Genesis 44:29 - Nobonob Baibel

²⁹ amunu, ag Benyamin ele dahilppanu aon goppeg, padal meeb amu, da oolppa uug okkai ele doyeye mauhkkul,’ awa aum.” Juda anam aum.

Genesis 44:29 Referans Kwoze

Genesis 42:38

Ruben anam a amu, Jakop nug aum. “Benyamin ag ele ii gomana. Aɗinu? Nug awag mauhom, nukkaib daatte. Ag nug aon goppeg, oiyak ahilagppa padal meeb amu, da ool naɗi guittebeb, mauhkkul,” awa aum.

Genesis 43:14

Nug anam ana amu, nug nai tuɗitta aum. “Kayak inam hekkunu amu, da ool daatte. Ag gona, danab amu noobppa teppeg, Kayak Nukka Ɠagattag Oh Ele Nug ag ehanatteb, danab amu nug ahilagnu oo gai-iitta doya oo matta ehanatta heeb, Simeon, Benyamin ele aa, ag ele eɗun uɗiglag. Da ib laa iitta amunu, oo guittak beeb amu, da anamib daakkul,” awa aum.

Duteronomi 31:17

Ag anam heppeg, da ahilagnu ool nauhkku. Da ag uuatte, dimadappi, ahilkad kekeɗ geha hadappeg nauhkkulag; uug naunab, uug digdig laa ele ahilagppa bekku amunu, ag akkulag, ‘Kayak ihinig, Nug ig ele ii daattem amunu, keeke naunab imu ihinigppa beum,’ akkulag.

Genesis 42:36

Amu keeke amu oh anam be, Jakop nug ag amelagppa aum. “Ag heppeg, da nid iitta daakkul. Josep am iitta. Simeon ele am iitta, gemu ag Benyamin aon gokkulagnu hetteb. Uug amu oh da maottem,” awa aum.

Genesis 37:35

Nug bekkod, aɗekkud ele ag nug noobppa gona qagmena, oo maknu nai madippig, amge Jakop nug ahilag oo maknu hak dab-ii-mettom. Nug dab-ii-maama, nug aum. “Iitta! Da ukken, Josep moɗppa daatte, amubia da moɗppa daakkul,” awa aum. Nug Josepnu huan gayom.

Genesis 42:4

Ag goppig, amge Jakop nug Josep amag Benyamin hagakka awe, ii ukkom. Aɗinu? Jakop nug Benyamin mauhmanu oo okkai baɗom.