Genesis 50:26 - Nobonob Baibel

²⁶ Nug anam ana amu, nug maɗ 110 dayaya, nug mauhom. Mauhe, Isip gaɗa babaittak danab ag marasin gaɗappa mena, bokisppa inaeg, Isip wanppa dayom.

Genesis 50:26 Referans Kwoze

Josua 24:29

Amu heum dimppa, haen elab iitta amu, Josua, Nan Bekka, Yawenu maɗi nid, nug maɗ 110 ele dayaya mauhom.

Genesis 50:22

Aria, Josep, nug mameg baekkudppa ele Isip wanppa daanna, nug maɗ 110 awom.

Genesis 47:28

Ag wan atu onig Gosen aon daanna, Jakop nug maɗ 17 baula appa Isip wanppa daye, maɗ nuhig oh am 147 dayom.

Genesis 47:9

Oɗ mette amu, Jakop nug Paro amegppa aum. “Dahil maɗ amu, da mamelad aɗi dilag maɗ bia iitta. Dahil amu 130 aakkuib. Da wanppa oiyeye amu, da uug kuɗum anidmi,” awa aum.

Eksodas 1:6

Dimppa Josep, nug awakkud amag ele, ag ahilkad menuattak huu laippu bia ele amu, ag oh mauhppig,

Genesis 25:7

Amu Abraham nug maɗ 175 dayaya,