Genesis 36:33 - Nobonob Baibel

³³ Bela mauhe, Sera bekka Jobab nug abenabppa king ba dayom. Nug Bosra ted.

Genesis 36:33 Referans Kwoze

Jeremaia 49:22

Antteg! Ai igel hagagaɗa oiyaya, doɗ aokkunu noa ukka, eɗua tette, amubia kekeɗ ag Bosra danab ah diiadppeg, ag eppelagppa daaglag. Amu beeb, deɗ amuppa Edom dilag daup ag ah nid aokkun hette bia daaglag.

Jeremaia 49:13

Amu Yawe atte. “Da dakka, da onil awen, dahil nai ɠagattag qetten, da attem. Kekeɗ ag heppeg, Edomnu aab Bosra nauhakib daakku. Danab ah laa ag amu anidna, ag ameg iɗuak doon, ag Edom danab ah aon aon aqanna, ag Edom danab ah eheɗ laa awaknu anak waappa daaglagnu anana oiglag. Amu Edomnu aab oh amu nauhattak hanhan daaglag.” Yawe Nug anam atte.

Maika 2:12

Yawe Nug tuɗitta atte. “O Jakop buɗub, genab da ⌊ag bu madakkul, amge dimppa da⌋ ag oh qagmaadppi, ag eɗun daaglag. Ao, da genab heppi, Israel danab ah ag oɗo yaak daaglag amu, ag eɗun laippu daaglag. Da am sipsip gumak danab sipsip aɗ ooppa qagmaadtte bia, da Israel danab ah qagmaadkkul. Ao, sipsip gumak danab nug gikkiɗah dad okkai sipsip gikkiɗah lattebppa, nug appa qagmaadtte bia, da Israel danab ah qagmaadkkul. Da anam heppi, ⌊dahilad⌋ danab ah ag appatppeg, wan imu ambak daakku.

Amos 1:12

Edom danab ag anam heppig amunu, da heppi, Edom dilag aab Teman aab eweb; Bosranu aab aɗ ɠagattagnab ele, aab amu ele ewatteb, iitta mekkulag.” Yawe Nug anam atte.

Aisaia 63:1

Laa nug Edomnu uɗitte am aun? Nug Bosranu, lamen kokoɗnab laittak ele uɗitte, amge nug am aun? Nuhig lamen am enanagnab, me nug am aun? Nug danab ɠagattag okkai naɗi ele, amu nug huana tappa uɗitte. Danab amu nug nukka, nug am aun daattenu am inam atte. “Imu da, da aɗi madittem amu, nai amuam genab tutukkuib. Da danab ah padal memananu ehanadkkulnu ɠagattag elelenab ele,” awa atte.

Aisaia 34:6

Tiig am Yawenu qep elab aeg am laidkku. Ao, ittag Nug qep aeg laidkku. Sipsip nag tiilag, meeme tiilag ele qep elab aeg nuhig laidkku. Ao, sipsip dawai aɗita doɗonu ittag am qep aeg laidkku. Nuhig qep elab aeg anam daakkunu diig am, Yawe Nug mana mettak okkai Edom wanppa aab onig Bosra appa daakkunu dabma, bekkunu mattia malom. Ao, Edom wanppa am mauhak huanaknab daakku.

Genesis 36:32

Tatam Beor bekka Bela, nug Edom dilag king dayom. Nuhig aab okkai am Dinhaba.

Genesis 36:34

Jobab mauhe, Husam nug abenabppa king ba dayom. Nug Teman wanppan danab.

Jeremaia 48:24

Keriot, Bosra ele. Ge, Moap aab oh, aab laala uma daatteb, laala miag daatteb amu, ag oh bu aoglag.