Genesis 46:28 - Nobonob Baibel

²⁸ Aria, ag Isip wanppa gonana, Jakop nug Juda, ag wan atu onig Gosen appa attem gokkulagnu dookkunu me, anuqa Josep toppa ukkom. Ukka eɗua uɗia omale, haen ag wan atu onig Gosen appa teeg,

Genesis 46:28 Referans Kwoze

Genesis 45:10

Uɗippe amu, na, na baenadppa ele, amu doɗ nahip oh ele, amu nahip keeke oh Isip ippa, wan atu onig Gosen, appa da gukkuiɗna daaglag.

Genesis 49:8

Juda, nahipnu amu, na awanad amapad ele, ag na onin humappeg, attan tekku. Na kekeɗ nahipad tappaladppe nokkulag. Ao, na mamen bekkod ag na noomppa dup nokkulag.

Genesis 46:34

ag inam appeg dookku. ‘O naɗi, ig, nahipad maɗi nid amu, ig nid nakokppanu doɗ gumattak uɗat, amuib heut uɗie, gemu ele hettem. Ig mamenkad aɗi ag ele uɗat amuib heppig.’ Ag anam aig!” awa aum. Josep nug anam anana amu, nug nai baula tuɗitta aum. “Isip wanppa, aben laa ohppa Isip danab ag doɗ gumattak danab dilagnu oolagppa uuaknab dootteb amunu, da ami amu, ag nai anamib appeg, Paro nug ab, ag wan atu onig Gosen ippa daaglag,” awa aum.

Genesis 43:8

Ag anam ana, Juda nug nai ahilag tuɗitta, Israel amegppa aum. “Na, ig, ihinkad nid naunau ele ig enugnu mauhmatanu, ig bau daagnignu, na Benyamin da eppelppa meppe, ig paha Isip wanppa gokkunig.

Genesis 31:21

Nug nuhig keeke oh awa, oola ukkom. Nug ukka, Yupretis le mataɗa, Gileat wanppa laih qauko qauko ele, nug appa gokkunu ukkom.

Genesis 47:1

Aria, Josep nug anam ana amu, nug aha, Paro gumitta ukka, amegppa aum. “Da mamel, da awalad, amu da amal ele ag ahilkad doɗ, amu ag enulag laa oh ele Kanan wanppanu diin uɗin, gemu wan atu onig Gosen appa daatteb,” awa aum.