Genesis 49:24 - Nobonob Baibel

²⁴ Amge nuhig lat ii hahaɗom. Ao, nug eppeg laih laih oh am enaib daapiɗ. Laa Ɠagattag Okkai Ele, nuhignu amu, da, Jakop, da Nug binag mettem amu, Nug nug ehanidtte. Ao, Sipsip Gumitta Danab Ena, Nug kekeɗ nuhikkud danab aqamnanu ehanittak daatte, Nug nug itittak ena medatte.

Genesis 49:24 Referans Kwoze

Sam 132:2

Dawitnu amu, nug keeke laa hekkunu Yawe noobppa nuhig nai ɠagattag qetta aum. Ao, nug Laa Ɠagattag Okkai Ele, Jakop Nug binag meum ele amu, nug Nug amegppa keeke laanu genabnab hekkunu nai ana qakkom. Nug inam aakku Kayak amegppa aum.

Aisaia 28:16

Ag anam atteb amunu, Naɗi Yawe Nug inam atte. “Antteg! Da geha Sion appa men ɠagattag, men enanag laa, ukku ɠagattag daakkunu ebappi dayebeb, ag amu qaɗeppa keeke oh heppeg tekku. Amu aun laa nug nuhignu ooppa genab dookku amu, nug ɠagattag, ena daakku.

Sam 132:5

Da anam ii heppi ukkeb ukkeb, da aben laa, da appa Yawenu mettid lag hekkulnu anttoya, da eɗuen lakka ukken niikkul. Ao, da Laa Ɠagattag Okkai Ele, Jakop Nug binag meum ele amu, da nuhig lag daakkunu aben anttoya, da eɗuen lakka ukken niikkul.” Dawit nug anam aum.

Sam 80:1

O na ig Israel, na ihinig gumitta danab, na sipsip gumitta danab nug sipsip ameg laa diia, laih gotteb bia na ig Israel anuqna gonana omaigttem amu, na ihinig unuqittak imu dookkutnu oɗ medattem. Na sia king nahip-ppa engel okkai-kerubim aɗit dottolah gamalahppa daattem amu, na heppe,

Sam 18:30

Kayaknu amu, nuhig hak am, qa oppiaawak ele. Ao, Yawenu nai am enaib; hambuppuak, o kaliak nakok laa nuhig naippa ii daatte. Ge, Nug danab aun aɗi laa ag padal mak eɗitteb ena dayaknu abenppa daaglagnu nuhigppa uɗitteb amu, Nug ahilag guppiɗ daatte.

Job 29:20

Da ɠagattagib dayeye daakkul. Ge, dahil lat am da eppelppaib daakku.’ Da anam dabmemi.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Epesus 2:20

Ig oh am Kayak laug bia daatteb. Ig nuhig totol danab amu nuhikkud propet ele, ig lag amunu ukku meut, ag amu qaɗeppa daatteb. Kristus Jesus Nug am lag amu ukku ɠagattag daakkunu men anuqak daatte.

Aisaia 1:24

Jerusalem, nahipad ikki danab ag anam hetteb amunu, Naɗi, Nug Yawe Nukka Ɠagattag Oh Ele, Nug Israel dilag Kayak Ɠagattag Okkai Ele, Nug ahilagnu inam atte. “Da geha dahilad kekeɗ bu eheɗ madakkul. Da geha ag eheɗ heppignu nob tutukku madakkul.

Sam 118:22

Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.

Duteronomi 32:4

Nug am hanhan ɠagattag daatte; nuhig uɗat am qa oppiaawak ele. Keeke oh Nug hette amu, Nug nai doya mala hettoɗia epeɗia elele mettak kobol dim lamitta hette. Kayak Nug diig nuhignu oo metta ii uuak kobol dim lamittatta, Nug eheɗ laa ii hette. Nug tutukkuib daatte, Nug nai doya mala hettoɗia epeɗia elele mettak ibuppa hanhan daatte.

Genesis 45:5

Ag anam heppig, amge kobol amunu ag uug aib aqom. Ag agakka aib nug aidppig. Aɗinu? Kayak Nug he, da danab ah bau daaglagnu anuqen uɗimi.

Kolosi 1:11

Ag Kolosi danab ag uug digdig maon ɠagattag, dagom ele daan bittumttum ii gomananu, ag anen anen ag Kayak eppegppa nuhig ɠagattag naɗi okkai aoglag. Anam amu, ag maɗoɗppan gamag ahak ele doonna,

Rom 14:4

Na am danab aun amunu na danab laanu maɗi nidnu nai eheɗ nuhignu attem? Am nahip keeke iitta, nug am Kayaknu maɗi nid. Nug uɗat nuhigppa ɠagattag hippaidkkutai o iitta nuhig uɗatppa na qekkutai, amu oh am nuhig gumak danabnuib keeke daatte, amge nug geha ɠagattag hippaidkku. Aɗinu? Naɗi Nug nukka ɠagattag qetteb, nug ɠagattag daakku.

Aposel 4:11

Kristus Nug am ‘men laa, ag lag hak danab ag uuppig, amge Nug men anuqak beum daatte.’

Luk 20:17

Ag anam appig amge Jesus Nug ag neekkattatta aum. “Anam amunu, Kayak naippa yaak daatte am aɗi ippunigtte? Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.’

Mak 12:10

Jesus Nug anam ana, Nug tuɗitta aum. “Ag nai laa Kayak naippa daatte ele, ag iite ebqeppig. Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.

Matyu 21:42

Aeg amu, Jesus Nug amelagppa aum. “Ag Kayak naippa nai laa daatte amu, ag iite ebqeppig? Nai amuam inam. ‘Men laa, lag hak danab ag men amu uuppig, amge lag mameg nug men amu awa me, lagnu men anuqak daatte. Naɗi Nug men amu he, men amu anuqaknab dayeye, ig amenigppa anidta, ig enanag doot, dabmak kuɗum aottem.’

Sekaraia 10:12

Da heppi, dahilad danab ah ag da, Yawe, ag dahil ɠagattag aon, ag ɠagattag daaglag. Ao, da ehanadppi, ag aɗi keeke hekkulagnu daatte amu, dahil ehanittakppa ag hekkulag.” Yawe Nug anam atte.

Sekaraia 3:9

Amu laa amu, ag men daden nob okkainab ele, da Josua noobppa iikku aihak memi daatte antteg! Men amuam laippu, amge men amu daug am eblaih aɗit ele. Da men amuppa da deɗ laippuppa wan imunu hipunin oh uhuqen madakkulnu nai yen otaɗkkul. Da Yawe Dakka Ɠagattag Oh Ele, da anam awe attem.” Yawenu engel nug Sekaraia amegppa anam aum.

Aisaia 60:16

Ag Juda, ag nid nug anignu huh latte, amubia ag wan atu laihnu keekeppa ena daaglag. Ao, nid nug anig huhugppa huh latte amu, amubia laa ag ena daaglagnu keeke mattaglag. Ag amu hekkulag amunu, ag imu dooglag. Da, da am Yawe. Amu laa nug ag ehanatte, ag padal ii metteb amu, amuam da. Laa nug ag qagaiettakppanu eɗua uhuqak ha madatte amu, amuam da. Da am Laa Ɠagattag Okkai ele, Jakop da binal meum ele.

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Aisaia 29:24

Laa ag dabmak tutukku iitta ele ag diignu doyak tutukku aoglag. Amu laa ag dahil nai dim lamidkkulagnu uug doon nai heppig amu, ag da oɗel aon, dim lamidkkulag.” Yawe Nug anam atte.

Sam 89:1

O Yawe, da oo mauhaknab kobol nahipnu oo gamag ahak doyeye, hanhan ahi edakkul. Yo, da geha oo metta ii uuak kobol nahipnu laa amelagppa madikkul.

Sam 44:7

O Kayak, naib na hee, ig kekeɗ ihinkad eɗadttem. Ao, naib na hee, laa ag ihinignu nau ninig ele dootteb ag nena qena, uɗa nak aotteb.

Sam 28:8

Yawe Nug danab ah nuhikkud ɠagattag madatte. Yo, Yawe danab king daakkunu goɗen gokkaɗakppa tituanom daatte amu, Nug nug ehanitteb padal ii memanu, Nug nuhig aab aɗ ɠagattagnab elenu ehanittak daatte.

Sam 27:14

⌊O danab ah,⌋ ag Yawe Nug ehanadkkunu ameg meig! Ao, ag oolag ɠagattag qena daanna, ag dabmak nau aib aoppig. Ge, ag Yawe ameg meig!

Sam 23:1

Danab nug sipsip gumattak danab daatte, amubia amu, Yawe Nug dahil gumittak daatte. Nug anam daatte amunu, da bau dayaknu keeke oh elele aɗattem.

Sam 18:1

“Yawe, na am dahil ɠagattag, da nahipnu ool mauhtte.

Nehemaia 6:9

Ihinkad kekeɗ ag anam heppignu diig am ag, “Ig hepput, Juda ag baɗan, uɗat ag hetteb amu ag uun, ii hena malamna,” anana, ag anam heppig. Ag amu heppig doomi, amunu da Kayak unuqidmi. “O Kayak, na da ɠagattag meɗakkutnu oɗ medattem,” awe unuqidmi.

Duteronomi 34:9

Moses nug matu eppeg Josua qaɗeppa meum amunu, Nan bekka Josua nug doyak dabmak ena okkai ele. Nug doyak dabmak ele okkai amunu, Israel danab ah ag nug oɗe dim lamidna, keeke ohnu Yawe Nug Moses amegppa haknunab anak aum amu, ag heppig.

Eksodas 3:6

Kayak Nug anam anana, Nug nai tuɗitta aum. “Da am na mamenad aɗi anukkanu dilag Kayak. Da Abrahamnu Kayak, da Aisaknu Kayak, amu da Jakopnu Kayak ele,” awa aum. Moses nug amu doya, nug iɗu happutom. Aɗinu? Nug Kayak iɗuppa neekka, mauhmanu baɗom.

Genesis 50:21

Anam amunu, ag aib baɗappig. Da ag, ahilkad nid naunau ele ena daaglagnu ehanadkkul,” awa aum. Nug anam ana, nug eheɗ hadakkunu ii dabmeumnu nai mattiaya, nai bodoettak ele ag amelagppa mattiom.

Genesis 47:12

Ag appa daaegeg amu, Josep nug mameg, awakkud, amag amu laa oh ag ele daappig ee ahilag elele lakkulagnu otia madattom.

Genesis 45:11

Enug haen maɗ tanig ele laa ele daakku amunu, ag wan atu onig Gosen appa daappeg, da heppi, ag elele daaglag. Ag anam ii heppeg amu, na, na baenadppa, amu nahipad laa oh ele, ag oh am daɗeknab daaglag,’ ” awa aum.

Genesis 45:7

Anam daakku amunu, Kayak Nug he, Kayaknu ehanittak okkaippa da heppi, ag, ag baelkadppa ele bau daaglagnu, ag wanppa iitta memananu, da anuqen uɗimi.

Genesis 48:15

Nug anam hewowa amu, nug ⌊nid aɗit itittak ena inam mata, amuppa nug ele⌋ Josep itittak ena mettom. Nug itittatta aum. “Kayak, da mamel Aisak, da alal Abraham ele Nug noobppa oittapiɗ; Kayak, Nug da bau dayak dahil oh gumiɗaɗa ehaniɗom, gemu ele ehaniɗtte;

Genesis 49:23

Josep nug nid dayeye amu, nuhig kekeɗ ag nuhigppa eheɗ heppig. Ao, ag nug kekeɗ mettan, baneb daan, nuhigppa eheɗ nau heppig.

Duteronomi 33:27

Kayak bauklel Nug ahilag padal mak eɗitta ena dayaknu ehanittak daatte. Nug eppeg am alet anam, ag oɗakkiatte daatteb. Nug heeb, ag Israel ag kekeɗ ahilkad lamadkkulag. Nug aakkuib, ‘Ag kekeɗ ahilkad heppeg nauheg!’ atte.

2 Samuel 5:2

Amu anukka Saul nug ihinig king dayeye, haen amuppa ele na ihinig ban danab noolag awe, ag oh ban heppig. Am haen amuppa Yawe Nug na amenppa aum. ‘Na sipsip gumak danab sipsip gumadtte, amubia na dahilad danab ah, Israel, na ag gumadna, na ahilag king daakkut,’ awa aum,” aon appig.

Sam 73:23

Amge na da hanhan atognoiɗme, na da eppel naɗiap aɗame.

Sam 132:1

O Yawe, Na Dawit dabmettan, nug uug kuɗum mawomnu ele dabmekkutnu oɗ medattem.

Aisaia 49:26

Laa ag Juda ahilagnu eheɗ hetteb ele amu, da heppi, ag akka akka ag teppulag lakkulag. Da heppi, ag akka akka ag tiilag lawona, danab nug wain la, kaaka qette bia daaglag. Da anam hekkul amunu, danab laa oh ag da Yawe, ag dahilnu, da am ag Juda, ahilag padal memananu ehanittak danab dayeye, da ahilag qagaiettakppanu eɗua uhuqaknu ehanittak dayeye, da am Yawe, da Laa Ɠagattag Okkai Ele, Jakop da binal meum ele amu, da anam daattem dooglag.” Yawe Nug anam atte.

Josua 17:18

Iitta. Wan laa ele mattagnig. Ig wan maha qauko qauko ele mattamut; geha ig wan maha qauko qauko ele, amge ad kuɗum ele, ig gemu wan maha amu ele, ahilag daakkunu madattem. Aɗinu? Ag oppeg, amahalebeb, elele dayeb, wan amu ohnab ahilag daakku. Ele amu, laih laa, Kanan danab ag genab ɠagattag daatteb, ag bannu karis aenppa hak ele, amge ag ag lamadkkulag,” awa aum.

Ikki Danab 1:22

Juda, Simeon ele aa anam hepiɗ, amu Josep buɗub ag Betel aab banelag ukkaeg, Yawe Nug ag ele daappig.

2 King 13:16

Aria, Elisa nug Jehoas amegppa aum. “Na eppenppa lat awe!” awa aum. King nug anam he, Elisa nug eppeg laih laih oh, am king eppeg laih laih oh qaɗeppa, attan meum.