Genesis 38:16 - Nobonob Baibel

¹⁶ Anam ana amu, nug ah amu nug ahipa ii doyom amunu, nug gumitta wa, amegppa aum. “Ahappe, da ele oiɗu,” awa aum. Nug anam a amu, ah nug eɗua nug oɗ mettom. “Da na ele oignihnu amu, na nob aɗi meɗakkut?” awa oɗ mettom.

Genesis 38:16 Referans Kwoze

1 Timoti 6:10

Keeke eheɗ ohnu diig laa am enubnu oo mauhak kobol. Danab laala ag enub ele daaglagnu wagai metteb ele amu, ag aakku ooppa genab doyak kobol uuna, uug kuɗum aakku aoppig daatteb.

Matyu 26:15

Nug ukka oɗ meum. “Da Jesus ag eppelagppa meppi amu, ag aɗi meɗaglag,” awa oɗ meum. Nug anam a amu ag silwa men doɗo 30 mettaglagnu ebqeppig.

2 Samuel 13:11

Nug Amnon lakkunu awa ukka, medakkunu heum, amge Amnon nug bret ii awom. Iitta. Nug Tamar aɗa aum. “O da appinal, doppe i niiɗu!” awa aum

Esekiel 16:33

Ib baag ah ag ahilag hak amunu men doɗo aotteb, amge na laa laih ohppanu ag uɗin, na ele niiglagnu, na ag keeke ena, gol, silwa, keeke, na keeke amu ahilag daakkunu hamu madattem. Amuppa ag na ele niiglagnu na lokkumakppa eheɗ haknu ehanittak mattan, eeɗadttem.

Duteronomi 23:18

Yawe, ahilag Kayak, Nug ib baag ah, ib baag danab ele, Nug ahilagnu am ooppa uuaknab dootte amunu, danab o ah amunu laa ib baag kobol hakppa men doɗo awa medakku dayeb, na men doɗo amu aon, Yawe, ahilag Kayak, Nug laugppa gona, Yawe keeke genab medakkutnu nahip nai anan ɠagattag qettan ame ele, na amu Yawe men doɗo amuppa medakkutnu aib meme.

Genesis 38:15

Nug appa dayaya, iɗu hautom amunu, Juda nug dabmakppa, “Ib baag ah laa aakkutai,” awa aum.

Genesis 38:17

Anam oɗ mette amu, Juda aum. “Dimppa da meeme nag laa meppi uɗikku,” awa aum. Awa a, ah nug oɗeppa awa aum. “Dimppa na meeme nag amu genab meɗakkutnu amu, na aɗi keeke laa at daakkunu geha iikku meɗakkut?” awa oɗ mettom.