Genesis 41:55 - Nobonob Baibel

⁵⁵ Aakku Isip danab ag ahilag ee iitta me, ag ahan gona, Paro toppa eenu oɗ medappig. Oɗ mettaeg amu, Paro nug amelagppa aum. “Ag Josep gumidna gona appeg, nug ab doon, aɗi atte amu, ag heig!” awa aum.

Genesis 41:55 Referans Kwoze

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Kolosi 1:19

Aɗinu? Kayak oo niiom bia Nug he, Kayak attemnab daatte, nuhigppa aɗi kobol keeke ambak daatte ele, amu oh amu anamib aakku Jesus nuhigppa anam dayom.

Pilipai 4:19

Amu Kayak dahil, Nug ag keeke laa nuhig neekkakppa ag aoglagnunab daattenu tutu meppeg antta, Nug keeke ena ena oh Kristus Jesusnu uɗatppa nuhigppa daatte amu, Nug amuppa elelenab madakku.

Jon 2:5

Jesus anam a amu, anig nug maɗi nid amelagppa aum. “Nug aɗi nai laa ag amelagppa ab amu, ag Nug oɗe dim lamitteg!” awa aum.

Genesis 41:56

Paro nug anam a, enug haen naɗi be, Isip wan ohppa enug haen naɗi me, Josep nug ee lag oh od matula ee me, Isip danab ee daden meppig. Aɗinu? Enug haen okkai Isip wan ohppa beum.

Genesis 42:6

Josep nug Isip wannu gawana dayeye, danab oh ag ee aeg daden mekkulagnu heppig ele, ag ee aeg Josep toppanu daden meppig amunu, haen Josep awakkud ag uɗin, ag ele Josep toppa gona, Josep noobppa gatelag qaun ona, gomelna, iɗulag wanppa meppig.