Genesis 43:29 - Nobonob Baibel

²⁹ Iɗulag wanppa meppig amu, Josep nug neekke ukke, nug amagnab Benyamin antta, nug aum. “Ag anukka amalagnu aeg doomi amu, nug uukkute?” awa oɗ mattom. Awa oɗ matte amu, ag, “Yo,” aon appig. Anam aeg, Josep nug aum. “O da bekkal, Kayak na itidkkunu ool daatte,” awa aum.

Genesis 43:29 Referans Kwoze

Namba 6:25

am Nug ag ele daan, Nug ahilagnu oo bodoette, keeke ahilagppa hette amu, nug enanag, maɗoɗ ele hekkunu,

Genesis 42:13

Josep anam a amu, ag oɗeppa aon appig. “O naɗi, ig, nahipad maɗi nid, ig am awag amag 12 ele. Ig oh mamenig laippu, amu nug Kanan wanppa daatte. Amanig yuɗnab am, nug ig mamenig ele uppa uma daattep; aria ig amanig laa amu, nug padal meum,” aon appig.

Hibru 13:1

Ag Kayak baekkudppa daatteb ele amu, ag lailkad dilagnu nug oo mauhak aib uuppig.

1 Timoti 1:2

Amu da na Timoti, na Jesusnu ooppa genab doyakppa da bekkalnab daattem, da nahipnu uɗug imu iikku yaattem. Mame Kayak, amu Kristus Jesus, ihinig Naɗi, Nug ele, ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

Mak 10:24

Jesus Nug anam a amu nuhikkud ippunittak awak danab ag nai amu doon, dabmak kuɗum aoeg anatta amu Nug baula ag amelagppa aum. “O nid nakkud, Kayaknu ɗo maɗoɗ ooppa noaknu am uug okkai ele.

Matyu 9:22

Lauɗitte amu, Jesus Nug eɗua neekka antta, amegppa aum. “O aɗel, na ootppa ɠagattag doye! Na ootppa genab doome amunu, na ena daattem,” awa aum. Awa a, haen amuppaib ah nug ena dayom.

Matyu 9:2

Ukka, appa dayeye, danab laala ag lailag oɗe ele, nug baeg eppeg mauhak ele, ag nug qaɗaqaɗppa maon, Jesus toppa uɗippig. Uɗieg, Jesus Nug ooppa genab doyak ahilag antta, Nug oɗe danab amegppa aum. “O nan, na ootppa ɠagattag doye! Nahip hipunin oh amu da uhuqe medattem,” awa aum.

Malakai 1:9

Amu Yawe Nukka Ɠagattag Oh ele Nug atte. “Ag Kayak, ag Nug oo bodoette enanag maɗoɗ ele hak kobol ihinignu dim lamidkkunu ii daye daye oɗ metteg! Ag anam hekkulag, amge ag mana mettak anam aon wappeg amu, Nug ag iinab ehanadma,” awa atte.

Aisaia 33:2

O Yawe, na ihinignu amu, na oo bodoette enanag maɗoɗ ele hak kobol dim lamidkkutnu oɗ medattem. Ig na ele laippu daagnignu oonig huanaknab daatte. O Yawe, buttua oh na ihinig ɠagattag daakkutnu oɗ medattem. Ao, na uug nau ihinigppa bette amu, haen amuppa na ihinig padal mematanu ehanittak daakkutnu ele unuqidttem.

Aisaia 30:19

Amu danab ah ag Sion daaglag. Ge, ag Jerusalem appa daaglag. Amu ag ⌊Sion danab ah, ag Sion daatteb amu, ag appa⌋ daanna, ag baula ii gaamna. Ag Yawe unuqidppeg, Nug ahilag unuqittak amu doya, Nug oo bodoette enanag maɗoɗ ele hak kobol dim lamitta, ehanadkku. Nug unuqittak ahilag doya, pahanab, haen amuppanab Nug nob ena madakku.

Sam 112:4

Haen genab tutukku hak danab ag gatatuppa daatteb amu, amahlak ahilagppa amahaltte. Yo, kobol amuam oo bodoette enanag maɗoɗ ele hak danab, oo bodoetta le mak danab, amu genab tutukku hak danab ele, ahilagppa bette.

Sam 111:4

Nug kobol danab hekkunu elele iitta heum ele amu, Nug he, danab ag amu daulag atikkunu elele iitta. Yawe Nug oo bodoette enanag maɗoɗ ele hak kobol dim lamitta, Nug ihinignu oo gai-iitta doya, oo mekka, ehanigtte!

Sam 67:1

O Kayak, wan imuppan wan anen anen oh dilag danab ah oh ag na oot attem daatte dooglagnu, ag nahip ehanitte, padal ii mak kobol ele anidkkulagnu amu, na ihinignu oot bodoette enanag maɗoɗ ele hena, itigkkutnu ool daatte. Ao, na ig ele daagnignu, na oot ihinignu ena daakkunu ool hette. Sila.

2 Stori 29:11

O Lewi buɗub, da bekkalad, Yawe Nug ag Nug noobppa daanna, ag Nug waappa daan, Nug oɗe dim lamidkkulagnu, ag nuhig ehanittak danab ah mattaglagnu, ag kalu danab ile muttuɗig enanag bette ele main, Nug mettaglagnu tituanattom amunu, gemu ag hamu aib daappig,” awa aum.

Josua 7:19

Anam beum amu, Josua nug Aakan amegppa aum, “O bekkal, na Yawe, Israel dilag Kayak, na Nug binag amahlak oppiaawak ele mette! Na hipunin nahip miag mena, na da amelppa aɗi eheɗ heme amu, na amunu a! Aib da noolppa lokkumkkut heme,” awa aum.

Genesis 45:8

Anam aakku amunu, ag heeg, da ii uɗimi. Kayak Nug he, da uɗien, ippa Paro mameg bia daattem. Da nug laugppanu keeke oh gumen dayeye, Isip ohnu gawana ele daattem.

Genesis 42:11

Ig oh am danab laippu bekkod. Ig, ig nahipad maɗi nid amu, ig nai genab mattiak danabib, ig lokkumakppa atu italak danab iitta,” aon appig.

Genesis 35:24

Rahel bekoɗ am Josep, Benyamin ele.

Genesis 44:21

Ig anam aut amu, na ig amenigppa ame. ‘Ag gona, amalag amu, da nug anidkkulnu aon uɗieg!’ ame.