Genesis 43:18 - Nobonob Baibel

¹⁸ Ukke, ag baɗan, akka akka nai madippig. “Anukka ag silwa men doɗo ihinig eɗun, ihinig bekppa inaeg aot gomut, diig amunu ag omaikkeg uɗimut. Ippa ag oigna, donki ihinig aona heppeg, ig begbeg maɗi nid daagnig,” aon appig.

Genesis 43:18 Referans Kwoze

Genesis 42:35

Ag mamelag amegppa anam ana amu, ag oh ee aon gona, ee mak abenppa gokkaɗadnana, ag anen anen ahilag silwa men doɗo bek ooppa anidppig. Haen ag mamelag ele oh silwa men doɗo amu anidna amu, ag Isip dilag danab okkai aladmanu baɗappig

Rom 7:8

Amge hipunin nug ɗo amuppa ameg qeeb aolonab dabmak eheɗ awak kobol oh da oolppa he beum. Amu ɗo ii daatte dayeb amu, hipunin am bodoettak daatte.

Mak 6:16

Laa ag anam appig, amge haen Herot nug anam doya amu, nug aum. “Imuam genab Layattak Jon. Da nug baag otaɗmi amge Kayak Nug he, nug eɗua hibaittom,” awa aum.

Aisaia 7:2

⌊Amu king aɗit amu aa qagmeeh, haen amuppa⌋ laa Juda dilag king Ahas, nuhikkudppan ele nai laa aeg dooppig. Amu ag inam appig. “Aram ban danab ag Israel ele oh qagmeppig,” aon appig. Ahas nug nai amu doye, nug, nuhikkud danab ah ele ag baɗan, eheɗ hahaɗppig.

Sam 73:16

Anam dayom amunu, da amu oh dookkulnu hemi, amge amuam elele iittanab dayom.

Sam 53:5

Kayak Nug heeb, danab ah nau hetteb ele ag baɗan humananab qekkulag. Ag anukka baɗappig, amge haen imuppa ag eheɗnab baɗaglag. Aɗinu? Kayak Nug ⌊nuhikkud danab ah, Nug⌋ ahilag kekeɗ, ag banelag uɗiglag ele amu, Nug ag hatteb nauhna autna aoglag. Yo, ag Israel, ag heppeg, ag uɗalag nekku. Aɗinu? Kayak Nug ag geɗadkku.

Job 30:14

Kekeɗ ag aab laa eɗadkkulagnu henana, ag aab amunu aɗ gamag laa loppaɗna, giɗo naɗi amuppa ag aab ooppa gotteb, amubia nid bau amu ag dahilppa uɗin, eheɗ heiɗtteb. Ge, kekeɗ aɗ loppaɗeg, men keeke mauhnoak dayeye, giɗo amuppa wana, paha aab ooppa gotteb bia, nid bau ag dahilppa amubia hetteb.

Job 15:21

Nug oqotti nau daugppa doya, nug eheɗ nau baɗatte. Ao, nug maɗoɗ daatte bia doya dayeye, haen amuppa danab ag ban hena danab aqadna ahilag keeke yab aotteb, danab amu ag banelag uɗieg, nug ele ban hetteb.

Ikki Danab 14:4

Pilistia danab ag haen amuppa Israel gumappig amunu, Yawe he, Samson nug Pilistia danab eheɗ hadakkunu ib mattiom amu, Samson anig mameg ele aa amu ii doopiɗ.

Ikki Danab 13:22

Nug anam doya, wau amegppa aum. “I Kayak anidmuɗ amunu, geha mauhkkunih!” awa aum.

Duteronomi 22:17

Nug da aɗel imunu, ‘Nug am ah danab laa ele oipiɗ dayeye da aomi,’ anan, amuppa amu nug da aɗel onig he nauhom. Amge nug am ah danab laa ele ii oipiɗ elenu nai genab daakkunu at am iikku,” awa akku. Anam dayeb, mameg, anig ele aa lamen amu ikki danab ippunadkkulah.

Duteronomi 22:14

nug hambuppua ana, nug inam akku. “Da doottem, ah imu nug danab laa ele oipiɗ dayeye aomi. Da nug awen, nug danab laa ele ii oipiɗ bia ii anidmi,” awa akku. Amu nai amuppa amu nug ah amu onig heeb nauhkku.

Genesis 42:28

Antta amu, nug laikkud amelagppa aum. “Silwa men doɗo dahil am, danab laa eɗua meɗom. Am dahil bek oɗeppa iikku daatte,” awa aum. Awa a amu, ag ottaina, eheɗ baɗan, akka akka madippig. “Kayak Nug ihinignu attem hekkunu hette?” aon appig.

Genesis 42:21

Ag Josep amegppa anam appig, amge ag akka akka inam madippig. “Ig amanignu anukka eheɗ heut, ig beɗunigppa aab daatte amunu, gemu ig eheɗ hak amunu nob iikku aottem. Haen amuppa nug mauhak uua heehe, ig oo uug naunab doyak nuhig anidmut, amge ig nuhignu oonig ii doye, nuhig nai oo doyak ele ig amenigppa aum elenu dab-ii-memut. Keeke amunu nob gemu ig anidttem,” aon appig.

Genesis 43:17

Josep anam a amu, nug laug gumak danab nug Josep amag, awakkud ele omalatta, Josep laugppa ukkom.

Genesis 43:19

Ag akka akka anam ana amu, ag ahan, Josep laug odppa gona, appa Josep laug gumak danab amegppa appig.

Daniel 6:4

King nug anam maittak awe, danab okkainab aɗit laa, danab okkai 120 laa ele ag Daniel gumak uɗat nuhig haaha, eheɗ laa heeb anidna, king amegppa akkulagnu dabmeppig, amge ag meidna daaegeg, nug eheɗ laa ii heum amunu, ag nuhig eheɗ hak laa king amegppa akkulagnu laa iitta. Daniel nug nuhig uɗat elelenab haaha, kobol eheɗ laa nukka ehanidkkunu aɗi laa ii heum amunu, danab laa amu ag nuhigppa eheɗ laa anidkkulagnu elele iitta.

Genesis 42:27

Ag gona, ibppa niiglagnu henana, ag oolagppa laippu laa nug nuhig doɗ ee medakkunu ha, bek oɗe uhuqom. Uhuqa amu, nug silwa men doɗo nuhig bek oɗeppa dayeye anttom.

Genesis 44:8

Antte! Ig tatam Kanan wanppanu uɗimut, eɗut gota amu, silwa men doɗo ihinig bek oɗeppa dayom anidmut amu, ig gemu amu ele eɗut aot uɗimut. Amunu ig aɗinu nahip okkai laugppanu silwa, o gol keeke yab aognig?