Genesis 38:26 - Nobonob Baibel

²⁶ Nug keeke amu me ukke, Juda nug genab nuhig keeke antta, nug aum. “Da eheɗ okkai hemi. Ah imu nug eheɗ okkai anambia ii heum. Da nid danab dahil Sela, aa ewau matulak aoglahnu ii mettami,” awa aum. Anam a amu, nug ah amu ele baula ii oipiɗ.

Genesis 38:26 Referans Kwoze

1 Samuel 24:17

Nug gayaya aum. “Na amu, na am genab tutukku hak danab, da eɗilak. Aɗinu? Da nahipnu eheɗ hemi, amge na am dahilnu ena heme.

Jon 8:9

Aria, danab nai anam doona, ag laippu laippu dimittim gona malappig. Kaino ag tatam anuqna dimittim waeg, laala dim goppig. Ukkaeg Jesus Nugib dayeye, am ah nug ele Jesus noobppa hibaitta dayom.

Rom 13:12

Tuqan iitta mekkunu hette; wagɗak bekkunu miagnab daatte amunu, ig gatatunu kobol oh dimadatta, ig amahlaknu bannu bala aot beɗunigppa metu!

Rom 3:19

Anam amu, danab laippu laa nug, “Da am genab tutukku hak danab,” akkunu elele iittanab daakkunu, danab oh wan atu ohppanu ag Kayaknu epeɗiak waappa daaglagnu, ig ɗo nai nug aɗi atte amu, nug danab oh dilagnu atte doottem.

Matyu 3:8

Ag oolag eɗueb, kobol ena dim lamitteg!

Habakuk 1:13

Amge, O Yawe, na laa nug eheɗ hette ele anidna, ‘Am nai iitta,’ o, ‘Elele hette,’ na keeke amubia iinab dabmettem. Ao, na kobol nau ohnu uun autna autnanab aottem. Anam amunu, diig aɗinu na danab ag kobol naunab laa hekkulagnu henana, ag laa amelagppa nai ena mattinna, ag dimppa kobol nau hekkulagnu dabmetteb ele amu, diig aɗinu na ag paha bu ii madattem? Ge, nau hak danab ah ag genab tutukku hak danab eheɗ hattana, ahilkad keeke aon oitteb, amu diig aɗinu na nau hak danab ag amu hemananu ahilag ib hee, keldoak ii daatte amu, da ool ii maidtte.

Esekiel 16:52

Danab ag na apan, makkep ele anatna, ‘Ah nau,’ alob, amge ag na anidna, ag ahilahnu, ‘Ah ena bia,’ appig amunu, na nahip hipunin uɗig wak naunu uɗa nak nau guittak ele doye! Nahip hipunin am naunab nau amunu, na apan, makkep ele aa am danab laa dilag neekkakppa nakok ah ena bia daattep, na am nauib daattem. Anam amunu, na hee, na apan, makkep ele aa ah ena bia danab dilag neekkakppa anat-tteb, diig amunu na uɗan naɗ! Na uɗa nak nau guittak ele doye!

Job 40:5

Da matu nai mattimi, amge da nob baula ii mepa. Genab, da haen aɗit nai mattimi, amge da baula nai ii madipa,” awa aum.

Job 4:5

Na ag anam ehanadme, amge gemu uug laa nahip-ppa be, nahip dabmak am qe nak daatte. Yo, uug amu na nitte, na oot uug nau qak daatte.

2 Samuel 24:17

Amu haen Dawit nug engel danab ah aqom antta amu, nug Yawe amegppa aum. “O Yawe, daib hipunin hein, eheɗ hemi. Imu ag am sipsip bia aakkuib. Ag aɗi eheɗ heppig? Iitta. Da eheɗ hemi. ⌊Da hipunin hemi amunu, na anam hekkutnu anidttem dayeb,⌋ na da, da baeladppa ele iqakkutnu ool hette,” awa aum.

2 Samuel 20:3

Am King Dawit nug eɗua, nuhig lag enanagnab, Jerusalem dayom amu, nug appa ta, nug wauud amge wauudnab iitta eblaih tanig ele, nug ag daanna, nuhig lag enanagnab, amunu keeke ele atognoadkkulagnu uuatte daappig amu, nug ag lag laappa, ag lag amu uun oiglagnu elele iitta, nug ag appa maatte, piɗe anam daappig. Dawit nug ag ele baula ii niippig, amge nug he, ag ee keeke, elele daappig, keeke laanu tutu ii daappig. Ag ah qab bia anam daaeg ukke, mauhppig.

2 Samuel 16:22

Ahitopel nug anam a, Apsalom nug ena doya, nug he, ag peh lag king laug attan, koɗokko uɗem ukkakppa heppig. Ag anam heeg, appa Israel oh noolagppa Apsalom nug mameg wauud amge wauudnab iitta ele niippig.

Genesis 38:14

Nug anam a, Tamar nug ah qabnu lamen uɗa, lamen laa takkowa, lamen teppu iitta, amuppa Juda anidmanu iɗu hauta, Timnanu ukkak ibppa, aab onig Enaim taknu ib oɗatleppa dayom. Sela nug ena ma malom, amge Juda nug he, aa ewau matulak ii aopiɗ doyom amunu, Tamar amu heum.

Genesis 37:33

Nug antta amu, nug Josepnu doyom. Doya amu, nug aum. “Am genab, Josepnu. Doɗ dakkuɗ laa nug Josep qa la, iitta meum,” awa aum.

Genesis 4:1

Adam wau ele aa dad dimittim anam daaya, aa oiyya Ewa nug oo ele daye, geha nug Kain menuom. Menua, nug aum. “Yawe Nug da ehaniɗe, da nid danab imu aomi,” awa aum.

1 Samuel 24:18

Gemu, geha iikku, Yawe Nug da na eppenppa meiɗom, amge na da ii niɗe mauhmi. Kobol amuppa na hak ena nahip dahilnu hettem amu, na da ippuniɗme.