Genesis 44:20 - Nobonob Baibel

²⁰ Na anam oɗ mekkae amu, ig amut. ‘Ao, amanig laa ele, amu ig mamenig nug kaino ma dayeye, nug wau laa ig amanig anig amu, nug ele oiyya, ig amanig amu menuom. Amge ah amu nug nid amanig laa tatamnu menuom amu, nug mauhom amunu, ig mamenig nug ah amunu nid laa iitta; ig amanig nug nukka aakkuib. Anam amunu, ig amanig amu, nug mameg nuhignu, nug oo huan mauhtte.’ Ig anam aot amut.

Genesis 44:20 Referans Kwoze

Genesis 37:3

Laa ele amu, Israel nug Josep awakkudnu oo mauhom, amge nug kaino me, nug Rahel ele Josep menupiɗ amunu, nug Josepnu oo huanak mauhom. Nug Josepnu oo huanak mauhom amunu, nug lamen elab enanagnab ha, Josep mettom.

Genesis 42:38

Ruben anam a amu, Jakop nug aum. “Benyamin ag ele ii gomana. Aɗinu? Nug awag mauhom, nukkaib daatte. Ag nug aon goppeg, oiyak ahilagppa padal meeb amu, da ool naɗi guittebeb, mauhkkul,” awa aum.

Luk 7:12

Nug ukka, aab amunu aɗnu od okkai amu guguitta noono, ag danab mauhak laa maon doppig. Danab mauhom nug anig am ah qab, nug bekka laippu amu aakkuib. Amu danab ah kuɗumnab aab amuppanu ag ah amu, nug ele uɗippig.

Genesis 49:8

Juda, nahipnu amu, na awanad amapad ele, ag na onin humappeg, attan tekku. Na kekeɗ nahipad tappaladppe nokkulag. Ao, na mamen bekkod ag na noomppa dup nokkulag.

Genesis 46:21

Benyamin bekkod onilag am Bela, Beker, Asbel, Gera, Naman, Ehi, Ros, Mupim, Hupim, Art ele.

Genesis 42:36

Amu keeke amu oh anam be, Jakop nug ag amelagppa aum. “Ag heppeg, da nid iitta daakkul. Josep am iitta. Simeon ele am iitta, gemu ag Benyamin aon gokkulagnu hetteb. Uug amu oh da maottem,” awa aum.

Genesis 42:13

Josep anam a amu, ag oɗeppa aon appig. “O naɗi, ig, nahipad maɗi nid, ig am awag amag 12 ele. Ig oh mamenig laippu, amu nug Kanan wanppa daatte. Amanig yuɗnab am, nug ig mamenig ele uppa uma daattep; aria ig amanig laa amu, nug padal meum,” aon appig.

Genesis 37:19

“Ahappeg, tul niiak danab uɗitte

Genesis 35:18

Nug anam a, Rahel nug mauhkkunu miag dayom amunu, nug nid onig Benoni ataɗom. Ataɗom, amge Jakop nug onig Benyamin ataɗom.