Genesis 44:9 - Nobonob Baibel

⁹ Ig oonigppanu danab laa nug kap awom anidppe amu, nug mauhkku. Nug mauhkku, amu ig laa oh nahipad begbeg maɗi nid daagnig,” aon appig.

Genesis 44:9 Referans Kwoze

Genesis 31:32

Amge na nahipad kayaknu ame amu, aun laa nug ig oonigppa keeke amu diiom anidppe, nug mauhkkuoitte. I baentadppa imu oh amelagppa na neegna, keeke nahip laa anidna amu aokkut,” awa aum. Jakop nug Rahel nug mamegnu kayak hambuppuak dottolkad yabhoi diiom amu, nug ii doyom.

Aposel 25:11

Da mauhkkulnu keeke laa hemi dayeb amu, ag heppeg mauhkkul am elele; ag ena da iuppeg mauhkkul. Amge Juda ag da hettoɗiakppa meiɗna, nai madippig ele amu, nai amuam genab iitta dayeb, danab laa nug da ag eppelagppa meiɗkkunu amu eheɗ amunu da Rom ukken, Sisar toppa tein appi, nug dahil hettoɗiak amu nug dookkunu ool daatte,” awa aum.

Genesis 44:16

Josep anam a amu, Juda nug aum. “O naɗi, ig aɗi nai laa akkunig? Ig aɗi apput, na ig keeke imu ii hemut anidkkut? Elele iitta. Kayak Nug he, ig, nahip maɗi nid, ig ihinig hipunin miag atiom. Aakku amunu, nid umu kap nuhig bekppa dayeye lag gumak danab anttom ele amu, nug ig laa oh ele nahip begbeg maɗi nid daagnig,” awa aum.

Genesis 43:18

Ukke, ag baɗan, akka akka nai madippig. “Anukka ag silwa men doɗo ihinig eɗun, ihinig bekppa inaeg aot gomut, diig amunu ag omaikkeg uɗimut. Ippa ag oigna, donki ihinig aona heppeg, ig begbeg maɗi nid daagnig,” aon appig.

Genesis 44:10

Anam aeg amu, lag gumak danab nug aum. “Ag appig am ena, amge ag inam hekkulagnu iikku attem. Danab aun nug kap awom ele amu, nugib dahil begbeg maɗi nid daakku. Ag laa oh beɗulagppa aab iitta daaglag,” awa aum.