Genesis 50:23 - Nobonob Baibel

²³ Nug Epraim dokkiab anttom. Amu Manase bekka onig Makir, nug bekkod menuatte, Josep nug diie, nug baekkudppa ele daappig.

Genesis 50:23 Referans Kwoze

Namba 32:39

Manase bekka Makir buɗub ag Gileat wanppa goppig. Ag gona, aab amu aona, ag Amo danab ag appa daappig ele lamadppig.

Job 42:16

Aria, amu dimppa amu Job nug maɗ 140 baula wanppa dayom. Nug dayaya, nug bekkod anattatta, nug bekkod bekkalkad anattatta, nug alakkud amu bekkalkad anattatta, amu nug dokkiappud bekkalkad ele anattom

Genesis 30:3

Jakop anam a, Rahel nug aum. “Maɗi ah dahil Bilha iikku daatte, aa ⌊ewau matulya⌋ oiyya, nid dahil menukku. Da nuhigppa nid ele daakkul,” awa aum.

Sam 128:6

Na haen elab daanna, alanad anadkkutnu ool daatte. Ao, Israel oo maɗoɗppa daakkunu ool daatte.

Josua 17:1

Josua nuhig ehanittak ele ag om ena yaakppa Israel dilag huu okkai Manase mahaib wan madappig. Aɗinu? Danab ag Israel dilag huu okkai amunu amu, ag am Josep bekka naanaeg, Manase, nug buɗub. Moses nug Gileat, Basan ele matu Jodan le laih kaɗag uɗitteppanu Makir buɗub mattom. Aɗinu? Nug ⌊bia, nug buɗub ag⌋ am ban danab ɠagattag. Makir nug am Manase bekka naanaeg, nug am Gileat mameg. ⌊Amu Makir buɗub ag am Israel dilag huu okkai Manase mahaib laa aakku.⌋

Namba 32:33

Ag anam aeg amu, Moses nug Amo dilag king Sihon, amu Basan dilag king Og ele, ahilti wan amu Gad buɗub, Ruben buɗub, amu Israel dilag huu okkai Manase mahaib, Manase nug Josep bekka amu, nug ag mattom. Nug wan amu, wan amunu aab okkai, amu wan aab okkai amu taliliattom ele ag mattom.

Genesis 48:19

Josep anam aum, amge Jakop nug nai nuhignu dab-ii-metta, nug aum. “O bekkal, nug nid danab naanaeg amu, da doottem. Geha nug buɗub ele elab bekku, amge nug dimugppa amu, nug buɗub ag laanu buɗub eɗadna, appatna elabnab bekkulag,” awa aum.

Genesis 49:12

Juda nug danab beɗuppa oɗe laa iitta, nug amubia daakku. Ao, nug danab beɗuppa enanag dootte, nug anambia daakku.

Genesis 50:22

Aria, Josep, nug mameg baekkudppa ele Isip wanppa daanna, nug maɗ 110 awom.

1 Stori 7:14

Manase buɗub am inam. Manase wau amge waunab iitta am Aram ah. Manase, ah amu ele aa bekkalti am Asriel, Gileat mameg Makir ele.

Prowerb 17:6

Alalkad nid daatteb, ag am alalkad kaino dilag king haɗ bia daatteb; amu nid ag anilkad mamelkad dilagnu, “Ag binalag ele,” dootteb.