Genesis 35:22 - Nobonob Baibel

²² Israel nug wan atu amuppa dayeye amu, Ruben nug mameg wau amge waunab iitta Bilha ele niieh, Israel nug doyom.

Genesis 35:22 Referans Kwoze

1 Stori 5:1

Ruben, nug am Israel bekka naanaeg. Nug nid danab naanaeg, amge nug kobol dubuttid ele he, nug mameg wau amge waunab iitta, nug nug ele niipiɗ amunu, ⌊Jakop nug⌋ nid danab naanaegnu binag nuhigppa dayom aɗitta awa, nug bekka Josep bekoɗ matom. Amu diig amunu, Jakop bekka naanaeg, Ruben, nug nid danab naanaeg, amge nug onig nid danab naanaeg abenppa ii daatte.

Lewitikas 18:8

Na aib, na mamen wau ele beɗuppa wanak hepiɗ. Na mamen wau ele beɗuppa wanak hekkulah dayeb amu, na aakku na mamen hunu qelom bia hekkut.

1 Korint 5:1

Aria, laa ag nai laa aeg doomi amu, ag Korint ag oolagppa gappai kobol nau daatte mattieg doomi. Gappai kobol ag hetteb ele am naunab nau! Genab, iitta aɗi danab ag gappai kobol nau amubia ii hetteb. Kobol amuam danab laa nug mameg wau ele gappai aɗattep.

2 Samuel 20:3

Am King Dawit nug eɗua, nuhig lag enanagnab, Jerusalem dayom amu, nug appa ta, nug wauud amge wauudnab iitta eblaih tanig ele, nug ag daanna, nuhig lag enanagnab, amunu keeke ele atognoadkkulagnu uuatte daappig amu, nug ag lag laappa, ag lag amu uun oiglagnu elele iitta, nug ag appa maatte, piɗe anam daappig. Dawit nug ag ele baula ii niippig, amge nug he, ag ee keeke, elele daappig, keeke laanu tutu ii daappig. Ag ah qab bia anam daaeg ukke, mauhppig.

Revelesen 21:14

Aab okkai amunu aɗ ukku am men kuɗum duqe ukkak huu 12 ele. Aɗ nug amu attan daatte. Amu Sipsip Nagnu totol danab 12 onilkad amu, ag men amuppa yaalattak daappig.

Aposel 7:8

Kayak Nug anam aum dimppa, Nug nug tituana nai qakkak ha, ɗo laa Abraham metta, Abraham amu nug buɗub ele ag oh gaɗalag otaɗadkkulagnu aum. Kayak aum amunu dimppa Abraham nug bekka Aisak menua, deɗ eblaih ewamppa gaɗa otaɗom. Aria, Aisak nug Jakop menua, gaɗa otaɗe, Jakop nug dimppa bekkod 12 menuatta, gaɗalag otaɗom.

Genesis 35:18

Nug anam a, Rahel nug mauhkkunu miag dayom amunu, nug nid onig Benoni ataɗom. Ataɗom, amge Jakop nug onig Benyamin ataɗom.

Eksodas 2:1

Amu danab laa, ah laa ele, aa oh am Lewi buɗubppanu, aa ewau matulak aoya daapiɗ.

Namba 10:14

Juda huu, amu huu laa Juda guguittak haen tutu dayaknu aab kalan daappig ele amu, ag anuqna ahan goppig. Ag ahilag pilak maonna goppig. Aminadap bekka Nason, nug am Juda huunu ikki danab dayom.

Namba 13:4

Ag onilag amu inam: Israel dilag huu okkai Rubennu am, Sakur bekka Samua.

Duteronomi 27:12

Haen ag Jodan le mataɗna wana amu, Israel dilag huu okkai Simeon, Lewi, Juda, Isakar, Josep, amu Benyamin ele ag qauko Gerisim appa danab ah itadkkulagnu dayeg!

Duteronomi 27:20

Appeg, Lewi buɗub ag inam akkulag. “Laa nug mameg wau ele gappai aoglah, nug eheɗ laa awaknu anak waappa dayaɗ! Aɗinu? Nug anam hekku dayeb amu, nug mameg hunu qette bia hette,” akkulag. Appeg, danab ah oh ag, “Genab, anam dayaɗ!” akkulag.

Ikki Danab 5:14

Israel danab laa ag Epraim, wan anukka Amalek dilag dayom, appanu neppig. Ao, Benyamin ag laa na dim lamatteg neppig amu, ag ag oolagppa daappig. Makirnu ban daup ikki ag laippuppa tappa ukkak hena noppig. Ao, Seblon ban daup ikki ag ele noppig.

1 Samuel 2:22

Aria, Eli nug kaino ma malom; nug am danab kainonab. Nug anam dayeye, danab ag nug bekoɗ aa Israel danab oh dilagppa kobol eheɗ hepiɗnu mattiegeg doyeye, aria ah ag mettid haknu peh lag danab ah appa qagmetteb ele, ah ag peh lag amu odppa laa dabmattanna, ehanadkkulagnu daappig amu, Eli bekoɗ aa ah amu ele niiegeg, ag amunu ele mattiegeg, Eli doyom.

2 Samuel 13:21

Amu haen King Dawit nug Amnon heumnu doya amu, nug oppoɗi huanak be, ameg kokoɗ eppom.