Genesis 36:20 - Nobonob Baibel

²⁰ Hor danab onig Seir, nug wan atu amuppa dayom amu, nug bekkod am Lotan, Sobal, Sibeon, Ana,

Genesis 36:20 Referans Kwoze

Duteronomi 2:22

Yawe Nug Esau buɗub ag Seir daatteb amu, Nug ag ehanattom bia Amon danab ehanattom. Nug he, Esau ag Hor danab lamadna hattaeg nauhppig amunu, Esau buɗub ag ahilag wan aon daappig. Ag wan amu aon daaeg uɗie, gemu ⌊nai imu yaak haenppa⌋ ele daatteb.

Duteronomi 2:12

Anukkanab, Hor danab ag tatam Seir appa daattappig, amge Esau buɗub, ag danab amu lamadppig. Ag amu hena, hattaeg nauheg, ag wan ahilagppa daappig. Seir danab amu ag, ag Israel ag Kanan hattaeg nauheg, ahilag wanppa daappig bia, danab amu hattaeg nauheg, ag ahilag wanppa daappig. Yawe Nug Kanan wan amu Israel ahilag daakkunu mattom.

Genesis 14:6

Hor danab ele, ag Seir wanppa laih qauko qauko eleppa daappig amu, ag ag ele eɗadna, aben laa onig Elparan, atu taɗak guguittak daatte amu, amuppa batappig.

Genesis 36:2

Esau nug Kanan ah aɗit diiatom; aa onilah am Adah, Oholibama ele. Adah amu, nug Hit danab onig Elon aɗeg. Oholibama amu, nug mameg onig am Ana, amu nug alag am Hiwi danab onig Sibeon.

Genesis 36:19

Amuam Esau, onig laa Edom, nug alakkud onilag. Ag aab ikki anen anen mamelkad daappig.

Genesis 36:21

Dison, Eser, Disan ele. Seir bekkod amu ag Edom wanppa daanna, ag Hor danab dilag aab ikki anen anen mamelkad daappig.