Genesis 40:13 - Nobonob Baibel

¹³ Deɗ aɗit uueb, deɗ ewamppa, Paro na maniguittakppanu uhuqitta ab, na eɗun, uɗat na heme amu, na baula hekkut. Haen amuppa na baula Paro wain anukka mettame bia medakkut. Na anukka nuhig wain babaitta, nug mettak danab anuqak daanna heme bia hekkut.

Genesis 40:13 Referans Kwoze

Jeremaia 52:31

Aria, Nebukatnesar nug Juda dilag king Jehoiakin awa, Babilon wanppa ukka laih me dayak danab daakkunu ukkom, maɗ amuppan digma ukke, maɗ 36 uue, maɗ 37 ooppa danab onig Ewil Merodak nug Babilon dilag king abenab awom. Nug awa, nug he, ag Juda dilag king Jehoiakin maniguittakppanu aon meeg, dimittim uɗiom. King Ewil Merodak nug maɗ amuppa kalam 12ppa, deɗ 25ppa anam heum.

Sam 3:3

Amge na, O Yawe, na am dahil guppiɗ daattem. Na binag amahlak oppiaawak ele meɗana, ɠagattag ele da meɗattem.

2 King 25:27

Aria, Nebukatnesar nug Juda dilag king Jehoiakin awa, Babilon wanppa awa ukka laih me dayak danab daakkunu ukkom, maɗ amuppan digma ukke, maɗ 36 uue, maɗ 37 ooppa danab onig Ewil Merodak nug Babilon dilag king abenab awom. Nug awa, nug he, ag Juda dilag king Jehoiakin maniguittakppanu aon meeg, dimittim uɗiom. King Ewil Merodak nug maɗ amuppa kalam 12ppa, deɗ 27ppa anam heum.

Genesis 7:4

Aɗinu? Deɗ eblaih aɗit uueb amu, da heppi, gu okkai na, amun 40, tuqan 40 ele daakku amunu, keeke oh da hatti, wanppa bau daatteb ele, am iitta mekkulag,” awa aum.

Genesis 40:1

Aria, haen ukke dimppa, Isip dilag king, nuhikuɗ ehanittak anuqak danab aɗit, laa nug wain babaitta Paro mettak anuqak danab dayeye, laa nug bret haattak anuqak danab dayom amu, aa heeh, Paro nug ahilahnu eheɗ doyom

Genesis 40:12

Nug anam a amu, Josep nug aum. “Tul niiak amunu diig am inam. Muɗi grep eppeg ewam am deɗ ewam ippunidtte.

Genesis 40:14

Amge haen na gona ena daanna amu, na dahilnu daut aib atiom. Na gona daanna, na dahilnu oo mauhaknab doon ehaniɗkkutnu, na Paro dahilnu amegppa appe, nug doya, da maniguittak imuppanu uhuqiɗkkunu oɗ medattem.