Genesis 5:22 - Nobonob Baibel

²² Metusela doum dimppa amu, Enok nug maɗ 300 baula dayeye, Kayak ele oittapiɗ. Haen amuppa nug bekkod aɗekkud laala ele, ag doppig.

Genesis 5:22 Referans Kwoze

1 Tesalonaika 2:12

ig oo ɠagattag qaknu nai ag amelagppa mattitta, ig oo maɗoɗ dayaknu nai ele mattitta, ig ag Kayak Nug oo niitte bia elele oiglagnu nai mattamut. Kayak Nug, Nug ag nuhig ɗo maɗoɗppa, binag amahlak oppiaawak nuhig ele aon daaglagnu ag onilagppa ette.

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Malakai 2:6

Tatam haen, haen amuppa Lewi nug Israel danab ah amelagppa nai doyak diig genabibppanu, da nug anam ippunadkkunu ami ele, nug nai amu ag amelagppa mattiom. Nug hambuppuak nai laa ii mattiom. Nug da ele maɗoɗ ele oiɗa, nug genab tutukku hak kobol ele dim lamittom. Nug he, danab ah kuɗum ag hipunin ii heppig.

Genesis 6:9

Noa, nuhig hak amu inam. Noa nug wanppa dayom, haen amuppa nug danab ah oolagppa nug genab tutukku hak danab dayaya, Kayaknu neekkakppa danab ooppa kaliak laa iitta ele oiyeye, Kayak ele oittapiɗ.

1 Jon 1:7

Amge Nug nukka amahlakppa daatte, amubia ig amahlakppa oittem dayeb amu, ig oh nug oo laippu ele nug doya dayakppa daattem, amu Nug Bekka Jesus, Nug tiig ihinig hipunin oh mihehe, ig oppiak daattem.

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Sam 116:9

⌊Yawe Nug da ehaniɗe, da ii mauhmi amunu,⌋ da Nug noobppa danab bauklel daatteb, da ag oolagppa daattem.

Lewitikas 26:12

Da geha ag oolagppa oikkul; da ahilag Kayak daakkul, ag dahil danab ah daaglag.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.

1 Tesalonaika 4:1

Ao ig lainkad, ig kobol Kayak oo niitte bia, ag amuppa oiglagnu ippunadmut amu, ag amu dim lamidtteb. Gemu amu, ig Naɗi Jesus onigppa ag huana dim lamidkkulagnu ahilkad dabmak maɗedattem.

Epesus 5:15

Amunu ag oiyak ahilag dabmettan autna aona, danab oolagppa doyak dabmak ena ele daanna oiyeg! Ag danab oolagppa, ag danab doyak dabmak ena iitta ele aib daappig, amubia aib oippig.

Genesis 48:15

Nug anam hewowa amu, nug ⌊nid aɗit itittak ena inam mata, amuppa nug ele⌋ Josep itittak ena mettom. Nug itittatta aum. “Kayak, da mamel Aisak, da alal Abraham ele Nug noobppa oittapiɗ; Kayak, Nug da bau dayak dahil oh gumiɗaɗa ehaniɗom, gemu ele ehaniɗtte;

Genesis 24:40

Da anam ai amu, nug aum. ‘Yawe Nug da ele oittep amu, Nug engel nuhig meeb, na ele goya ehanidkku amunu, na da mamel buɗub, aab ikki dahilppa ah aokkutnu elele.

Kolosi 4:5

Danab ag Nai Enanu oolagppa genab ii dootteb ele, ag Kolosi danab ag danab amu oolagppa oinna, ag akka ahilag oiyaknu dabmena autna aonna, ag uɗat ena hekkulagnu laa dayeb anidna, ag aib uuppig. Ag haen aguppanab heig!

2 Korint 6:16

Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”

Rom 8:1

Amunu danab ah ag Kristus Jesusnu daatteb, ag hipuninnu nob nau aoglagnu ii daatteb.

Aposel 9:31

Aria, amu dimppa amu, laih Juda appa, Galili appa amu Samaria ele, aben amu ohppa haen amuppa Kristen tamaniakppa maɗoɗ dayom. Kayak Ouɗi danab ah amu ehanatta ag oolag ɠagattag qe, ag Naɗinu ebehilag oh bodoetta le meeme, danab ah kuɗum ag Kristen tamaniak ooppa noppig.

Maika 4:5

Anam amunu, danab ah wan atu laih ohnu, ag ahilkad kayak hambuppuak onigppa oiglagnu oolag heeb, anam oiglag, amge ig Yawe, ihinig Kayak, ig Nug onigppa hanhan oignig.

Amos 3:3

Danab aɗit laa aa oolah laippu iitta ele, aa oh laippu oiglahnu elelete? Iitta!

Hosea 14:9

Laa ag danab doyak dabmak ena ele, ag keeke imu ohnu diignu doyak tutukku aweg! Ao, laa ag oo maittak awaknu ehah aoppig daatteb ele, ag keeke imunu diignu doyak tutukku aweg! Aɗinu? Yawenu ib amu genab tutukku ele, amu genab tutukku hak danab ah ag amuppa daanna oitteb; amge nai tappe nak danab ah ag amuppa taataɗ qetteb.

Solomonnu Ahi 1:4

Na da omaiɗna gokkutnu ool okkai daatte. Ahappe, ii paha goɗu! O king dahil, na da omaiɗna, lag oo na daattem, amuppa gokkutnu ool daatte. Da na king, da nahipnu gamag ahak naɗi doottem, nahipnu enanagnab doottem; da wain enanag lain, “Wain amuam lanak baag ubuhi enanag,” attem, amge na king, na dahilnu oo mauhak okkai doottem amunu, da wain enanag binag mettem, amu eɗittak, da na binan okkai, attannab mettem. O dahil danab, ah bau na waatad daatteb, ag nahipnu oolag mauhtte amu, ag tutukku hetteb.

Sam 128:1

Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

Sam 86:11

O Yawe, da nahip doyak diig genabib dim lamidkkulnu amu, na nahip ib ippuniɗkkutnu oɗ medattem. Ao, da nahipnu ebehil oh bodoetta le mekkunu na heppe, da na dim lamidkkulnu oo laippu dayak dayeye oikkulnu unuqidttem.

Sam 56:13

Da anam hekkulnu diig am na hee, da ii mauhmi. Ao, na hee da nein ii qemi. O Kayak, na dahil amahlak, na da bau dayak meɗattem; da na oot hette bia wanppa dayeye oikkulnu, na dahilnu anam heme.

Sam 26:11

Amge da amu, da oolppa nahip neekkakppa kobol kaliak laa iitta ele dayeye oittem amunu, na dahilnu oot gai-iitta doon oot meɗan ehaniɗna, da qagaiettakppanu eɗua uhuqak hekkutnu oɗ medattem.

Sam 16:8

Da haen oh bau dayeye, Yawe neekkidttem. Yawe Nug hanhan ouiwa daatte anidttem. Nug da ele ouqeɗa, ɠagattag meɗatte amunu, keeke laa da ii uɗaliɗma.

2 King 20:3

“O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

1 King 2:4

Amu na Yawe oɗe dim lamidkkutnu diig laa am, na Nug waappa daappe, Nug anukka dahilnu keeke laa hekkunu da amelppa nai ana qakkom, am heeb bekku. Nai qakkak amuam inam. ‘Nahip nid ag ahilag oiyak atognokkulag dayeb, ag oo metta ii uuak kobol dim lamidna, da noolppa tutukku oiglag dayeb amu, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag.’ Yawe Nug anam aum amunu, Solomon, na nuhig nai amu, na oh ena tutukku dim lamidppe, Yawe Nug nuhig nai ana qakkom amu, Nug ii loppaɗma. Iitta.

Duteronomi 28:9

Ag Yawe, ahilag Kayak, ag nuhig nai haknunab anak dim lamidna, ag nuhig kobolppa oiglag dayeb amu, Yawe Nug heeb, ag nuhignu, oppiaawak ele daan, ag danab ah nuhignab daaglag. Nug amu hekkunu nuhig nai ɠagattag qetta aum amu, Nug anam hekku.

Duteronomi 13:4

Ag Yawe, ahilag Kayak, ag Nug dim lamidnana, ag Nug aakkuib, ag nuhignu ebehilag oh bodoetta le maɗ! Ag nuhig haknunab anak nai dim lamidnan, Nug waappa daan Nug oɗe dim lamidnana, ag Nug guguittaknab dayeg!

Duteronomi 5:33

Ag wan ag nona aon daaglagnu hetteb amu, ag amuppa nona bau daaglagnu, ahilagppa ena, elele ba daakkunu, ag haen elab wan amuppa daaglagnu, ag Yawe, ahilag Kayak, Nug ag ib adekkuppa daaglagnu haknunab aum amu dim lamitteg!

Eksodas 16:4

Ag anam aeg, aria Yawe Nug Moses amegppa inam aum. “Da geha heppi, ee habppanu na qeeb, ag aoglag. Deɗ laib laib anen anen danab ah ag gona, deɗ amunu ee aakkuib ag aoglag. Da geha ag ee madakkul, kobol amuppa da ag ma anttak madappi, ag nai dahil dim lamidkkulag, o iitta am, da dookkul.

Genesis 5:24

haen amuppa nug Kayak ele oiyya, Kayak Nug Enok awom amunu, nug wanppa baula ii dayom.

1 Korint 7:17

Anam amge, danab anen anen ag dayak atten, Naɗi Nug ag amuppa daan oiglagnu maatta, anamppa daaglagnu onilagppa eum amu, ag anam daan oiyeg! Da Kristen tamaniak ohppa ɗo amu laippu aakkuib madattem.

Genesis 5:21

Enok nug maɗ 65 dayeye, nug bekka onig Metusela doum.

Genesis 5:23

Enok nug maɗ 365 dayeye,