Genesis 37:15 - Nobonob Baibel

¹⁵ Nug Sekem ukka, nug appa dad okkaippa taliliatta oiyeye, danab laa nug antta oɗ mettom. “Na aɗi madittem?” awa oɗ mettom.

Genesis 37:15 Referans Kwoze

Ikki Danab 4:22

Am haen Barak nug Sisera lamitta ugekke, Jael nug ukka, uɗa teum. Nug ukka, uɗa ta, nug amegppa aum. “Doppe, da na danab aun na nug madittem amu, da nug ippunidkkul,” awa aum. Nug anam aum amunu, Barak nug dim lamitta, peh ooppa ukka, nug Sisera appa pehnu pin elabppa, heqota atulak ele mauha niieye anttom.

Jon 20:15

Maria eɗua Jesus antte, amu Jesus nug oɗ mettom. “Ah, na aɗinu gaattem? Aun madittem?” oɗ metta aum. Oɗ mette amu, Maria nug nukka, nug ooppa, danab amu nug dad amu mameg dabma, nug amegppa aum. “Danab naɗi, natai aon gome? Anam dayeb amu, na adeppa meme da amelppa appe, da ukken aokkul,” awa aum.

Jon 18:7

Ag nena qeeg amu Jesus Nug baula oɗ mattom. “Ag aun maditteb?” awa aum. Anam a amu ag appig, “Jesus Nasaret ted,” aon appig.

Jon 18:4

Jesus Nug keeke oh nuhigppa hekkulag amu oh doya malom amunu ag uɗieg, Nug guguatta wana oɗ mattom. “Ag aun maditteb?” awa aum.

Jon 4:27

Jesus anam aawo, haen amuppa nuhikkud ippunittak awak danab ag eɗun uɗin, Jesus Nug ah ele nai mattieheh anatna, ag dabmak kuɗum aoppig, amge laippu laa nug ah amegppa, “Na aɗin oot hette?” awa oot ii mettom. O iitta, laa nug Jesus amegppa, “Na aɗinu nug ele nai madittep?” oɗ ii mettom.

Jon 1:38

Jesus Nug eɗua anata, Nug aum. “Aa aɗi madittep?” awa aum. Nug anam a amu, aa apiɗ. “Rabi, na adeppa daattem?” aoi apiɗ. Rabi eɗuak am ippunittak danab.

2 King 6:19

Yawe anam he, Elisa nug Aram ban danab gumatta ukka, inam amelagppa aum. “Ag aab laa, amuppa gokkulagnu oolag daatte ele, ib amu ag ootot aqom. Imuam aab ag gokkulagnu hetteb ele, am aab amu iitta. Ag ib imuppa aab amuppa gokkulagnu, am ele elele iitta. Amge ag ahan, da dim lamiɗppeg, geha da ag omaladppi gota, danab ag anidkkulagnu maditteb ele amu, ag anidkkulag,” awa aum. Nug anam awa a, ag ahan, Elisa dim lamitteg, nug ag omalatte, Samaria aab okkaippa goppig.

Genesis 21:14

Kayak Nug anam a amu, deɗ amu uue, wagɗe buttuanab Abraham nug ee laa, amu nippud doɗ gaɗappa hak ele awa, le ita, keeke amu oh Hagar gugappa mewowa, amu he gopiɗ. Hagar nug ukka ukka, atu taɗak onig Berseba, amuppa hamu oiyom.

Genesis 37:14

Josep anam a amu, Jakop nug amegppa aum. “Na gona, awanad anatte! Ag ena daattebtai, amu doɗ ag ele ena daattebtai, na amu anatte! Anattona amu, na eɗun uɗin, appe dookkul,” awa aum. Anam awowa nug he, Josep nug Hebronnu oolnu noak uua, Sekem gokkunu ukkom.

Genesis 37:16

Awa oɗ mettom amu, Josep nug aum. “Da awalad doɗ gumattegeg anadkkulnu oittem. Ag adeppa daatteb amu, na appe dookkulnu eleletai?” awa aum.