Genesis 39:17 - Nobonob Baibel

¹⁷ Nug gamu uɗie, amegppa nai imu mattiom. “Hibru begbeg maɗi nid na aon uɗime ele amu, nug gemu dagattolppa da aɗailkkunu uɗiom.

Genesis 39:17 Referans Kwoze

Eksodas 23:1

Aria, laa amu, laa ag hambuppuak nai laa mattiglag dayeb, ag nai genab iitta amu aib tuɗidppeg okkai meum! Amu danab nug nau heeb, laa ag nug hettoɗiakppa meppeg dayebeb amu, aria ag nug ehanidna, nai hambuppuak, ‘Nug eheɗ laa ii heum,’ aib appig!

Matyu 26:65

Jesus anam a amu, mana mettak ikki danab nug lamen nuhig aɗa pattiɗa, nug aum. “Nug Kayaknu dabittak nai maditte! Ig aɗi heehe anttomnu mattiak danab laala danab imu eheɗ heumnu mattiglagnu ii mattimta. Iikku elele. Nug Kayaknu dabittak nai aum amu, ag aakku dooppig.

Prowerb 19:9

Danab nug hettoɗiakppa laa aɗi heehe anttomnu mattiak danab daatte, nug nai hambuppuak akku dayeb am, nug bu aokku. Ao, danab nug hettoɗiakppa nai genab ii akku dayeb amu, nug mauhkku.

Prowerb 19:5

Hettoɗiakppa laa aɗi heehe anttomnu mattiak danab daatte, nug hambubukku dayeb amu, nug bu aokku. Ao, danab nug hettoɗiakppa nai genab iitta madikku dayeb amu, nug guittak iitta ele gokkunu elele iitta.

Prowerb 12:19

Doyak diig genabib amu hanhan enaib daatte; amge hambuppuak nai am pahanab iitta mette.

Sam 37:14

Am nau hak danab ag daɗek danab, danab ah keekenu tutu mak ele, ag ag aqaglagnu, ag qep elab ahilkad diin, lat ele omanadtteb. Ao, genab tutukku hak danab ah dilagnu amu, nau hak danab ag ag aqaglagnu, ag qep elab diin, lat ele omanadtteb.

1 King 18:17

Haen Ahap nug ukka, Elaiya antta amu, nug aum. “Am genab na, na Israel uug madattem danab, am nate aakku?” awa oɗ mettom.

Eksodas 20:16

Na hettoɗiakppa, aben laa oh eleppa, na layapnu nai hambuppuak aib mattime.

Genesis 39:14

nug nuhikkud maɗi nid lakka uɗat heppig ele onilagppa e uɗieg, amelagppa aum. “Imu antteg! Danab dahil nug Hibru ted amu ihinigppa kobol eheɗ hekkunu awa uɗiom. Hibru danab nug da aɗailkkunu heum, amge da emi.

Genesis 39:16

Anam ana amu, nug Josepnu lamen aɗa dayeye, Josepnu danab okkai nug lakka uɗiom.

Genesis 39:18

Uɗiom, amge da ei, nug paha lamen nuhig da heqolppa uua, oola dimittim ukkom,” awa aum.

Prowerb 26:28

Danab nug laa dilagnu hambuppak nai mattiaya, guittak madatte amu, nug amu dilag nau ninig ele dootte; amu laa nug laanu oo eeɗaknu ittag nai maditte amu, laa amu nug nai amunu ena doya aotte dayeb, nug padal mette.