Genesis 43:2 - Nobonob Baibel

² haen ee tatam Isipnu aoppig am iitta me amu, Jakop nug bekkod amelagppa aum. “Ag eɗun Isip gona, ee bau aon uɗippeg lakkunig,” awa aum.

Genesis 43:2 Referans Kwoze

1 Timoti 5:8

Am danab laa, nug tiilag laippu daatteb ele amu, ag oolagppa nug nuhikkudnab anuqak dabmadatta, dimppa laa oh ele dabmadatta atognoadtte am ena, amge laa nug nuhikkudnab anam ii dabmadatta, ii atognoadtte amu, nuhig ooppa genab doyak am hambuppuak, nuhig eheɗ hak amu ooppa genab doyak iitta dilag eɗadtte.

Prowerb 31:16

Ah diig enanag amu nug wan maha laanu dabmaama, uɗat medatte. Ao, nug men doɗo eppegppa uɗat haaha awom, amuppa nug grep dad eppaknu keeke daden ma, ebatte.

Prowerb 16:18

Aun laa nug dada kobol hekku amu, nug padal mekku. Ao, danab nug dada ha laa eɗittaknu dabmak aotte amu, nug na qekku.

Prowerb 15:16

Danab nug Yawenu ebehi oh bodoetta le mette dayeb, nug keeke kuɗum ele iittatai, me nug Yawenu ebehi oh bodoetta le mette amunu, amuam ena; amge danab nug en okkai ele daatte dayeb, ⌊me nug Kayaknu ebehi oh bodoetta le ii mette amunu,⌋ nug daatteppa nug qak daatte, amuam ena iitta.

Genesis 43:20

“O naɗi, na ihinig nai dookkutnu oonig daatte. Anukka ig ee daden mekkunignu uɗit, ee aota, silwa men doɗoppa daden meta,

Genesis 43:4

Nug anam aum amunu, na Benyamin megappe, ig nug ele oh gota, ee nahip aognig.

Genesis 43:1

Aria, enug haen okkai ba, anamib dayeye,

Genesis 43:3

Jakop anam aum, amge Juda nug mameg amegppa aum. “Isip danab amu, nug ig amanig aot ii gota amu, ig nug anidkkunignu elele iitta, nug nai amu ɠagattag aum.

Genesis 44:25

Aria, ig anam aut, dimppa ig mamenig nug aum. ‘Ag baula eɗun gona, ee nakok daden mena, aon uɗippeg, ig lakkunig,’ awa aum.