Biblia Todo Logo
Bib sou entènèt

- Piblisite -




Genesis 37:14 - Nobonob Baibel

14 Josep anam a amu, Jakop nug amegppa aum. “Na gona, awanad anatte! Ag ena daattebtai, amu doɗ ag ele ena daattebtai, na amu anatte! Anattona amu, na eɗun uɗin, appe dookkul,” awa aum. Anam awowa nug he, Josep nug Hebronnu oolnu noak uua, Sekem gokkunu ukkom.

Gade chapit la Kopi




Genesis 37:14
22 Referans Kwoze  

Aria, Jakop nug aha, nug mameg Aisak Mamre dayeye, nug nug gumitta noa dayom. Mamre am aab laa onig Kiriat Arba guguittak dayom. Kiriat Araba onig laa am Hebron. Anukka Abraham, Aisak ele Hebron appa daadpiɗ.


Nug aum. “O gadon, ag maɗoɗ daaglagnu ib ii dootteb. Uug awak haen ahilag am miagnab, amge ag attemun maɗoɗ daaglagnu ib amu anidlob, ag uug amu ii anidlob, amge ib amuam ag amelagppa lokkumak daatte.


Amge, O Yawe, na laa ag hipunin hetteb ele hadappe nauhppeg, na laa ag kobol kaliak dim lamidtteb ele, na amu ele hadappe nauhkkulagnu oɗ medattem. Israel ag maɗoɗ aon dayeg!


Da hei, ag Babilon appa diia ukka laih me dayak danab ah daatteb, amu ag appa aab okkai attenppa daatteb amu, ag aab amu maɗoɗ, keeke kuɗum ele daakkunu uɗat heig! Ag da, Yawe, ag da aab amu ehanidppi, ena daakkunu unuqiɗeg! Aɗinu? Aab amu ena, elele daakku dayeb, ag ele ena, elele daaglag,” awa atte.


Danab aɗit amu hamu qe mauhaknu aab am, hanhan Joap, amu nug buɗub dimppa bekkulag ele, ahilagppa daakkunu ool daatte. Amge Dawit, nuhigppa, amu nug buɗubppa, amu nug abenabppa ele Yawenu maɗoɗ am hanhan daakkunu ool daatte,” awa aum.


Nug anam a, king nug oɗ mettom. “Ge, nid bau Apsalom, nug ena daattete?” awa oɗ mettom. Nug oɗ mette, Kus danab nug aum. “Na dahil naɗi, dahil king, nahipad kekeɗ laa oh ag na eheɗ heidkkulagnu ahaglag ele amu, ag oh nid bau amubia daaglagnu ool daatte,” awa aum.


Kalep nug anam aum amunu, Josua nug Jepune bekka Kalep ititta, Hebron nug aug daakkunu nug mettom.


Ag wan laih laa onig Negeb oppatna gona, Hebron aabppa teppig. Hebron appa amu Ahiman, Sesai amu Talmai, ag am Anak buɗub, ag appa daappig. Danab ag Hebron aab kalaeg, maɗ eblaih aɗit uue, Isip wanppa appa danab ag aab onig Soan kalappig.


Nug anam a amu, Josep nug aum. “Da mehuqkkulnu elele iitta, amge keeke na dookkutnu oot hette amu, Kayak Nug na ippunitteb dookkut,” awa aum.


Ag anam aeg, Jakop nug aum. “Laban ena daattete?” oɗ mattom. Oɗ matte amu, ag appig. “Ao, ena daatte, amu nug aɗeg Rahel am uukku, sipsip nuhig diia uɗitte,” aon appig.


nug Kanan wanppa aab onig Kiriat Arba onig laa Hebron, nug appa mauhom. Mauhe amu, Abraham nug Sarah mahidkkunu ukkom.


Yawe Nug anam a amu, Abram nug aha oiyaya, Hebron appa nug danab laa onig Mamre, nuhig ad ok daappig, aben amuppa nug peh lag nuhig qappowa dayom. Appa ele amu, nug Yawe noobppa dup noa binag mekkunu qaɗab qeum.


Am Kalep nug Anak danab Hebron daappig ii lamattom haenppa uɗiak, haen imuag amuppa danab ag aab amunu Kiriat Arba appig. Onig amuam Anak danab onig, binag okkainab, laa oh eɗattak ele onig Araba, nug onig ataɗppig. Israel ag wan amu oh aɗadna malana amu, ag maɗoɗ daappig.


Abraham wan amu awowa, nug ah nuhig Sarah wan men oɗe onig Makpela, amuam Kanan wanppa, Mamre guguittak, Mamre onig laa am Hebron amu, nug appa boumom.


Nug Sekem ukka, nug appa dad okkaippa taliliatta oiyeye, danab laa nug antta oɗ mettom. “Na aɗi madittem?” awa oɗ mettom.


Jepune bekka Kalep, Kenis ted, nug meu ohppa Yawe, Israel dilag Kayak, Nug dim lamittom amunu, Hebron, am nug buɗub dilag ina daatte.


Amu Juda ag banelag gona, Hebron, anukkan onig am Kiriat Arba amu, ag appa noeg, Kanan danab ag appa daappig, ag ag ele ban heppig. Hebron appa amu ag Sesai, Ahiman amu Talmai ele, ag ag, ahilkad ban daup ele eɗadppig.


Uraia nug uɗia te, Dawit nug Joap attem dayomnu oɗ metta, daup ag ele attem daappignu oɗ metta, ban amu attem ukkomnu ele oɗ mettom


Ag anam heeg, Josep nug ag amelagppa nai ana, oɗ mattom. “Ag ena daattebte? Ag mamelag kaino daattenu anukka amelppa appig amu, nug ena ana daattete, o iitta mauhomte,” awa oɗ mattom.


Aria, Dawit nug haen amuppa ukka, bannu abenppa ta, nug ee mameg me awa ukkom amu, nug ee amu ban danab dilag ee gumak ikki eppegppa mewowa, nug qaiqaɗ ban danab daappigppa ukka, awakkud anatta humattom.


Deɗ ohppa Mordekai nug ukka, haɗap-ppa, king wauud laulag guguittak appa oiyaya, Estanu oɗ maama, nuhigppa attem laa bettete, nug amu dookkunu oittom.


Swiv nou:

Piblisite


Piblisite