Genesis 45:8 - Nobonob Baibel

⁸ Anam aakku amunu, ag heeg, da ii uɗimi. Kayak Nug he, da uɗien, ippa Paro mameg bia daattem. Da nug laugppanu keeke oh gumen dayeye, Isip ohnu gawana ele daattem.

Genesis 45:8 Referans Kwoze

Jon 15:16

Ag da ii tituaniɗppig. Iitta! Da ag tituanadmi. Anam amu, da ele ag gona, meu ii nauhtte ele okkulagnu, da uɗat amu ag mattami. Ag anam hekkulag dayeb amu, Mama Nug aɗi keeke ag da onilppa Nug oɗ medappeg amu, Nug ag madakku.

Rom 9:16

Anam amunu, Kayak Nug anam hette, amunu diig am danab laa nuhig dabmakppanu keeke iitta, uɗat ena hette amuppa ele iitta. Amuam Kayak Nug oo gai-iitta doya oo metta ehanittak kobol nuhig, Nug amuppa hette.

Jon 19:11

Anam a amu Jesus amegppa aum. “Attannu laa Nug na ɠagattag ii mettalo amu, na dahilppa aɗi hekkutnu elele iitta amunu, aun nug da na eppenppa meiɗom ele, nuhig hipunin am okkainab, nahip eɗittak,” awa aum.

Job 29:16

Laa keekenu tutu mak daappig ele, da ag mamelag bia daami. Ao, aab diig danab iitta amu, da hettoɗiak abenppa amu dilag nai doyen, ehanadmi.

Ikki Danab 17:10

Nug anam a, Maika amegppa aum. “Na ippa da mamel, mana mettak danab dahil ele daappe, da geha na maɗ laib laib ohppa 110 gram silwa medakkul; amu lamen keeke, amu ee lanaknu ele medakkul,” awa aum.

Genesis 45:5

Ag anam heppig, amge kobol amunu ag uug aib aqom. Ag agakka aib nug aidppig. Aɗinu? Kayak Nug he, da danab ah bau daaglagnu anuqen uɗimi.

Pilemon 1:15

Nug haen tutu na uuittom amunu, geha na nug eɗun aoppe, nug hanhan na ele daaglah, amunutai Kayak Nug matu nuhig oolaknu ib ii oo neum.

Aisaia 22:21

Aria, nug geha uɗieb, da lamen elab nahip awen, da Eliakim beɗuppa mein, imuagppan lamen ena ena nahip ele nug imuagppa tagitten, da nahip uɗat, nahip ɠagattag, nahip ehah ele oh nug medakkul. Da anam heppi, nug Juda danab ah Jerusalem daatteb, laih laih laa ohppa ele daatteb amu, nug geha ag mamelag bia daakku.

Genesis 45:26

Gona tena amu, ag Jakop amegppa appig. “Josep nug ii mauhom! Nug Isip wanppa bau daatte. Am genab, am laa ele amu, nug wan amu ohnu gawana daatte,” aon appig. Ag anam aeg amu, Jakop nug huan ottaia, ahilag nai amu ooppa genab ii doyom.