Genesis 35:23 - Nobonob Baibel

²³ Jakop nug bekkod 12 ele. Lea bekkod am Ruben, nug Jakopnu nid danab naanaeg, Simeon, Lewi, Juda, Isakar, Seblon ele.

Genesis 35:23 Referans Kwoze

Genesis 33:2

Mattowa amu, nug wauuɗ amge wauuɗnab iitta aɗit, amu nid ahilti ele anuqakppa maattowa, nug Lea, nuhikkud nid ele ag dimulagppa maatta, nug Rahel, nug bekka Josep ele amu dimnab, ag oh dimulagppa maatom.

Aposel 7:8

Kayak Nug anam aum dimppa, Nug nug tituana nai qakkak ha, ɗo laa Abraham metta, Abraham amu nug buɗub ele ag oh gaɗalag otaɗadkkulagnu aum. Kayak aum amunu dimppa Abraham nug bekka Aisak menua, deɗ eblaih ewamppa gaɗa otaɗom. Aria, Aisak nug Jakop menua, gaɗa otaɗe, Jakop nug dimppa bekkod 12 menuatta, gaɗalag otaɗom.

Genesis 29:31

Aria, Yawe Nug Jakop Rahelnu oo huanak mauhom, amge Leanu oo anam ii mauhom amu, Nug amu anttom. Nug anttom amunu, Nug he, Lea nug nid aokkunu elele dayom, amge Rahel nug am ah mattoi.

Eksodas 1:1

⌊Aria Israel, onig laa Jakop, nug bekkod ele ag Isip gona daappig, ag, amu ag buɗulkad ele dilag kaya am inam⌋. Jakop bekkod ag Jakop ele oh Isip goppig amu, ag onilag am inam. Ruben, Simeon, Lewi, Juda, Isakar, Seblon, Benyamin, Dan, Naptali, Gad, amu Aser ele. Jakop nug bekkod baelkadppa ele oh Isip goppig.

Genesis 29:16

Amu Laban nug aɗekuɗ aɗit ele, tatamnu onig am Lea, gehanu am Rahel.

Genesis 49:3

Ruben na am dahil nid naanaeg. Ao, na am matunu amunu, na da abenal aon daakkutnu daame. Da danab memi amu, keeke amunu na at daattem. Ao, na binan okkai, ɠagattag ele.

Namba 1:5

Danab ag aa ehanatkkulag ele am, ag onilag iikku. Ruben huuppanu am Elisur, nug am Sedeur bekka.

Namba 1:20

Ruben, nug Israelnu nid danab tatamnu, amu ag nuhig huuppan danab oh, ag maɗ 20, o iitta maɗ 20 eɗittak, ag ban daup ooppa daanna, ban hekkulagnu elele ebaqadppig. Ag, ag onilkad anen anen, ag baelkadppa onilkad, amu ag ahilkad aab ikki onilkad ele waappa yaappig. Amu Israel dilag huu okkai Ruben, huu amuppa, danab amu 46,500 daappig.

Namba 2:3

Mettid haknu peh lagnu, laih kaɗag uɗitteppanu, amuam aam bedeppanu amu, Juda huuppanu danab ag huu naunau anen anen ag ahilag pilak guguittak aben aon, haen tutu dayaknu aab kalan daaglag. Juda dilag ikki danab am, Aminadap bekka Nason. Nuhig huunu ebqak am 74,600.

Namba 7:12

Deɗ digmak ikki danab aun nug mana mettak, amu nuhig keeke ele Yawe mettom, amuam Aminadap bekka Nason. Nug am Israel dilag huu okkai Judanu ikki danab.

Namba 10:14

Juda huu, amu huu laa Juda guguittak haen tutu dayaknu aab kalan daappig ele amu, ag anuqna ahan goppig. Ag ahilag pilak maonna goppig. Aminadap bekka Nason, nug am Juda huunu ikki danab dayom.

Namba 13:4

Ag onilag amu inam: Israel dilag huu okkai Rubennu am, Sakur bekka Samua.

Namba 26:5

Laa imuam Ruben buɗub; Ruben nug Israelnu nid danab tatamnu. Aab ikki laa onig am Hanok. Ag anukkan memettalag onig Hanok. Aab ikki laa onig am Palu. Ag anukkan memettalag am Palu. Aab ikki laa onig am Hesron. Ag anukkan memettalag am Hesron. Aab ikki laa onig Karmi. Ag anukkan memettalag am Karmi.

Namba 34:19

Israel dilag huu okkai anen anenppanu danab otiadkkulag ele onilag amu iikku. Kalep, nug am Jepune bekka. Nug am Israel dilag huu okkai Judanu.

Duteronomi 27:11

Deɗ amuppaib Moses nug danab ah amelagppa haknunab nai imu mattom. Nug aum.

Duteronomi 33:6

Moses nug anam mattia, nug nai tuɗitta, nug Israel dilag huu okkai Rubennu inam aum. “Israel dilag huu okkai Ruben danab ah, ag daanna, ii iitta memananu ool daatte. Ruben huu am kuɗumnab iitta, amge ag iitta mekkulagnu ool ii daatte,” awa aum.

Josua 13:15

Moses nug Israel dilag huu okkai Ruben, nug baegppan wan imu mattom.

Josua 15:1

Aria, Josua nuhig ehanittak ele ag Israel dilag huu okkai Juda, ag baelkadppa ag om ena yaakppa wan madappig amu, wan amunu yau uɗitteppanu tom am Edom, amu atu taɗak onig Sin, tom amuppa batom.

Josua 19:1

Josua nug om ena yaak ebqak aɗit ha antta, om ena yaak ippunittom bia nug wan maha ebqak aɗit Israel dilag huu okkai Simeon baekkudppa, ag aulag daakkunu mattom. Wan amu Juda dilag wan atuppa aakkuib dayom.

Josua 19:10

Josua nug om ena yaak ebqak ewam ha antta, om ena yaak ippunittom bia nug wan maha ebqak ewam Israel dilag huu okkai Seblon baekkudppa, ag aulag daakkunu mattom. Sarit am Israel dilag huu okkai Seblonnu laih yau uɗitteppanu tomppa dayom.

Josua 19:17

Josua nug om ena yaak ebqak waɗele ha antta, om ena yaak ippunittom bia nug wan maha, ebqak waɗele Israel dilag huu okkai Isakar baekkudppa mattom.

Ikki Danab 5:14

Israel danab laa ag Epraim, wan anukka Amalek dilag dayom, appanu neppig. Ao, Benyamin ag laa na dim lamatteg neppig amu, ag ag oolagppa daappig. Makirnu ban daup ikki ag laippuppa tappa ukkak hena noppig. Ao, Seblon ban daup ikki ag ele noppig.

Ikki Danab 5:15

Isakarnu ikki danab ag Deborah ele daappig. Ao, Isakar ag Barak ele daappig. Ag ban hekkulagnu Barak dim lamitteg, wan oolnu noakppa qaiettan wana goppig. Isakar ag anam heppig, amge Israel dilag huu okkai Rubennu danab oolagppa am dabmak laippu iinab dayom.

Ikki Danab 5:18

Amu oh ag anam heppig, amge Seblon danab ag am ban hak abenppa nauhak aoglagnu daappig, amge ag diig amunu ban hak ii uuppig. Ao, Naptali danab ag ele ban hak abenppa anamib aakku heppig.

Rut 4:11

Boas anam a amu, Israel dilag ikki danab, amu laala ele daappig, ag oh appig. “Ig aakku anidta, ig laa aɗi heehe anttomnu mattiak danab aakku daattem. Yawe Nug heeb, Rut, nug ah nahip daakku amu, nug Rahel, Lea ele, ah aɗit amu aa buɗulti am ig Israel danab ah, amu ah amu nug ah aɗit amubia ba dayebeb, na aab ikki onig Eprata, na amu dilag oolagppa, Betlehem aabppan danab ah oolagppa ele, na onin ele daakkutnu oonig daatte.

1 Stori 12:25

Simeon buɗubppanu am 7,100. Ag am ban danab, ban hekkulagnu babaittak daappig.

1 Stori 27:16

Danab imu ag Israel dilag huu okkai dilag okkai daappig. Ruben dilag okkai am Sikri bekka Elieser. Simeon dilag okkai am Maka bekka Sepatia.

Esekiel 48:30

Aria, Yawe Nug anam awowa, nug nai tuɗitta aum. “Amu aab okkai wan gamagppa daatte amu, nuhig okkai laih laih oh am 2,250 mita. Amu aɗ laih waɗele ohppa od daaglag; laih ewam daappeg, laih ele ewam daaglag, oh anamib.

Revelesen 7:7

Israel dilag huu okkai Simeonnu am 12,000, Israel dilag huu okkai Lewinu am 12,000, Israel dilag huu okkai Isakarnu am 12,000,