Nug oppoɗi beeb, uug naunab ahilagppa nekku.” Moses nug Israel amelagppa anam aum.

Ikki Danab 2:19

Amge epeɗiak danab anen anen ag mauheg amu, danab ah ag eɗun, hak naunu ibppa wana, ag kobol diig ena iitta uɗig wak ele mamelkad aɗi hedappig, amu eɗittak henana oippig. Ag kayak laala dim lamadna, ag waalagppa daan, ag oɗelag dim lamidna, ag noolagppa dup nona binalag ele meppig. Ag ahilag eheɗ hak ii uueg, ag Yawe oɗe dim lamidmananu, ahilag dabmak ɠagattag eppom.