Genesis 45:27 - Nobonob Baibel

²⁷ Nug ooppa genab ii doyom, amge haen nug bekkod ag Josep aɗi aɗi aum nug amegppa amu madippig, amu haen Jakop nug Josep uɗatnu karis maatte goppig, nug karis amuppa Isip gokkunu anatta amu, nug ooppa genab doya, nug eɗua, ɠagattag dayom.

Genesis 45:27 Referans Kwoze

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Genesis 45:19

Paro nug nai amu Josep amegppa awowa, nug tuɗitta aum. “Na laa ele appe, doyeg! ‘Ag Isipnu uɗatnu karis diiadna gona, ag waalkad, ahilkad nid naunau ele karis amuppa diin, mamelag ele aon uɗiglag.

Hosea 6:2

Deɗ aɗit uueb, Yawe Nug heeb, ig bau ena daagnig. Yo, deɗ ewamppa ig Nug noobppa daagnignu Nug heeb, ig bau, ena daagnig.

Sam 85:6

Ig nahipad danab ah, ig nahipnu oonig gamag ahakkunu amu, na baula ɠagattag iqakkutnu oɗ medattem.

1 Samuel 30:12

Ee ag medappig am, grep meu qaɗaiettak batappatak aɗit, aria ad fig meu qaɗaiettak batappatak laih ele medappig. Ag ee amu mettaeg, nug ee amu lawowa, nug eɗua ɠagattag nakok awom. Nug eɗua, ena dayomnu diig am, nug deɗ ewam, tuqan ewam ele ee, le ele laa ii laum, amuppa nug ɠagattag nuhig oh iitta meum.

Ikki Danab 15:19

Nug anam unuqitta male, amu Lehi appa Kayak Nug he, le huanak wanppa aben tappiɗ naɗinab bia, appa qeppuɗia be, Samson nug lawowa ɠagattag awowa, nug aben amu onig ataɗa, En Hakore aum. Aben amu gemu ⌊nai imu yaak haenppa⌋ ele Lehi appa daatte.

Genesis 45:28

Nug eɗua, ɠagattag daya, nug aum. “Genabnab! Josep nug Isip wanppa bau daatte. Da ahen ukken anttoya, dimppa da mauhkkul,” awa aum.

Prowerb 25:25

Baegppan laa, nug aab umanabppa daatte, nug ena daattenu nai uɗitte amu; amuam danab nug le baag diie, le oug latte, amubia daatte.