Biblia Todo Logo
Bib sou entènèt

- Piblisite -




Genesis 37:28 - Nobonob Baibel

28 Ag nai anam qakkaeg, Ismael buɗub ag keeke laihnu awa dadennu mak danab amu, ag uɗieg, Josep awakkud ag Josep humaeg be, Ismael buɗub mattaeg, ag 200 gram silwa madappig. Anam daden mewona, ag aon Isip goppig.

Gade chapit la Kopi




Genesis 37:28
25 Referans Kwoze  

Aria, ig alankad ag Josepnu, ihinigppa anam daalon dabmak aɗan daan, ag nug aon, danab laa mattaeg, men doɗo mattanna, ag aon, Isip goppig. Ag nug aon ukkaeg, appa nug laanu begbeg maɗi nid dayom, amge Kayak Nug Josep dabmedette,


Amge amu ii nak haenppa Nug he, laa nug Isip anuqa ukkom. Amuam Josep. Nug awakkud ag heeg, laa nug begbeg maɗi nid daakkunu daden mena aoppig. Danab ag nug daden mena aoppig ele ag aon Isip goppig.


aa nid danab eblaih laippu ele menuadpiɗ. Ag onilag am Simran, Joksan, Medan, Midian, Isbak, Sua ele.


Nug ukka oɗ meum. “Da Jesus ag eppelagppa meppi amu, ag aɗi meɗaglag,” awa oɗ meum. Nug anam a amu ag silwa men doɗo 30 mettaglagnu ebqeppig.


Ag anam heegeg amu, Ismael buɗub Midian wanppa daappig ag Josep aon gona meeg, Isip danab onig Potipar, Paronu ehanittak anuqak danab, nug danab laa Paro gumappig dilag okkai amu, nug Josep daden ma awom.


Moɗppa dayeye, nug awakkud ag daanna, ee laegeg, Ismael buɗub Midian wanppanu laa ag Gileatnu uɗin, Isip gokkulagnu doeg, kamel ahilag ag spais digdig, marasin, amu mir ele maon ukkaegeg, Josep awakkud ag danab amu anadna,


Amuppa amu, anukka propet Jeremaia nai laa mattiom, nai amu elele mettom. Nug aum. “Israel ag silwa men doɗo 30ppa nug daden mekkulagnu nai qagappig amu, ag silwa men doɗo 30 amu aon,


Wan laappan danab ag en mawadna uɗiglagnu ag kamel bau kuɗumnab qaɗelagppa maadna uɗippeg, ahilag kamel am ag Juda, ahilag wan tonaglag. Danab amu ag Midian wanppanu, Epa wanppanu ele uɗiglag. Seba danab ag gol, prankinsens ele aon uɗinna, ag Yawe binag mekkulag.


O Kayak, amu oh ag eheɗ hekkulagnu atteb amu, na Midian danab ah eɗadme, na amubia eɗadkkutnu oɗ medattem. Ao, na Sisera, amu Jabin ele dilahppa Kison Leppa heme bia hena eɗadkkutnu unuqidttem.


Da ag ii gumadpa, amge da keeke laippunu laa ool daye, da amunu ag oɗ madattem. Ag anen anen oh ag, da daulagppan bid, ag ban henan, kekeɗ eɗadna, ahilagppanu diippig, ag amu meɗaglagnu oɗ madattem,” amelagppa aum. Aɗinu nug anam aum? Ahilag kekeɗ amu Ismael danab amunu, ag ahilag kobolppa ag daulagppan bid golppa hak daulagppa meppig.


Gideon nug keeke amu oh ha male, Israel danab ag amegppa appig. “Na ig ehanigna, Midian danab eppelagppan eɗun awigme amunu, na ihinig gumak danab daakkut! Na, na bekkat, na alan danab, ag oh geha ihinig gumitta danab daaglag,” aon appig.


“Ag Israel, ag Midian danab dilagnu, ‘Ag am ihinig kekeɗ,’ doon aqeg! Aɗinu? Midian ag, ag Israel danab ah, ahilagnu kekeɗ doon, eheɗ hadappig. Ag ag Israel kuɗum buppualattegeg, ag Peornu hambuppuak kayak Bal noobppa dup nona binag meppig. Ele amu Kosbi, nug ag tiilag laa, nug am Midian danab okkai laa aɗeg, nug aɗi kobol heum, amuppa ag Israel, ag ahilagnu ‘Kekeɗ ihinig’ doon, aqeg! Nuhignu amu, haen Israel ag Peornu hambuppuak kayak Bal noobppa dup nona binag meppig, dimppa oɗe nau danab kuɗum aqe mauhtteb ele amu, oɗe amu beum, amu Pinias nug haen amuppa ah amu qe mauhom,” awa aum.


Amu ah qe mauhom amu, nug am Midian ah onig Kosbi. Nug am Sur aɗeg. Sur nug am Midian ted, amu nug baegppan okkai laa dayom.


Midian wan amuppa amu, mana mettak danab laa dayom, ⌊nug onig Jetro⌋. Nug am aɗekkud eblaih aɗit ele. Ah amu ag ⌊hanhan⌋ uɗin, ag mamelagnu sipsip, meeme ele le lakkulagnu ⌊le moɗ amuppanu⌋ le itan, doɗ dilag le lanak tappiɗppa gokkaɗeg noum.


Aria, Ismael danab ag Josep aon, Isip gona meeg, Potipar nug daden meum. Potipar, nug Isip danab, nug Paronu ehanittak anuqak danab laa, nug daup ag Paro gumappig dilag okkai ele.


Jakop mauhe, bekkod Kanan wanppa boumona, ag eɗun Isip gona, dimppa haen Josep awakkud ag mamelag mauhom dabmena amu, ag akka akka nai inam madippig. “Josep nug ig keeke oh nuhigppa hemut, amunu ooppa aikkak dayeb amu, nug nob megakkutai,” aon appig.


Aɗinu? Anukka laa ag Hibru wanppanu aɗailna awiɗna uɗieg, iikku daattem. Amu ippa ele da maniguittak nau gatatu ele imuppa daakkulnu kobol eheɗ laa ii hemi,” awa aum.


Am danab laa nug danab laa lokkumakppa aɗa, nug begbeg maɗi nid daakkunu meeb, laa nug nuhig begbeg maɗi nid daakkunu daden mekku anidna amu, aria ag danab nug laa aɗom ele, ag nug qeppeg mauhaɗ! O nug danab amu lokkumakppa aɗa, laa nug nuhig begbeg maɗi nid daakkunu daden mekkunu dabmette, amge nug amu ii ha malom, nug danab amu aakku aɗa daatte dayeb anidna amu, ag nug layag aɗom ele qeppeg mauhaɗ!


Am nid danab nug maɗ nuhig tanig ele ukka maɗ 20 ele gamagmag anam ele dayeb, ag 200 gram silwa da meɗaglagnu daatte. Nid ahin nug maɗ nuhig tanig ele ukka maɗ 20 ele gamagmag anam ele dayeb, ag 100 gram silwa da meɗaglagnu daatte.


ag muɗippa nug eeɗeg ba, dimittim beum. Nug ba, dimittim uɗia, nug aakku daup king gumappig laulag haɗap-ppa dayom.


Swiv nou:

Piblisite


Piblisite