Genesis 46:6 - Nobonob Baibel

⁶ ag doɗ ahilkad, amu enulag laa ele, ag Kanan wanppanu aoppig amu, ag amu ele diin, aakku Jakop, nug buɗub oh ele ag Isip goppig.

Genesis 46:6 Referans Kwoze

Aposel 7:15

Aria Jakop nug noa, Isip dayeye, amu dimppa nug amu nug bekkod ele ag oh mauhadppig.

Aisaia 52:4

⌊Ge, Yawe Nug danab ah nuhikkud laa eppelagppa dayaknu qagaiettakppanu uhuqadkku.⌋ Aɗinu? ⌊Keeke amunu amu,⌋ Naɗi Yawe Nug inam atte. “Anukkanab dahilad danab ah ag Isip wanppa daaglagnu gona daaegeg, Isip ag eheɗ hadappig. Amu dimppa amu, Asiria danab ag ahan heeg, ag ag waalagppa uug nau doon daappig.

Sam 105:23

Amu dimppa Josep mameg Israel nug Isip ukkom. Ao, Jakop nug Isip, ⌊Isip onig laa am Ham,⌋ nug appa laihnu uɗiak danab dayom.

Josua 24:4

da Jakop, Esau ele Aisak mettami. Da Seir wan, qauko qauko daattebppa Esau ag aon daaglagnu mettami, amge Jakop nug bekkod ele ag Isip noppig.

Duteronomi 26:5

Anam heeb, na Yawe, ahilag Kayak, Nug noobppa inam akkut. “Da mamelad aɗi ag am Aram danab, appalag diig iitta ele oinna, ag hubhub Isip wanppa nona daanna, ag appatna, huu okkainab bena, ɠagattag daappig.

1 Samuel 12:8

Am inam. Ag mamelkad aɗi, Jakop, nug baekkudppa ele ag ahan, Isip ukkaeg, haen ukke, dimppa Isip danab ag eheɗ hattegeg, Israel ag amunu Yawe amegppa gaaeg, Nug ehanatta, Moses, Aron ele maate, aa ag Isip uun, wan imuppa daaglagnu anuqya omalatteh, ag uɗin, wan imuppa daappig.

Duteronomi 10:22

Ag mamelkad aɗi, ag anukka Isip noppig amu, ag danab 70 aakkuib. Amge gemu amu, Yawe, ahilag Kayak, Nug he, ag kuɗumnab, hab waappa hoɗoppai daatteb bia appatna daatteb.

Namba 20:15

Ig mamenkad aɗi ag Isip noeg, ig appa maɗ kuɗumnab daamut. Isip danab ag ig, amu ig mamenkad aɗi ele eheɗ heigppig.

Genesis 15:13

Tone amu, Yawe Nug amegppa aum. “Na imu tutukku doye! Na buɗunad ag geha danab laa dilag wanppa aab diig danab iitta maɗ 400 daaglag. Ag anam daabppeg, wan amuppan danab ag heppeg, na buɗunad ag ahilag begbeg maɗi nid daaglag; amu ag ele ag eheɗ hattaglag.

Genesis 46:7

Jakop buɗub amu, ag am nug bekkod, nug aɗekkud, amu nug alakkud danab ah ele. Nug buɗub amu oh, ag aakku nug ele oh Isip wanppa goppig.